التصاقات الرحم اندوميتريوسيز

[مشكاة]

قوة بنات اشلونكم انا حبيت اشارك واقولكم قصتي علشان محد ييأس من رحمة الله انشالله يعطيكم مثل ماعطاني

انا عندي مرض انوميتريوسيز( هجرة بطانة الرحم) من الدرجة الثالثة واللي ماعندها فكرة عنه اشرحلكم بالمختصر

لحدوث الحمل بطانة الرحم لازم اتكون سميكة عشان تنغرس فيها البويضة الملقحة
انا بطانتي بدال مااتظل بالرحم اتهاجر وتلصق حوالين الامعاء واتشبب الام وخطورة واالمرض هذا ماله علاج الا الحمال او استئصال الرحم فمستحيل يصير حمل طبيعي ولازم عن طريق الانابيب

سويت اول عملية عند د فوزية والله ماكتب وبعدين سويتها عند د أسامة بدار الشفا والحمدالله الله رزقني ابنوتة حلوة:edbf4317b9:
انا جمدت باجي الاجنة انشالله بعد سنة احاول مرة ثانية عشان اييب الولد او اخت حق بنتي واللي ايي من الله حياه الله الحمدالله عالنعمة
طبعا بنات كثروا من الاستغفار والادعية والله انا ماخليت شي ماسويته وماخليت امام مانخيته والحمدالله وفيت نذوري كلها ببركة الله واهل البيت صلوات الله وسلامه عليهم

 

[الدااانه]

ماشاء الله تبارك الله الففففف مبروك
الله مايضيع احد..كريم سبحانة

 

[كندوش]

ماشالله تبارك الرحمن الله يخليلج بنيتج ويجعلها من الذريه الصالحه انا نفس حالتج صارلي 11سنه والحمدالله على كل حال الله مارزقني بالذريه قاعده اسعي

 

[ام تركي2008]

ماشاء الله ولا قوة الا باللله
الله يخليلج البنوته ويرزقج الذريه الطيبه السليمه المعافيه


ربى لاتذرنى فردا وانت خير الوارثيين

 

[ايمانو حلوة]

عسى ربي ابلغج ابنتج وتشوفينها عرووووووووووس يارب ويرزقج الذرية الصالحة وعسى ربي يرزق كل محرومة انشالله


عاد اتصدقين اختي عندها التصاقات خمس سنوات ماحملت يويم سوت المناظار عند فوزية القطان قالت لها عندج التصاقات وبطانة الرحم سميكة زيادة عن اللزوم واهي الحين تعالج والله يرزقها ويرزقنا جميعا

 

[مشكاة]

مشكورين بنات وماقصرتوا والفال حق كل وحدة انحرمت مثلي والحمدالله على الابتلاء لأن دليل حب الله والايمان وان الله مع الصابرين

اختي كندوش ليش ماتروحين حق د اسامة صالحة اللي بدار الشفا ترى مشالله عليه فاهم صج علاجي طول عنده أكثر من سنة بس الحمدلله طلع بنتيجة

اختي ايمانو حلوة انا نفس حالة اختج اول شي د فوزية قالتلي لازم منظار لازالة الاتصاقات بعدين اتبلشين انابيب واذا افشلت المحاولة لازم اتحاولين وراها على طول قبل لاترد الالتصاقات وكانت نفسيتي زفت لأنها بعد المنظار عطتني كورس ابر تذبح بالبطن عشان اتوقف الدورة وكنت وقتها اعصاب
بس د اسامة قالي مالاداعي منظار انتي بتحملين عن طريق الانابيب وماعطاني ابر قوية واكثر علاجه حبوب والحمدلله حملت
صج حمالي كان صعب اشوية لاني كنت انزف على اقل مجهود بس الحمدلله كان يلحق على ويعطيني ابر تثبيت وعلى فكرة مرة رحت الحكومة وكان عندي نزيف جان يقولي الطبيب اذا بيصير اجهاض راح يصير وابر التثبيت ماراح تمنع حسبي الله عليه من دكتور الحمدلله ماسمعت كلامه ورحت عند د اسامة وعطاني الابرة
وانشالله الله يجعله سبب بحمال اختج يارب وكندوش بعد

 

[رماديه]

الله يخليلج بنتجج واتوشفينها عروس ان شاء الله ويرزقج حقها اخوان وخوات.

انا اعرف وحده كانت ابنفس حالتج وما خلت ديره ما راحتها وما احملت الا يوم يت عند د.باترك ابمستشفى لندن واهي فاقده الأمل خلاص وماشاء الله احملت ابتوأم من أول محاوله واهي كانت من قبل امسويه 10 محاولات الرزق بيد الله سبحانه وحده لا اله الا الله وحده لا شريك له له الملك وله والحمد وهو على كل شيء قدير.

 

[رماديه]

على سالفة الأبر مالت التثبيت آنا بقولج قصتي انا حملت من قبل ابطفل انابيب وصار معاي نزيف ومستشفى لندن بس خلوني انام عندهم وعطوني درب وقلتلهم عن الأبر قالو ما اتسوي شي الأبر اذا في اجهاض ماراح تمسكه الأبر عقبها رحت مستشفى هادي بس علشان الأبر وقزوني ابر وعقبها سوولي عملية ربط وصار الاجهاض عقب

ترى الحمل يثبت ابمشيئة الله سبحانه ما يمسكه لا ابر ولا ربط و اعرف وحده ثانيه بعد نفس حالتي هم سوت ربط واجهضت سبحان الله.

 

[Coffee-Girl]

حبيبتي الله يتمم عليج ويرزقج بدرزن يهال

 

[كندوش]

مشكوره حبيبتي مشكاة والله يرزقج ويانا وكل محرومه انشالله