التكلسات بالمشيمه اللي تعرف عنها تدخل بليزز

[ام اميره]

قووه بنات شنو التكلسات بالمشيمه؟؟ شنو اهيا وشنو سببها وانا سمعت لها درجات اللي عندها معلومه اتفيدنا بليززززززززززز

وشكرااا

 

[أنا الثريا]

رد : التكلسات بالمشيمه اللي تعرف عنها تدخل بليزز

ماعندي فكرة بس ان شاء الله البنات يفيدونج

اب لعيونج

 

[ام اميره]

رد : التكلسات بالمشيمه اللي تعرف عنها تدخل بليزز

ياحيااتي ربي يسهل عليج وعلينا كلنا يااااااااااااارب

 

[لحظة لقاء]

ماتشوفين شر

وان شاء الله يفيدونج البنات

 

[ام اميره]

رد : التكلسات بالمشيمه اللي تعرف عنها تدخل بليزز

الشرر ماييج ياحياااااتي

 

[ام اميره]

رد : التكلسات بالمشيمه اللي تعرف عنها تدخل بليزز

ابببببببببببببببببببببببب

 

[الأميرة جوري]

رد : التكلسات بالمشيمه اللي تعرف عنها تدخل بليزز

مادري والله اول مره اسمع فيها ...الله يطمن قلبج

 

[NODA 2]

والله ما ابي اضيق خلقج ام اميره انتي من تجمعنا
بس صار فيني علي اخر حمله معناته يعني المشميه قاعده تودع يعني سبحانه مثل تموت
وهذا يضر البيبي يعني اذا تكلست يتكلس معاها الحبل السري يعني يوقف اللاكسجين عن البيبي وكل شي تقريبا بس هالشي يصير في بطئ يعني مو بسرعه حتي لما تسوين سونار ما تقدرين تشوفين البيبي عدل تصير صورة المشميه بالسونار ابيض
طبعا لازم اذا المشيمه تكلست اوفر علي الشهر الثامن لازم تاخذين بالج علي البيبي وحركته يعني اقل من 10 حركات علي طول المستشفي الله وكليج كنت بالاسبوع مرتين اروح اسوي تخطيط علشان حركة البيبي
علي فكره كانت عندي المشميه متكلسه من نهاية السابع ووطبعا دخلت المستشفي سبت الطلوق ولاده مبكره بس عطوني ابره توخر الطلق و كملت لي اول التاسع وو ولدت اول اسبوع من شهري لا تحاتين اهم شي ركزي علي حركة البيبي

 

[غلاي غير]

والله ماعرف الله يستر بستره ويكتبلج ويكتبلنا الله فيه الخير

 

[زمزم 2010]

رد : التكلسات بالمشيمه اللي تعرف عنها تدخل بليزز

ام ميمي حبيبتنا

والله ماعندي فكرة .... بس حبيت ارفع المرضوع ويفيدونج اكثر

بس ليش هالسؤال عسى ماشر
ان شاءالله مافي الا الخير

 

[Aryam30]

ام اميره عسى ماشر ؟؟؟؟ ليش تسئلين عن التكلسات بالمشيمه ؟

 

[bluegg]

ما اعرف عن الموضوع اول مره اسمع عنه بس وضحت نودا الموضوع الله يبعده عنج وعننا ويتمم علينا حملنا

 

[شهد الحلوة]

أم اميره عسى ما شر ليش اتسـألين طمنينه انا صار وياي تكلسات بالمشيمه ابنتي الثانيه كنت بشهري ومفتوحه 2 سانتي يوم الدكتور سوالي سونار قالي فيج تكلسات تكون صورة البيبي والمشيمه بيضه حتى ما اتشوفين شي وقالي لازم دخول لأنه التكلس مو زين تفصل المشيمه عن البيبي كلش مو زينه عالبيبي وعلى طول حطولي تحاميل طلق صناعي وولدت بس ليش انتي اتسألين تو الناس عالهسوالف ؟؟

 

[moon night]

حبيبتي انا اول التاسع قالتلي دكتورتي فيج تكلس بالمشيمه يعني ترسب كالسيوم بالمشيمه وقالت لازم ماتعدين شهرج الا تولدين
وييتها بعد اسبوعين من التاسع قالت تووه مازاد لانه بطيئ بس الحمدالله ولدت بالسلامه ومافي الا العافيه
لاتخافين انشالله ماكو الا العافيه

 

[ام اميره]

رد : التكلسات بالمشيمه اللي تعرف عنها تدخل بليزز

ياحيااتي كلكم ماقصرتوا عل السؤال
انا كنت مسويه السونار الرباعي بالاسبوع ال20 المهم يعطوني معاه نقرير عدل
مكتوب فيه انه المشيمه من الدرجه الثانيه طبعا مكتوب بالانجليزي ويوم سالت الدكتور عن السونار ماقالي شي قالي الحمدلله الامور بخير انشاءالله
ويوم رحت موعدي عند دكتوري هم قالي شنو قالج دكتور الرباعي قتله قالي الحمدلله الامور بخير قالي خلاص لاتحاتين وتوكلي على الله
المهم انا قايله ودي اعيد السونار الرباعي على اخر السادس يعني اول السابع فسالت دكتور ثااني من مستشفى ثاانيه طبعا بالتلفون سالته شنو يعني هالكلمه بالتقرير قالي يعني عندج تكلسات بالمشميه وبس وصكرت التلفوون وقالي اذا بتعيدينه عيده بالاسبوع ال27
بس وصكرت التلفون ومن يومها وانا موسوسه ومستغربه ليش دكتوري ماااقلي وليش دكتور الرباعي ماقالي عن هالشي


نودا
ياقلبي ماقصرتي انا بحثت وقريت بقوقل صج اخترعت انه المشميه اتصير فيها مثل الشيخوخه بس اللي عرفته انها درجااااات يعني في درجه اولى وثانيه وثالثه
والله يتمم ويكتب اللي فيه الخيرر ويطمني دعووواتكم لي
وانا انشاءالله بسال الدكتور على موعدي وبتاكد منه واخليه يجيك علي بالسونار بس ابي دعوواتكم لي
وماتقصروون حبايبي