التلقيح الصناعي

[hwt]

بنات ابي اسالكم عن التلقيح الصناعي انا بسويه هالشهر انشاء الله يعور وله لا وشلون طريقته وجم يكلف ومنو سوته ومن اول مره ظبط الصراحه انا وايد خايفه لاني ما ابي احاول محاولات فاشله احس بس فقدت الامل صارلي اربع اسنين اعابل بنفسي من عمليه لي ابره من ابره لي احبوب الصراحه حدي فقدت الامل

 

[ام يارا]

الله يوفقج و تنجح من اول مره و تبشرينا بحملج الله لا يضيع تعبج ويعوض صبرج خير

ما اعرف بصراحه بهالموضوع اسمحيلي بس حبيت ارد وادعيلج


بالتوقيج حبيبتي وتوكلي على ربج و خلي ثقتج فيه كبيره

 

[hwt]

مشكوره بعد عمري

 

[محاميه الغد]

حبيبتي انا جربت التلقيح الصناعي عند الدكتوره نجيبه القطان بس للاسف ما نجح معاي مع العلم ان التبويض كان ممتاز بس الله ما كتب و الدكتوره نجيبه مو وايد شاطره
انشالله يا رب ينجح معاج
و التلقيح الصناعي مافي الم و لا عوار جنه سونار داخلي و بسرعه يخلص يمكن نص ساعه بس
يااااااااارب تبشرينا بخبر حملج انشالله

 

[أمونة الحلوة]

مافيه الم ولا عوار وشوفيلج دكتورة زينه يمدحون فوزيه القطان وعن التكاليف ماعندي علم

ان شاء الله البنات يفيدونج اكثر وعليج بالصبر والاستغفار

ربي يرزقج بالذريه الصالحه يارب

 

[زنوبة الحلوة]

توكلي على الله وانشالله سهالات يارب

يارب يرزقج الذرية الصالحة ولا يضيع تعبج

 

[PINK*LIPS 81]

انا سويته 3 مرات وانشالله الثالثه ثابته ليلحين ما حللت ... حبيبتي ما يعور وتوكلي على الله ولا تياسين ولا تفقدين الامل خلي املج بالله كبييييييييييييييير الله كريييييم .... انا سويته مرتين عند ماجده اليتامى واااايد شاطره هالدكتوره وحبوووووبه وتريح النفسيه الله يعطيج على قد نيتج حبيبتي ويرزقج ويرزقنا معاج يا رب

 

[PINK*LIPS 81]

نسيت اقولج حبوبه سعره 80 دينار عند ماجده التامى .... حبيبتي نصييييحه وانتي اتسوينه كثر من الاستغفااااار اهم شي بنية الرزق والدعاء ( اللهم لا تذرني فردا وانت خير الوارثين ) وااااايد زيييييييييييين

 

[hwt]

يعطيكم العافيه ومشكورين وما قصرتو

 

[ضيم الليالي]

انا سويته عند دكتورة ماجده اليتامى وللحين ماصار وقت التحليل..ان شاء الله اكون حامل وابشركم

التكاليف حسب حالتج وانا كانت:.الابر تقريبا 8 ابر وسعر الوحده 4 دنانير
3 سونارات لمتابعة التبويض تدفعينهم مره وحده وسعرهم 45
والتلقيح ب80

لاتحاتين كل شي بيد الله
الله يوفقج ويرزقج ولايحرمنا
اللهم آمين

 

[bnt_kwt]

كلش ما يعور والتساهيل من رب العالمين
وانا سويته مره بالصباح بقسم طفل الانبوب

 

[hwt]

يعطيكم لعافيه تصدقون انها قالتلي تبي تسويلي مرتين مره السبت مره الاحد منو صار معاها جذيه

 

[الدبلوماسية]

عسى الله يرزقج الذرية الصالحة ويرزق كل محروم ويقر عيونج بشوفت النونو اللي يسترس عليج البيت
وكثري من الاستغفار واقري سورة البقرة

 

[hwt]

حدي والله متازمه خايفه كله بالي انه بيفشل لاني تعبت من كثر ما اامل نفسي ويفشل واندقر

 

[هندااا]

انا باتريك سوالي التلقيح يومين ورا بعض

 

[++The DuchesS++]

اي احسن بعد اذا عادوه يومين
عشان تزيد فرصه نجاحه
بس المشكله بالصباح مره وحده بالشهر بس

 

[hwt]

ليش ما تسوينه بلخاص والله قط افلوسك بشمس واقعد بلظلال ولا مذلت الحكومه

 

[hwt]

يعطيكم العافيه على الردود

 

[كويتيه مذهله 87]

لا تقولين فقدت الامل الهل كريم حبيبتي وراح يرزقج

اذا انتي وزوجي مافيكم شي سواا تلقيح صناعي ترا مايعور انا سويته عند ناهده العلي ب 30 دينار

اذا لاسمح الله من ريلج ليش ما تسوين اطفال انابيب