التهاب الخدود بعد حقن الفيلر وحلها الجذري

[fditne]

السلام عليكم بنات

انا حقنت من شهرين احماض الفواكه "هايلورنيك اسد" او "حمض الهايلورنيك" وسببت لي انتفاخ بالخد اليمين وماعرفت ان منه..قمت رحت لدكتور الاسنان وشلعت ضرسي واخذت مضاد اقوامانتين اقوى مضاد يعتبر ودايم يصرفونه المستشفيات الخاصه وخف الالتهاب شوي ..

راجعت دكتور الاسنان بعدها باسبوع بقوله ليش للحين وارم فحصني و اول مابطل حلجي وضغط طلع دم وخراج وقالي انتي غازه فيلر قلت اي قال روحي قوليله شنو هذا!!واذا ماعرف يسنع شغله تعالي نسويلج عمليه نشق من داخل وننظفه تخيلو ولا يقول ياكثر ماسوينا هالعمليه بس ماضمنلج اذا رد التهب لان صعبه كأنج اطلعين شوربه بيضا من شوربه سوده مارتحت لكلامه شنو فيران تجارب احنا!!

رحت لدكتوري التجميل وقلتله اللي صار قام سحب بإبره وطلع اللي طلعه ووصفلي دالاسين مضاد ومن ثاني يوم قب الخد مووش قبه ورم وااااااااايد قمت رحتله عالطوول وقلتله شوف قام وصفلي ابر مضاد بالوريد لمدة 7ايام وامس كان اخر يوم واليوم مراجعتي عنده عشان يسحب الماده اللي كانت متصلبه ولانت مع المضاد..


مراد الحجي الحين بنات .. منو مرت بالتجربه التعيسه هذي مثلي وشنو سوت..

هل الحل فعلاً عمليه جراحيه والا السحب يؤدي المهمه؟؟

ناطره الردود

 

[fditne]

يختي انا قريت كلامج هذا بمشاركة بنت غيري بس ما اقتنعت

قولي ليش ما اقتنعت..

لان الحواويج صايرين غشاشين واغلب بضاعتهم خايسه من ناحية الاعشاب اقصد

وثانيا انا ويهي ملتهب مو محتاج ازيد الطين بله

لاتلوميني خايفه وما انام الا بمسكنات

انتي سويتيها صدفه والا احد قالج عن الطريقه؟

 

[fditne]

اختي سؤال شنو الغفور هذا سألت خبيرة اعشاب توني قالت ماعرفها وامي كذلك لها اسم ثاني؟؟

 

[فـرفـر]

امبيه صدمتيني
يعني للي تتفخ خدودها وتشلع ضرسها راح يلتهب عليها؟؟

انا مو فاهمه هالقصه رفيجتي خرعتني قالت انه من خدودها صار فيها خراج
ياليت توضحين للي صارلج بالضبط عشان تفيديين غيرج
الالتهاب جا من شنو من الابره والا من اسنانج

 

[fditne]

اقولج تشربكت السالفه مادري من شنو ول شي ورم خدي عبالي ضرس رحت وطق على ضرسي قال متسوس ولازم اشيله الحين وشاله ودكتور التجميل قال لو انج موشايلته احسن جان ماصار خراج

وبيني وبينج الدكاتره التجميل مايصارحونج يلفون ويدورون وبس ماعندهم الا عادي يومين وتخف وانا صارلي فوق الاسبوعين

ودي اجرب زيت الغفور اللي قالت عنه عنود لاني خايفه من العمليه بس اخاف اخرب الدنيا ويلتهب زياده

 

[fditne]

يعطيج العافيه اختي العنود لاتزعلين انا كنت اناقشج بقصد توضيح وجهة نظري وحابه انج تكتبين رايج مثل ماكتبتيه بالتفصيل عشان انور بعض وانفطن غيرنا عشان الاستفاده ..

وغير جذي انا اطلب منج تكتبين الخلطه كامله بجربها لان اليوم كنت عند الدكتور موووووصج الالم اللي حسيته وهذا واهو حاطلي بنج تخيلي صايحت صياح هز المستشفى كلها عساكم ماتشوفونه يابنات

طلع بلاوي واهو يعصر خدي بعد ماسحب بالابره بدى يضغط والقيح اللي اهو خراج ودمامين ترسو جيس قدامي كلا شاش مغرق وصخ

:""""""""(

والحين باخذ المضاد وبحاول انام لان الالم بدى يخف تدريجيا

 

[فـرفـر]

8
8
عورتي قلبي


حاولي تشمين مره
واذا عندج خوا جوا حطيها حاولين الجرح عشان الشممم

 

[fditne]

مو جرح غزة ابره ياقلبي

 

[مين اغلى ناسي]

رد : التهاب الخدود بعد حقن الفيلر وحلها الجذري

بسم الله عليييييج يا قلبي ....وربي عورنى قلببببببي انتى لا توسوسين وايد وامشي على العلاج صح وبعدها لا سمح اللله شوفي لك دكتور فاهم .... وطمنينا عليج


ترا نحاتيج .... ترا الخراج علاجه الآخير يشقون مكان الالتهاب وتفتكين

 

[دلــــع البنــــات]

رد : التهاب الخدود بعد حقن الفيلر وحلها الجذري

الله يشافيج ويسهل امرج ونفرح فيج يا رب

بس منو هالدكتور اللي سويتي عنده فلرز

 

[}{نرجسيهـ}{]

الله يشافيج ان شاءالله


ياليت حاطه اسم دكتور التجميل عشان ناخذ حذرنا ..

 

[أم مياسة]

سلامات عزيزتي وما تشوفين شر
بس منو الدكتور عشان نتحذر،،، الله يشافيج

 

[غاده بنت وليد]

سلامتك قلبي يارب
ما تشوفين شر
ياليت اسم الدكتور عشان ناخذ الحذر

 

[fditne]

مشكورين بنات :**

اسم البنجرجي اسماعيل ندا بكراج دار الشفا تلاقونه

 

[Turquoiseya]

عاد انا ناوية اتفخ خدودي بس من دهون الجسم
يعني المشكلة اللي صارت لج من المادة الغريبة؟ ولا بسبب التفخ بشكل عام حتى لو من دهون الجسم؟

 

[fditne]

الماده التهبت وانا قريت مره وانا ابحث بقوقل ان الحقن من دهون الجسم ممنوع عالمياً بس العيادات تخالف القانون

 

[اسيره2]

فديتني اشلوونج الحين طمنينا اشصار معاج ؟؟

 

[شمس 20]

بنات حق شنو الفيلر

 

[fditne]

اسيره انا الحمدلله بديت اتعافى

زهور الفيلر يعني كولاجين ننفخ فيه خدودنا الذبلانه

 

[اسيره2]

الحمدلله على سلاامتج يعني طلعت الماده كللها؟