التكميم والصيام تكفون ساعدوني

[cramela]

السلام عليكم
شلونكم بنات اخباركم ؟ مبارك عليكم الشهر وتقبل منكم
انا سويت عمليه التكميم 14-6-2012
امس صمت بس كانت فيه دوره وتعب حيل ما حسيت بالجوع بس الدكتور قال لي من تفطرين المفروض تشربين سوائل 7 بطول او 6 انا حاولت بس تعبت وحتي تفطرت وما قدرت اقوم كله منسدحه انا استخرت وفطرت اليوم شرايكم انتوا شلونكم مع الصيام

 

[cramela]

Uuuuuuup

 

[leb-heart]

حبيتي اول يومين صعب شوي حاولي أخذي حبه المعدة قبل الإفطار ب نص ساعه عشان تحمي معدتك

 

[سـما]

حبيبتي
اذا ماقدرتي لاتهلكين جسمج
ترى موزين عليج

اتوقع ماراح تقدرين
لان الصيام هالشهر لي الساعه سبع بالليل
وانتي توج صار لج شهر من قصيتي معدتج
يعني تعتبرين مريضه
ومو رجل والا ايد
اسم الله عليج

انتي معدتج للحين ما تشافت عدل من الجروج والعمليه
والمعدة اساس الصيام
حتى اذا فطرتي ماراح تقدرين تاكلين مثل اللي لهم اكثر من ثلاث شهور
اكلج الحين قليل جدا جدا جدا
ما يخليج تاكلين وتكتفين حق صيام باجر لي السبع بالليل

 

[مذهلة 78]

السلام عليكم
شلونكم بنات اخباركم ؟ مبارك عليكم الشهر وتقبل منكم
انا سويت عمليه التكميم 14-6-2012
امس صمت بس كانت فيه دوره وتعب حيل ما حسيت بالجوع بس الدكتور قال لي من تفطرين المفروض تشربين سوائل 7 بطول او 6 انا حاولت بس تعبت وحتي تفطرت وما قدرت اقوم كله منسدحه انا استخرت وفطرت اليوم شرايكم انتوا شلونكم مع الصيام

تصدقين تاريخ عمليتج مثلي بالضبط انا 14/6/2011 وهم صادف رمضان وانا توني مسويتهاا بس ما قدرت اصوم كله فيني هبوط بعدين صار عندي عادي وتعودت عالصيام بس فطوري كله شوربة عدس او شوربة هريس وروب وبطاط مشوي

 

[cramela]

بكره دوامي وعن جد قاعده احاتي انا ريجي ينسف وكله عندي مراجعين والله يقدرني يارب التعب مالي مو طبيعي فيني ضغط وسكر بعد والله يعين بارب وتاجرنا يارب وتقبل منا صالح الاعمال

 

[سـما]

حبيبتي
اذا فيج سكر وضغط ودوامج متعب ومراجعين

ترى الدين يسر وليس عسر
ويحب الله ان تؤخذ رخصه
وانتي عندج رخصة / عذرج مرضج الحالي معدنج للحين ما تقدرين تاكلين طبيعي

ولاحظي ان هالسنه رمضان للساعه سبع الصيام

انا اقول
اسئلي شيخ دين افضل
لان اخاف تستأثمين بصيامج لانج تهلكين صحتج
اسئلي عشان تتطمنين

 

[boliana_q8]

بنات انا صارلي اسبوعين مسوية تكميم وماصمت بس ذبحني الحارج احس شي يحترق فبلعومي شسسوي

 

[اوووفه]

بنات انا صارلي اسبوعين مسوية تكميم وماصمت بس ذبحني الحارج احس شي يحترق فبلعومي شسسوي

اكلي حبه المعده علي الريج واذا حسيتي بحارج اخذيها مرتين وشربي حليب بارد

 

[اوووفه]

ذكرتيني بنفسي ياصاحبه الموضوع انا كانت عمليتي ٦/١١ قبل مذهله بيومين بس الحمدلله صمت اول شي كنت افطر علي حبه المعده وعقبها بربع ساعه اشرب شوربه وبعدها بنص ساعه اكل نتفه عيش مشخول ومره جريش ومره حبه فطيره بس انت اهم شي الحبه مالت المعده والفيتامينات اخذيهم عشان تقويج

 

[cramela]

امبيه بنات قاعده اصوم يوم وافطر يوم اللي ذابحني ان العذاب وقت الفطور تجيني لوعه وبس اشرب شويه شوربه وتشريبه يمكن قفشتين وبس ما اقدر اكل ولا شئ حتي الماي امس مثلا طول اليوم بس شربت بطلين ماي صغار وحبوب القيتامينات ما اقدر اكلهم كلهم حدي ماضايقه وحاي البروتين الباودر اقعد اشرب رشفه رشفه ويجيني لوعه حيل تغث ما ادري شسوي

 

[ii DareeN ii]

انا اعرف دكاتره يقولون اول سنه تكميم مايصومون وانتي توج بالعموم استشيري اكثر من دكتور لان وضعج الصحي مختلف

 

[rwn 92]

انا عمليتي كانت ١-٧-٢٠١٢ وما صمت اصلا مو زين على صحتنا... دفعي كفاره عن الايام اللي فطرتي فيها... انا جذي سويت بسسس حيل بخاطري اصوم