التلقيح الصناعي بعد المنظار؟؟؟

[صدفه!]

السلام عليكم ابشركم سويت تلقيح صناعي بعد عمليه منظار تثقيب المبايض اللي سويتها من 6شهور وبكل اسف للحين معاي ضعف تبويض وشديد ورجعت التكيسات ومادري شسوا الدكتور غير انه فتح ثقوب في بطني
رغم انه شاطر دكتور مدحت فوزي بالعرف
المهم هذا ثاني تلقيح اسويه
وهالمره سويته عند دكتور محمد قطب بعد ماخذيت 21 ابره تنشيط ونهب فلووووسي كلها والحين مفلسه:eh_s(9):
بنات تكفوووووووووووون ادعولي لان حدي خايفه والله وتعبت من الابر والعمليات والتلقيح
وزوجي ماشالله مو متفاهم ويحن بعد
ادعووووووووووولي امس مسويه التلقيح

 

[صدفه!]

ومنو سوت التلقيح وحملت؟؟
والدكتور قالي بعد المنظار بينتظم التبويض والنتيجه للاسف نفس الشي؟
وشلون للحين معاي تكيسات يعني ماشالهم او ارجعوووو؟؟؟؟؟؟؟؟؟؟؟؟

 

[ام صاالح]

رد : التلقيح الصناعي بعد المنظار؟؟؟

up


up

 

[صخر جلمود]

متى نزلت عليج الدوره لما سويتي تلقيح

 

[صدفه!]

المره الاولى نزلت بعد 14 يوم من التلقيح
وهالمره ادعووولي ماتنزل يارب واكون حامل

 

[صخر جلمود]

بيوم ال 14 ولا بعده

 

[صخر جلمود]

انا مسويه تلقيح وصارلي 15 يوم

وحدي خايفه واول مره اسويه

حللت يوم 14 تحليل عادي طلع مافي حمل

ناويه بعد جم يوم احلل هرموني

 

[صدفه!]

انشالله تكونين حامل يارب امييييييييييييييييين
وين سويتي التلقيح عند اي دكتور وشنو مشكله تاخر الحمل

 

[صخر جلمود]

عند العرف << فديته

ضعف مبايض

بس نا زوجي كان رافض العلاج لو أنو معالج من زمان كان الحين عندي 3

بس الحمد الله على كل حال

 

[صدفه!]

انا سويته المره الاولى عند العرف بعد
امانه بشريييني عنج تكفين والله اني بفرحلج

 

[صخر جلمود]

بعد عممري

والله حدددي متخووفه من النتيجه

انتي الحين مسويه تلقيح

؟؟

 

[صدفه!]

اي سويته يوم الاربعا
دعواااااااااااااااااااتكم ياكويتيات

 

[*ماي الورد*]

رد : التلقيح الصناعي بعد المنظار؟؟؟

ان شاء الله تبشرينا ب حمالج قريب

 

[صخر جلمود]

عطاج تحامل صبح وليل لمدة 14 يوم

!!

 

[صدفه!]

قبل العرف مدحت فوزي عطاني
بس محمد قطب عطاني جل احطه 14 يوم وحبوب تثبيت وابره وحده تثبيت

 

[صخر جلمود]

آممممممممم

أنا بس تحاميييل

الله يثبته لج

 

[استغفار]

رد : التلقيح الصناعي بعد المنظار؟؟؟

مدحت فوزي صارلي 4 سنين اعالج عنده ما شفت اي نتيجه سويت منظارعشان يشيل الكيس وماشاله بس كواه ورجع الحين ونلقيح ما نجح بعد المنظار ومنشطات وابر تفجير اكثر من 4 مرات وياربي لك الحمد ما شفت اي نتيجه احس انه بارد يعني ما يستعجل عليج يجرب وايد اي شي والحين غيرت ورحت لمنصور العرف وقالي بسوي لج منظار للكيس واشيله وانا رفضت ان شاءالله بيروح بروحه من دون عمليه ,,

الله يرزقج يا غاليه وييتمم لج بالخير ,,

 

[مناوووي]

الله يرررررررررررزقج

 

[British Girl]

صدفه
جم سوالج التلقيح الصناعي ؟
وهل التلقيح يعور لما سوتيه عند محمد قطب ؟
انا سمعت انه اول ماتخلصين التلقيح يقولج روحي حللي دم اذا حامل او لا ؟؟ يبين بوقته استغربت من هالموضوع

 

[صدفه!]

استغفار صاجه حيييل بارد وصاير سريع ومايتطور بالعلاج
انا كرهته خلااااص مالي رجعه عنده عقب ما فشل منظاره
وبرتش غيرل شوفي العلاج انا اخذ جرعات كبيره يمكن 400 دينار مع التحاليل
والتلقيح 100 والمختبر لزوجي 30 غير الادويه
والتلقيح مايعور كلش عنده وقال حللي بعد اسبوعين