التلقيح الصناعي و الهوا

[lavendara]

السلام
بنات انا اليوم سويت تلقيح صناعي و خايفة لان حسيت مرتين ان طلع هوا من رحمي :eh_s(11):
منو تقدر تفيدني بهالشغله حدي متازمة لا يكون راح تعبي عالفاضي ياربي الطف بي

 

[بحر الذكريات]

عادي لاتفكرين

 

[boliana_q8]

يا حبيبتي لاتحاتين
الله اذا كاتب حمل راح يصير لو شنو صار
في ناس رياييلهم يقذفون بره وتحمل
كله بإرادة الله

 

[lavendara]

اييي اوكي راح احاول اني ما افكر و شكراا عالرد

 

[Hanan82]

أختي لا تخافي وانا سويت امس تلقيح صناعي وحسيت في غازات كثير عندي بس توكيل عالله وان شالله
يرزقنا بذريه الصالحه ويفرح قلوبنا

 

[lavendara]

ان شاء الله ياقلبي و نوكلها لرب العالمين و لو الشي بيصير ماكو شي يمنعه

 

[ثنايا الورد]

أوي البك ^___^

وخلج متفائلة والتلقيح اهون من الحقن وناس تسويه مرات ومرات ومتيأس
فانتي عليج بالدعاء والاستغفار وامورج طيبه ان شاء الله

 

[&هند&]

حبيبتي ريحي نفسج ولا تفكرين وان شاء الله تبشرينا بحمالج ،،،

 

[ملكه بطيبتي]

ان شاء الله خير
وتبشرينا بالنتيجه

 

[شيخه_البيض]

عادي حبيبتي هذا لان في هوا داخلج
أنا قبل امس سويت أشعه الصبغه وذبحني الهوا
شربي نعناع وكمون بيطلع كل الهوا اللي بجسمج
وان شاءالله تفرحون بخبر حمالج يارب

 

[lavendara]

مشكورين كل اللي ردوا علي ردودكم تريح الواحد

 

[ســــراب]

..

حبيبتى فوضى امرج لربج

واشغلى نفسج بالاستغفار و القران

قال تعالى:
(( ( فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاء عَلَيْكُم مِّدْرَارًا
وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا ) ))

​

و انشاء الله يارب تفرحين و يرزقج بالذريه
و لا يضيع تعبج

اللهم امين يارب العالمين

..​

 

[lavendara]

ان شاءالله حبيبتي و صح الاستغفار يريح الواحد

 

[شنوووفه]

ربي يرزقج انشالله انا بعد مسويه اشعه الصبغه وفيني وايد هوا :<
امي عطتني ماي زهر صج ريحني الحمدلله والشكر وعليج بالاستغفاار
مته تحليلج ؟

 

[lavendara]

تحليلي اليوم و ما حللت خايفة لان هاذي المرة الرابعه اللي اسوي تلقيح و مابي انصدمت هديت المثبتات ان نزلت الله اراد

 

[شنوووفه]

انشالله هالمره غيير حللي وبشريينا :>
موفقه