التقويم .. (حكومه والا خاص)؟؟

[<miss botamba>]

الســــلامـ عليــكمـ و رحمــــــهـ الله و بركــــاتهـ



شنو احسن التقويم بالحكومه او الخاص؟

غير عيب المواعيد شنو في عيوب بالحكومه لان عندي واسطه واقدر اركبه باسرع وقت

ومنو احسن دكتور؟ وهل ممكن اركب شفاف او لا؟


واذا خاص

منو احسن عياده و جم تقريبا الاسعار؟



وشكرا

 

[Sh8rdya]

اهلين اختي

انا عن نفسي خاص اذا ماتبين تتاخرين

والحكومه حيل يتاخر عليج 4 سنين تقريباً

وانا تقويمي حاطته ب خاص

ب 1200 عند الدكتور خالد الكندري بعيادة فرجينيا
اول شي 300 على دفعات بعدين 900 كل شهر 50

بس حبوبه دام عندج واسطه و مو مستعجله روحي حكومه وترا الحكومه ماعندهم شفاف
العادي بس

وانتي براحتج

 

[<miss botamba>]

قصدج الحكومه يحطولي التقويم مده 4 سنين؟

لان انا كنت مراجعه بفرجينيا قالي سنه ونص جنه

وامس كلمت دكتور قالي يركبون الشفاف بالحكومه بس يقول مو بفعاليه العادي !!!

 

[الحورية الصغيرة]

أنا حطيت بالحكمه عند دكتور سوريج وايد شاطر بس للإسف شاطر و حطيته قبل 6 سنين

انا ضروسي ما كان فيها شي إلي التحت شوي داشين ببعض فلو يطلع العقل يسيرون تصادم سيارات
فكنت بس بسويه فقالي لأ جذي ما راح أخلي ويهج أحلى فسويت الفكين و طلع علي مع خصم دوام الوالد 1350
و حطيت سنه و 4 شهور

و طبعا قالي ما راح تبين النتيجه النهائيه إلا عقب 4 . 5 سنين من الشيله و أول ما شلته و يهي كان حيل ضعيف بس اسناني أحلى و الحين الحمدلله مع ضرس العقل ويهي تغير و صار أحلى من قبل التقويم و حتى ضحكتي أحلى

الحكومه يلوعون الجبد كل إلي سويه في الحكومه مو حلو شغلهم و ما يتعدل شي و اذا تعدل يرد جم سنه

روحي حق عياده بلسم بهبهاني حيل شاطره

بس أهم شي بعد التقويم تلبسين الريتينر يا كثر إلي ردوا سووه سبت إهمال الريتينر

و أنا اول شي دفعت مراجعه و اشعه و شلع ضرسين 90 اذا ما خاب ظني
بعدين أول يوم ركبه 350 او 450 بعدين صرت 50 كل شهر و أخر شي دفعت 125 اذا ما خاب ظني

و اذا أنكسر ادفع تصليح 10 بس الحمدلله ما أنكسر

 

[الحورية الصغيرة]

للأسف هاجر

 

[الحورية الصغيرة]

و في شي يمكن يونسج

التقويم يضعف

لانه بعد كل شده ما تقدرين تعضين فيسير أكلج كله شوربات و أشياء حيييييييييييل لينه

أنا أول أسبوعين عايشه على شوربه و بطاط مهروس

 

[Sh8rdya]

اي دام مو بفعاليه حطي خاص

انا بعد قالي سنه ونص وايد زين الدكتور

والحين انا بثاني شهر وحيل حسيت بتغير &#55357;&#56396;

 

[cup-cacke]

حطي بخاص وريحي عمرج

انا كنت بالحكومه وكاني برد اركب تقويم من يد ويديد بس الشفاف لان مافيني انطر سنه او سنه ونص مره ثانيه

 

[rose2012]

شكثر اعرف حاطين بحكومه و سنه ونص مو اربع سنين

 

[rose2012]

اي و في دكاتره بالحكومه وايد مضبوطين عالوقت يدخلونج يعني مو خرطي