التموين والبطاقة التموينية

[hada]

السلام عليكم
انا طلعت بطاقه تموين لي ولعيالي ماكان عندي قبل
ابي تجاربكم ونصايحكم الحلوة
شنو احسن شي ممكن اشترية من التموين وشنو اللي مو زين
وبطاقة التموين اقدر اشتري فيها من جمعية ثانية غير جمعية منطقتي ؟
وجزاكم الله خير :tek:

 

[فنر 2009]

لا حبوبة بس من جمعيتج ,,, لأنهم يحددون بالبطاقة المركز ,, كل جمعية ولها مركز تموين رئيسي ..

واللي تقدرين تأخذين منهم سكر وطماط وحليب سائل وبودرة وأرز وطحين

وإذا عندج أطفال تقدرين تأخذين حليب ومغذيات أطفال لين يصير البيبي عمره سنة .. وايد وايد أرخص من الجمعيات ..

لأنها مدعومة وزين سويتي يوم طلعتيها ..
ومرات العيش يطلع مو حلو بس لا تقطينه خزنيه شهر ويطلع ولا أروع.
إن شاء الله أكون فدج حبوبة والله يوفقج ..

 

[hada]

مشكورة جزاج الله خير

 

[اطياب طيبه.أم عبدالله]

احب أظيف على كلام الاخت لولو
انه اكو بعد عدس وماش وزيت وسمن
وحليب التموين المعروف طبعا

واعتقد ان حليب وبامبرز الاطفال لي ست شهور على ما اظن مو سنه
يمكن الخوات يفيدوننا اكثر بعد

وشكرا

 

[^^DADDIES GIRL^^]

بنات زوجي يبي يطلع بطاقة تموين شلون الطريقه

 

[أغلى حبيبه]

اللي يعطونج

حليب سائل وبودر

وعيش وشكر

وعدس وزيت

ومعجون طماط وعدس


واذا عندج بيبي يعطونج حليب لي سنه

والسيريلاك من ست شهور لي سنه


بس بامبرز ومغذي وموش اول مره اسمع انه يعطون

لانه اللي قتلج بس هذيل اللي مكتوبين بالبطاقه

 

[hada]

عاشوا عاشو
ثانكس عالمرور

 

[سعادتي برضى ربي]

انا عندنا بطاقة تمويل بس اضيف اضيف عليه بنتي الصغيره شلون


وهل يفرق سعر حليبهم عن سعر الحليب بالجمعيه

وتوقعون عندهم كل انواع حليب الاطفال

 

[mrs_sugar]

بالنسبة لحليب الأطفال بالتموين

المتوفر اس 26 و سيميلاك و نان و كيكوز

و السعر وايد اقل من الجمعية

بالنسبة لعيش التموين انا ما عندي مشكلة معاه

احس حلو مو شين

بس لا تستعملونه على طول خلوه شهر او اكثر يصير احلى

و الحليب في بودر و في كا دي كاو كامل الدسم و قليل و خالي الدسم

 

[Om 7oo7oo]

انا عندنا بطاقة تمويل بس اضيف اضيف عليه بنتي الصغيره شلون


وهل يفرق سعر حليبهم عن سعر الحليب بالجمعيه

وتوقعون عندهم كل انواع حليب الاطفال

اي حبيبتي السعر يفرق ، و اعتقد ما يحتاج تضيفين بنتج على البطاقه لأنهم الحين يتعاملون مع البطاقة المدنية لرب الأسرة و السيستم مالهم متوصل مع سيستم المعلومات المدنية يعني بس يدخلون اسم زوجج يطلع عندهم كل شي عنه جم عدد الأطفال و أعمارهم و الزوجه و الخدم ، بس لو يسأل زوجج هم أحسن لأنه هذا اللي عرفته من زوجي قبل فترة طويلة .