التسوق من الكويت ... ساعدوني الله يخليكم

[Ghado0o]

صباح/ مساء الخير حبيباتي

كيفكم؟

انا جايه الكويت هاليومين زيارة بإذن الله
ممكن تساعدوني باقتراح اسواق حلوه ,, حابه اشتري ملابس سهره و تاييرات فخمه و ميني جلابيه و الستايلات الكويتيه الحلوه والمميزه بشكل عام.......
يعني ما ابي مولات المحلات العادية اللي تكون موجوده في كل مكان (زارا ومانقو واتش اند ام و هالطقه) ..

انتظر نصائحكم يا ذويقات ..

محبتي ,,

 

[افكاري]

حبيبتي حياااج الله في ديرتج الثاانيه بتنورينه

حياااج في معرض افكااري اكبر وارقى تشكيله لشهر رمضـــان والعيــــد

المشاغل اللي عندنا شغلهم وااايد حلوو ومميز وما تلاقينه بأي مكان وزباينهم من الخليج

(بدل استقبال - دراعات - ميني دراعه - قمصاان - كاجول - ناعم - فخم )

لآ يطووووفج .... !!!


معــــرض افكــــــاري

الري - الدائر الرابع - خلف سنتر بوينت -مجمع ري سنتر
24715255​

 

[ام الدرر]

حياج الله حبيبتي بديرتج

ممكن تساعدوني باقتراح اسواق حلوه ,, حابه اشتري ملابس سهره و تاييرات فخمه
مجمع الراية بالديرة ومجمع زهرةبالسالمية بس غالين شوي واذا تبين ارخص مجمع المهلب بحولي
و ميني جلابيه و الستايلات الكويتيه الحلوه والمميزه بشكل عام.......
مجمع النقرة الشمالي
مجمع النقرة الجنوبي
ال2 في منطقة حولي
فيهم ملابس سهرة
وقمصان طويله
وميني جلابية

وبمنطقة الفروانية
شارع السوق كله مجمعات
انصحج باللي بوسط السوق الحمرا مول -العربيد مول
لا زقين ببعض ​

ومرة ثانية حياج الله حبيبتي والعين اوسع لج من المكان
واي سؤال حاضرين ​

 

[om.salem1]

حياج الله بديرتج الثانيه حبووبه

 

[PuPa^^SWeeT]

عندج ليلى جاليري


زهرة


الراية


الصالحية