التلقيح الصناعي

[المتفائلة 2009]

السلام عليكم ورحمة الله وبركاته
حبيت اسالكم عن التلقيح الصناعي انا الهرمون مرتفع شوي وزوجي تحليله سليم وقالت الدكتوره نسوي هذا الشهر تلقيح ونسبة نجاحه 70 %


هل تنصحوني اسويه لي 3سنوات متزوجه
من سوته ونجح معاها
ارجو افادتي

 

[madam_cake]

حبيبتي انا سويته مرتين ولكن الله ماكتب لي حمل مع اني حملت بداية زواجي ولكن اجهضت والحمدالله والشكر على كل حال

وهالشهر راح ابلش علاج وراح اسوي اشعه الصبغةوبعدها راح اسوي التلقيح الصناعي والباجي على الله وانشالله الله يكتب لنا انحمل يميع

حبيبتي توكلي على الله وبلشي علاج وسوي التلقيح وكل شي بيد رب العباد

 

[om_jsoom]

سويها وتوكلي على الله ولاتخلين العمر يمشي ابدي بالعلاج من الحين
انا صارلي بعد 3 سنوات متزوجه ومن اول 6 شهوور بدينا بالعلاج
والله يسهل عليج ويوفقج ويرزقج باذريه الصالحه ياااارب

 

[WaChoCha]

توكلي على الرحمن وسويها مثل ما قالو البنات العمر يمشي

 

[q8nina]

توكلي على الله وجربي لازم يكوون ايمانك بالله قوي ...


انا سويت الشهر اللى طاف تلقيح عند ماجده اليتامي .. ومالله كتب لي احمل .. مع اني كنت ادري ان الهرمون الحليب
مرتفع ومع ذلك قالت لي اسويها ..
كان نسبته 900

واذا كنتي شاكه بالامر .. عالجي الهرمون وبعدين التلقيح ..
لان التلقح يبيله هم ماديه حلووه ..
ترا كلفني التلقيح 400 دينار

 

[غايتي رضا ربي]

سويت تلقيح الشهر الماضي وما طلع حمل الحمدلله والشكر
وان شاء الله ربي يكرمك جربيها وتوكلي على الله

 

[هيونه الكويت]

توكلي على الله

وموفقه

 

[dress-shop]

توكلي على الله وسويه

 

[المتفائلة 2009]

اشكركن على الرد

بس بصراحه التجارب ماتشجع احس باحباط

 

[BNT_NAS]

70% مستحيييييييييييييييييييييييييييييييييييل
اصلا حتن الانابيب ماتوصل هالنسبة.....انا سويتها 4 مرات والله ماكتبلي الحمل....نسبة نجاح التلقيح الصناعي 15-20 % بس...

بس في ناااس وايد ينجح معاهم التلقيح....وان شاء الله اتكونين منهم ياااارب

 

[bnt_kwt]

70% مستحيييييييييييييييييييييييييييييييييييل
اصلا حتن الانابيب ماتوصل هالنسبة.....انا سويتها 4 مرات والله ماكتبلي الحمل....نسبة نجاح التلقيح الصناعي 15-20 % بس...

بس في ناااس وايد ينجح معاهم التلقيح....وان شاء الله اتكونين منهم ياااارب

انا مع اختي بنت ناس
مستحيل 70% نسبه نجاح التلقيح الصناعي
ونسبه نجاح العمليه مثل ما قالت من 15 الى 20 بالاميه فقط

وجربي منتي خسرانه موشرط اذا افشلت مع غيرج يعني راح تفشل وياج العمليه
بالعكس يمكن تسوينها وتضبط وياج من اول مره مثل وايد ناس

 

[المتفائلة 2009]

:klhfl:

 

[المتفائلة 2009]

السلام عليكم ورحمة الله وبركاته اشكر كل من رد علي

اليوم رحت لدكتوره قالت افضل شي تعملي تلقيح صناعي سالتها عن النسبة قالت لحالتك من30% الى 70%وقالت انه نسوي غسيل اللحيوانات المنوية واذا كانت الحركة 10%تصير بع الغسيل 60 %ان شاء الله وهذا يعطي فرص اكثر للحمل هل هذا صحيح الله يرزق من ترد علي بالذرية الصالحة افيدوني انا محتاره اسويها ولا لا وخاصه اني ماقريت احد نجحت معاه والي نجحت معاها ياليت تكتب قصتها

 

[sanfora]

السلام عليكم ورحمة الله وبركاته اشكر كل من رد علي

اليوم رحت لدكتوره قالت افضل شي تعملي تلقيح صناعي سالتها عن النسبة قالت لحالتك من30% الى 70%وقالت انه نسوي غسيل اللحيوانات المنوية واذا كانت الحركة 10%تصير بع الغسيل 60 %ان شاء الله وهذا يعطي فرص اكثر للحمل هل هذا صحيح الله يرزق من ترد علي بالذرية الصالحة افيدوني انا محتاره اسويها ولا لا وخاصه اني ماقريت احد نجحت معاه والي نجحت معاها ياليت تكتب قصتها

حبيبتي توكلي على الله وسويها بس خلي في بالج ان نسبة النجاح اقل من جذي وتزيد كلما عدتي المحاولات.........

ماشاءالله كافي 3سنين ناطره, توكلي وسويه والله يرزقج من اوسع ابوابه

 

[<Miss ROoSe >]

حدى داشة عرض
والله حبيبتى أنا ماعندى فكرة بالموضوع
بس حبيت أنصحج أنج تسوينها لأنج منتى خسرانة ماتدرين يمكن تضبط معاج أن شاء الله
وعسى الله يكتب لج الحمل أن شاء الله من أول محاولة
يارب​

:yaaaaaarb:​

 

[^noonaa^]

الله يرزقج ان شاءالله بالذريه الصالحه

 

[++The DuchesS++]

انا سويتها والحمدلله نجح معاي بالمره الثانيه
ويبت احلى نونو وصلوح الحمدلله
خصوصا انه تحليل ريلج سليم
توكلي على الله

 

[تمر حنا]

حبوبه توكلي على الله وسويه انا سويته والحمدلله حامل بفضل ربي وبعدين التلقيح

 

[eng.q8]

توكلي على الله

 

[نوى الجود]

توكلي على الله وكوني متفائلة
وان شاء الله تبشرينا بخبر الحمل:eh_s(6):
ودمتم سالمين