التلقيح الصناعي وعدم استمرار الحمل

[sweet-rose]

السلام عليكم ،


انا قاعدة اسوي بحث عن التلقيح الصناعي ، واغلب البنات اللي سووها اهني وبمنتديات ثانية حملهم ما كمل وطاح ... يعني ما يستمر الحمل اكثر من ثلاث شهور ... ليش ؟ البنات اللي مروا بهالتجربة ممكن يفيدونا ؟ وسؤالي الثاني بعد عملية التلقيح الدكتورة يعطي مثبت حمل ، هل تاثير جل او كريم التثبيت اللي يكون عن طريق المهبل مثل الدفاستون واذا ماكان فيه حمل تنزل الدورة عقب ما ننتهي من فترة استخدامه ؟

 

[تفااحة]

خوفتيني عسى اللة يتمم علي علاجي ويباركلي بالتلقيح ويرزقني يارب هالشهر انا امس مسويتة والباقي على رب العان ..... اما بالنسبة للمثبت انا عطاني دكتوري دوفاستون ابدي فية من باجر لمدة اسبوعين واللة كريم ....... اكيد اذا مافي حمل راح تنزل من تخلين الحبوب .... اما بالنسبة للجل واللة ماجربتة ... بس سمعت ان التحاميل احسن من الدوفاستووون ................

 

[miss_uk]

انا سويتة وما حملت نزلت الدورة
الشهر هذا خذيت منشطات من غير تلقيح صناعي

 

[ام_مرام]

مو شرط يا عمري
اعرف ناس شكثر حملوا و جابوا عيال من التلقيح
كل شي نصيب
و ان سويتيه يعطونج تحاميل تثبيت تأخذينها ل لمدة اسبوعين
اذا ما فيه حملا راح تنزل الدوره عادي

 

[Swan]

اهو نسبه نجاحه قليله يعني بحدود 20 الى 25%
عشان جذيه ممكن تسمعين ان في وايد بنات ماصار معاهم حمل
بس مع ذلك هم في بنات وايد حملوا بالتلقيح الصناعي والله رزقهم بالذرية

 

[++The DuchesS++]

الله يرزقج ان شاء الله الذريه الصالحه

 

[sweet-rose]

مشكورين على الرد .

تفاحة انا مو قصدي احبطج ، بس انا قاعدة ادور عشان استفيد وعسى ربي يرزقج ويرزقني مع كل محرومة ان شاء الله .

 

[مهاوو]

استغفر الله العظيم من كل ذنب عظيم واتوب علية

 

[om-7amod]

فيه ناس ممكن ينجح معاها وفيه ناس لا

لما سويته كانت معاي وحدة دخلت قبلي وانا بعدها

وسبحان الله نجح معاها وانا مانجح والحين ماشاء الله عليها في الخمسه شهور الله يتمم عليها

فهو يختلف من شخص لشخص ....

والله يرزق الجميع

 

[eng.q8]

مو شرط وماله شغل
انتي من تصيرين حامل يكون التلقيح ماله شغل
وجنج حامل عادي بس الفرق انج تاخذين مثبتات

وان شالله نسمع اخبار حلوه

 

[أوتار الحنين]

حبيبتي عادي مو شرط التلقيح أصلا نسبته احسن من الحمل الطبيعي لإنه بيكون في أجنه لكن الله وحده العالم مممكن تثبت الاجنة او لا وهدا كله بيعتمد على إرادة الله وبالنسبة للمثبتات لازم يعطيكي ياهم الطبيب وبالأغلب تحاميل سايكلوجست

 

[sweet-rose]

مشكورين وما قصرتوا ... والله يكتب اللي فيه الخير والصالح

ربي لا تذرني فردا وانت خير الوارثين

 

[أمواج كويتية]

من دراستي الجامعية احم احم :eh_s(20):وخبرتي اللي مريت فيها
سبب فشل معظم الحالات هو انه الدكتور لا يهيئ الرحم
ويعطي مثبتات مثل ماهو الحال في طفل الأنبوب لأن في التلقيح الصناعي
تدفع الحيوانات الى أعلى الرحم بالقرب من القناة لتاخذ طريقها الطبيعي
وهو قتاة فالوب اللي يتم فيها الاخصاب او التلقيح وبما ان الحمل معرض
انه يكون في الانبوب في بداية الحمل نظرا لوجود التصاقات لا قدر الله
فالدكتور يترك الحمل على قدرة الرحم الطبيعية باحتوائه ومايعطي مثبتات الا عقب مايتاكد من اول شي:
1_ مستوى هرمون البروجسترون في الاسابيع الاولى يكون في النسب الطبيعية
وليس دون النسب لانه الحمل خارج الرحم يفرز نسب قليلة من هرمون البروجسترون
2- يتاكد من وجدو كيس الطفل في الاسبوع الخامس حتى يتاكد ان الحمل
تم في داخل تجويف الرحم وليس خارجه اي بالانبوب
بعد ذلك تعطي الحامل مثبتات وتوصى بالراحة . هاذي معلومة بسيطة
قد تفسر سبب نجاح طفل الانبوب عن التلقيح الصناعي
أدري دوختكم و سوري على الاطالة
​

 

[نيبال الايمان]

ضى الايمان


ياعمرى يعطيج العافية على هالموضوع 0000

احنا فعلا محتاجين نعرف اسباب عدم ثبات الحمل فى عمليات التلقيح الصناعى 000

وياعمرى يا تفااحه لا تحاتين الرزاق الله 000 وعسى الله يثبت لج النونو ويفرحج فيه اللهم امين يارب

وعسى الله يرزقنى ويرزقج ويرزق كل محروم ومحرومه منهم اللهم امين يارب

 

[حلم الأمومة]

حبيبتي مافي شي يثبت الحمل غير اللي الله سبحانه قاسمه لج ولنا .... والدعاء والالحااااح بالدعاء والاستغفار اهما اللي يثبتون الحمل

 

[sweet-rose]

السلام عليكم ،

انا عارفة انه كل بامر الله سبحانه وتعالى بس اهي ملاحظة لاخظتها وحبيت احط الاستفسار عشان اللي مروا بالتجربة يفيدون غيرهم . وفي معلومة ثانية حبيت اضيفها انه الكلوميد ممكن يسبب الحمل الضعيف .