!!!!التكيس التكيس التكيس !!!!!!

[ام دلال ومنال]

كويتيات شلونكم

بنات تكفون ابي علاج مجرب لتكيس المبايض تكفووون بنات ابي اخ ولا اخت ثالثه لبناتي

اللي تعرف علاج التكيس لاتقصر معاي والله لايقصر بعمرها تكفوون اللي ماتعرف ترفع الموضوع لاني محتاجه مساعدتكم ياحلوات :hjy5jewf:

 

[أكذب عليك]

حبيبتي انا رحت عند دكتوره وعطتني جلوكوفاج لمده شهر والحمدالله راح التكيس
انا انصحج علاج الاطبااء احسن لج

 

[دمعة^حزن]

نفس ماقالولج الجلوكوفاج اول اسبوع تاكلينه حبة باليوم ورا العشاء ومن الاسبوع الثاني تبلشين حبتين باليوم وقوته 500مو 1000 وموفقه يارب

 

[ام دلال ومنال]

مشكووورين خواتي طمنتوني

 

[&هند&]

حبيبتي عادي يروح التكيس لما تهتمين بدورتج وتشربين عشبالمدينه والمرقدوش واكلي ادوية النفاس انا دايم اجربها ،،،

 

[أريد حلا]

التكيس ما يروح بنات لان اصلا الدكاتره نفسهم ما يدرون من شنو يصير ؟؟​

فهم يقعدون يعطون المريضه علاج لاعراض المرض​

ليش ؟؟​

علشان ما يصير فيها السكري​

والسبب اعتقد واضح من الجلوفاج هذا يعطونه لمرضى السكر ينضم عملية دخول الانسولين للخليه​

كذلك التكيس يسبب خلل فيها​

وبالتالي تلقين اغلب اللي فيهم تكيس مع الوقت يعانون من زيادة بالوزن​

وشعر تحت الذقن حتى الليزر ما يلحق عليه​

سبحان الله هذا احس من الاكل ولا ليش حريم اول وجداتنا ما طلعت لهم هالاعراض​

يعمرون كانوا والبيبسي مشاءالله يلعب بأجسامنا عموما انتي اهتمي بنفسج وروحي​

عندج ناهده العلي دكتوره زينه وشاطره بسوالف الحمل وغيرها

فوزية القطان​

ليلى اشكناني​

هذول نساء وولاده​

واذا تبين شطر ورجال​

روحي محمد صلاح مستشفى السلام عمارة المسيلة بنيد القار​

ودار الشفا مو شطر بهالسوالف ولا الهادي ما انصحج تروحين لهم​

وبالتوفيق​

 

[ام دلال ومنال]

مشكوورين حبوبات عالمعلومات

 

[auoma]

بصراحه البنات كفو و وفوا
بس انا مجربه وحتى اختي دكتور شاطر و١٠٠٪ممتازه حق هالسالفه
دكتور ناهض حماديه بمستشفى مواساة
وعندج دكتور حيان الاحمد كان بمواساة بس طلع
الله يرزقج ويرزقني اخت لبنتي يارب

 

[كل دنيتي امي@]

الله يشفيك

 

[زمردة مشعة]

روحي ع دكتورة احسنلج تشوف حالتج وتوصفلك الدوا المناسب .

 

[سكر بنآت]

أنأا كان فيني تكيس وتأخر الحمل من زواجي لي 4 شهور رحت حق الدكتورة بريتي كومار بالهادي ونظمت لي الدورة لمدة شهر وثاني شهر أنا حامل والحمدلله لأن التكيس ماله علاج محدد بس الدكاترة يحاولون علاج أعراضه منهم عدم انتظام الدورة .. والله يسهل علي وعلى كل الحوامل ويرزق كل اللي تبي بالذرية الصالحه يااارب​

 

[روح الأحزان]

حبيبتي في وحدة تعااج بالأعشاب اسمها أم فيصل اهيا بجابر العلي ووايد ناس رايحين لها وتعالجو عندها وحملو واذا تبين رقمها دوري بالنت لاني بصراحه ماعرفه وان شاء الله تفيدج

 

[ليمونة وزيتونه]

انا سويت عمليه لان حجمه كبير لاتهملينه

 

[ام الحلوااات]

اللـــــه يـــشـــفـــــيـــج ويــكــتــــب لــــج الـــــحـــمــــل عـــــاجـــــلآ يـــااااارب

 

[".شاعريه."]

يابنات نصييييييحه لوجه الله
اخذوا القسط الهندي لو ملعقه باليوم
قسما بالله فيه بركه عليج من جميع النواحي
انا كنت اعاني من وجود اكياس كبيره عالمبيض ولله الحمد بدون عمليه راحوا حتى الدكاتره مستغربين
كنت اخذ القسط ملعقه صغيره مطحونه مره او مرتين باليوم وسويت حجامه

قال النبي عليه الصلاة والسلام : خير ماتداويتم به الحجامه والقسط الهندي

 

[خبيرة اعشاب]

بالنسبة للتكيسات فالعلاج يكون حسب مسبباتها اذا هرمونية او التهابية ..
و حسب نوعيه التكيس هل هو دهني او مائي او دموي

الافضل التعامل معها بعلاج طبي و اهم شي المتابعه الدورية

بالنسبة لعلاج الطبيب عموما واحد

اولا مانع لايقاف نشاط المبيض فترة العلاج
الجلوكوفاج خصوصا اذا كانت المريضة تعاني من سمنة

و بعدين ممكن يعطيج مسكنات او شي ثاني حسب نظرته هو للحالة

و بالنسبة للعلاج العشبي فعموما نستعمل المليسا شراب يومي لتخفيف الالم
و بعض الاعشاب الاخرى حسب الحاله

 

[ام دلال ومنال]

مشكووورييييييييين خوااااااااتي