التغــآفل~فن ( تعالو نتعلمه )

[baby lotion]

السلام عليكم ورحمة الله وبركاته



شلونكم خواآتي


موضوعي راح يكون عن التغآفل بانواعه سواء كان في حياتنا الاجتماعيه مع:شريك حياتج,رفيجتج ,اختج,وحده تكرهج , ابلتج , مديرج مديرتج والخ

او من ضغوط الحياة : صوت تفحيط , صراخ ياهل , ازعاج الييران ,هوشة اطفال/حريم و الى آخر

وايد اسمع هذي العبارات كـ حلول : طنشي, مايسوى ,انسي , اشتري راحة بالج

لكن في اشياء ماينسكت عنها و انتم نفكر فيها وقت طويل

حتى لو الموقف كان تافه او الشخص ماكان قاصد وحتى لو قاصد يقولون (((((((((( تغـــــآفلي )))))))))


انا حابه اتعمق واقرى اكثر عن هالشي واجوف تجاربكم وشلون قدرتوا تتقنونه

يلا بنات اللي ماتبي ترد ترفع الموضوع خل نستفيــد :eh_s(17)::eh_s(17):

 

[e7sasi]

أنا بطبعي انفعالية وردة فعلي سريعة بس رحمة بأعصابي بديت أمارس التغافل وخصوصآ مع أي شخص أحسه يتعمد ينرفزني أو يختبر رد فعلي أو عارف إن تصرفه يضايقني أتعمد أتصرف بتغافل إذا كان مزاجي طافي ومالي خلق حوارات زايدة :|
الموضوع يبيله صبر وطولة بال عشان تتقنين التغافل وخصوصآ للناس الي طبعها حامي
وتأكدت من نقطة مهمة إن في ناس استفزازية وهالشي طبعآ نابع من ضعف حجة وللأسف لما نتفاعل مع استفزازهم هالشي يخلينا بعين الناس احنا الضعفاء الي سمحنا لانسان استفزازي يطلعنا من طورنا ، وصلت الفكرة

 

[baby lotion]

واصله واوصلت اكثثــر

نورتيني <33333333

 

[Huda alotaibi]

التغافل: هو مخدر جيد لمثيرات العقل

 

[baby lotion]

^

كلام جميل مختصر تسلمين اختي

اآب آب

 

[انصاريه قمره]

التغافل فعلا فن ومو أي وحده تتقنه انا عن نفسي ما قدت الى الان اني اتغافل ومرات اقص على روحي اقووول عادي بطنش المره اليايه ومن يصير الموقف افقد اعصابي وانسى الوعد اللي خذيته على نفسي ومرات اقل ليش احرق قلبي واتغافل اللي يغثني اغثه واخرتها انا اتحسف لاني اهدر طاقتي وانفعل على امور ما تسوى

 

[أحلى البشر]

التغافل اساس الراحه اساس السعاده

انا عن نفسي عصبيه ودقيقه حيل وقلبي حار لاقصى درجه حرقة الدم ع اتفهه الاشياء والحين بديت الاحظ اني اتعب من هالشي ومجرد ماتمر ساعه القى ان الشي اللي كان معصبني ماااايسوى !! ابد مايسوى وقاااعده احاول اتعلم امسك اعصابي واتغافل وانشالله اقدر

 

[Huda alotaibi]

التروي يجب ان يكون قبل اتخاذ اي قرار
في احتساب الاجر

 

[baby lotion]

التغافل فعلا فن ومو أي وحده تتقنه انا عن نفسي ما قدت الى الان اني اتغافل ومرات اقص على روحي اقووول عادي بطنش المره اليايه ومن يصير الموقف افقد اعصابي وانسى الوعد اللي خذيته على نفسي ومرات اقل ليش احرق قلبي واتغافل اللي يغثني اغثه واخرتها انا اتحسف لاني اهدر طاقتي وانفعل على امور ما تسوى

فعلا تهدرين طاقتج ويتعكر مزاجج :eh_s(14):

في بعض المواقف الواحد مايقدر يسكت بصراحه

لكن نحآول نتغير ,., شاكره لج ع مرورج :eh_s(17):

 

[baby lotion]

التغافل اساس الراحه اساس السعاده

انا عن نفسي عصبيه ودقيقه حيل وقلبي حار لاقصى درجه حرقة الدم ع اتفهه الاشياء والحين بديت الاحظ اني اتعب من هالشي ومجرد ماتمر ساعه القى ان الشي اللي كان معصبني ماااايسوى !! ابد مايسوى وقاااعده احاول اتعلم امسك اعصابي واتغافل وانشالله اقدر

عندنا وعندج خير :eh_s(2):

افضل شي تسوينه انج تحاولين لان محاولتج هذي معناتها تبين تتغيرين

وان شالله نتغير كلنا

نورتيني :eh_s(22):

 

[baby lotion]

التروي يجب ان يكون قبل اتخاذ اي قرار
في احتساب الاجر

صاجه
و

منوره :eh_s(17):

 

[جهراويه مزيونه~]

التغافل على كثر ما اهو فن جدا مريح وممتاز الا ان اهو أحيانا اسميه عقاب
للضمير..بغض النظر عن بعض الامور البسيطه اللي كل انسان ممكن يتغافلها
في امور احنا مانقدر نتغافلها , حتى لو قصينا على انفسنا بنفكر وبنتعب
بعدها ليش ماردينا وخذينا حقنا ؟ اللي حابه اوصله ان في اشياء كبيره اهي اللي اساسا تحتاج
نتعلم التغافل عشان نغطي عليها بس للاسف مانقدر في الم للضمير اذا تغافلنا هذا الشيء!
"نبي نتغافل , نحب نتغافل , مانقدر نتغافل , مانبي نتغافل"
أربعه جمل تشرح كل موقف يمر علينا وحاجته للتغافل !
الله يرزقنا هالنعمه في وقت الحاجه يارب.

 

[نُوف~]

موضوعج شدني حيييل

انا من النوع العصبي .. الزعول .. ب اختصااار حساسه وايد


في البداية كنت اتعب و انفعل و أحيان اقعد نايمه يوم كامل بسبب موضوع بسيط
بس من سنتين أخذت الموضوع من ناحية أن مافي أغلى مني و لا فيه شئ حيأثر فيني
من بعد اليوم !!!!!!!!!!!


وصج نفذت كلامي و بديت تتغاضى و اضغط على عمررري
وأنسى و اضحك و اسوي أني مؤ شاااايفه أصلن !!!!!!!




وصج رااااااحه راااااااااااحه ويني من زماااااان عن التغافل و التغاضي و صج ساار جزء من شخصيتي
ما عاااد أتضايق و لا عااد اتعب و لا عاد أخذ وضعية النفسيهه
برود بالمشااااعر فضيع م عاااد اغاااار حتى مثل اول
لاحظي مثل اول مؤ اختفت نهائي بسس برود
مؤ تقولين ما أحس لا باقي مامات الإحساس الحمد لله
بسسسسسس أهون لا وين اول و وين الحين


جد الحمد لله بس شوية ضغط ع النفس و تعويد لا أكثر

 

[همسات ليالي]

أحلى شئ التغافل إذا فهمتي ذاتك أن أغلى شئ عندك هو نفسج مؤ أي احد يقدر يأثر على هالنفس إلا أنا بس هذيج الحزه راح يكون التغافل مفعل والإنسان ساعات يضبط معاه التغافل مع شخصيات معينه بس الشخصيات الاستفزازية واللي يلعب على الأوتار الحساسه لنا اهني ممكن ما ينفع التغافل

 

[منيره آل ثاني]

همسات ليالي الا ينفع

انا صارلي موقف مع وحده وارتفع ظغطي منها كنا في سوبر ماركت
وسبحان الله تغافلت وانشغلت مع أمي وقعدت إدز لها القاري ونسيت
وصج على ماتعدوين نفسج الشي هذا بيصير
يعني لوقتي في نفسج هاذي ماينسكت عنها بتتعصبين ووو
ولما في حزتها تقنعين نفسج ان كلامها مارح يأثر عليج هنئ بيصير التغافل وبتنسين

لأول كنت أصيح وتصعب علي نفسي بعدين قلت سوو جذي وبعدين لين متى بتم جذي
حتى اقرب الناس لج ينرفزونج بس ما اعطيهم ويه مو عشان أبط جبدهم لا
عشان ما افرح الشيطان لي قاله ابليس تعال اقعد يمي
لانه وسوسته أنجحت وجابت نتيجه
انا ابي أجيب للشيطان اكتئاب ما ابيه يفرح من ردة فعلي
وبنفس الوقت مابي افرح الناس الي مناهم يشوفوني زعلانه

بنات والله تدربو عليها وبتسير جزئ لا يتجزأ منكم