التقييم يا مدرسات الرووضة

[عالي مستواها]

السلام عليكم

بغيت أسأل عن شغلة قالتها لي وحدة من المدرسات وما دشت مخي :tomato2:

الحين تقييم المدرسات إما إمتياز ولا جيد .. ماكو جيد جدًا :ggdw: قالت لي وحده هالكلام ترا انا حدي عليمية بهالسوالف

بعدين أنا على الرغم من انه روضتي إداراتها زينة وتقدر بس أحس المدرسات يبدعووون حيييل أنشطة وفعاليات وورش ودروس نموذجية يعني بضيع بينهم .. هل الوضع جذي بكل الرياض لازم اسوي أنشطة غير المهام الموكلة لي .. يعني دروسي كاملة وصفي وأركاني ما فيها شي ناااقص وفتراتي أمسكها ولا عمري غبت أو تأخرت بس بنفس الوقت مالي خلق كرف زيااادة فما أبادر بشي .. ينفع يعطوني امتياز ولا أغسل إيدي

 

[منورة]

ينفع يعطونج بس على قولة وحدة امتياز بوطقة تسعين واحد وتسعين وبعدين بقولج شي من خبرتي بهالناظرات واللي شفتة

اذا حاااااااابينج بيعطونج ويطيرونج بالعالي واذا عادي وانتي ملتزمة بشغلج بتاخذين امتياز لاتخافين


يا ما اشتغلت وكرفت وبادرت ومميزة بشغلي بس انا مو من ربعهم فيعطوني امتياز بس ما يوصل للامتياز العالي













وبعدين صح اللي قالوة حتى انا انصدمت اول ما عرفت يا امتياز يا جيد شي غريب



ونصيحة مني جربتها طنشت بالامتياز وماعاد أفكر فية اسوي شغلي كامل وامشي ما افكر واللّة راح يذلونا عشان هالامتياز

يبة التقدير من رب العالمين مو منهم من يوم فكرت جذي وانا مرتاحة

 

[ضحـاوي]

ممكن تاخذين امتياز

لكن اذا انت اول سنه بعض الناظرات والموجهات ما يعطون

واذا ملتزمه بالدوام و بكل شي صفج واركانج ودروسج ليش ما تاخذين ان شالله

وبالنسبه للي يبدعون بالانشطه والورش والفعاليات وغيرها راح ياخذون حقهم بالدرجه

 

[* @ * كرستال * @ *]

حتى لو مادشيتي قلب الناظرة .. موجهتج اهي اللي بتعطيج التكريم والامتياز المرتفع​