التهاب السحايا

[ba6re8a]

بنات في شي منتشر هالايام اللي اهوا التهاب السحايا :eh_s(10): والله قمنا انخاف احد يفيدنا هل نطعم والا لا.؟؟ في احد تطعم منه؟؟؟؟ قريت عنه وانا فيني فلونزا خفففففففففت حدي@@ اهوا نفس الاعراض بس شوي غير

ماتلاحظون كل هالحزه تقريبا يطلعلنا شي مره مره طيور مره فلونزا خنازير والحين السحايا

استغفر الله انا وحده حدي قمت اخاف اطلع من البيت :eh_s(4):

 

[PuPa^^SWeeT]

اب اب اب
اب اب
اب




يقولوون فيه تطعييم مادري اذا صج ولا لأ

 

[Sara988]

ترا التطعيم موجود وانا سمعت عنه

 

[زين ودلال]

اي جنه في تطعيم فوق ال5 او 6 سنين

لاتوسوسين وان شاء الله ماكو الا العافيه

الله يبعد عنا الامراض ان شاء الله

 

[متوترة]

اذا مسموح لك بالتطعيم
طعمي وعيشي حياتك
هذول الغرب كل شي عندهم
وعايشين حياتهم طول بعرض
والله يعين يارب
ويبعد عنا الامراض وشرها

 

[مظلومة حيل]

طعمو الوقاية خير من العلاج مع انة في اسحايا يجي قوي و خفيف
والله الحافظ

 

[الأميرة جوري]

الله يكافينا شر الامراض

 

[Le-Touch]

امبيه خرعتيني عاد ما احب اوسوس

من الصبح وانا حدي منشوله ويصير فيني عوار براسي من صوب اليسار

والمشكله لما رحت ويكيبيديا وقريت عن الاعراض تقريبا طلع نفسه @@
باجر الصبح بروح الطبيب اجيك

بس جد خرعتيني

 

[زَهر تِشرينْ]

.◈|❀|◈..
الله يكافينا شر الامراض والاسقام
احنا وعيالنا وكل المسلمين ويبعد عن االجميع كل مكروه ياارب​

 

[عادت ذكرياتي]

الله يحفظنا بحفظه


أمي سألت في مستوصفنا عن التطعيم قالوا ماكو


والإعلام بس فيه تطبيل وإخفاء للمستور ....


الله المستعان

 

[ba6re8a]

مشكورين حبايبي انا رحت المستوصف سالت قالو ما يطعمون الا المخالطين :/ وقالو ترا السحايا شيء قديم بس اول ماكان في واتس اب ولا بي بي ام غشان ينتشر وقالي الدكتور معطينه اكبر من حجمه!