التسوق بالكويت

[lala146]

سلام عليكم يا بنات يا حلوين ....

انا ان شاء الله جابة الكويت الشهر الجاي ...

وتوجهي بهالسفرة للتسوق,,,,

ابي اشتري من اماكن غير المجمعات والماركات المعتادة مثل زارا وجذي

ابي اشتري بدلات للدوام , انا في المرات الي راحت كنت اروح مجمع سيتي سنتر السالميه و النقرة , لانه احصل فيهم ثياب مرتبه للدوام ... هل تنصحوني بالاماكن ثانيه ؟؟؟؟


وبغيت اسال هالاماكن متى يسوون سيل تخفيضات , ادري انه في شهر 2 , بس متى بعد ؟؟؟؟

ابي بعد اماكن للجواتي مقاسات كبيرة وشنط الطلعه

بلييييييز لا تردوني

 

[DaLoo3t BaBaTii]

.



الافينيوز كل شي فيه

.

 

[مشتطـه]

سوق المباركية يهبل احس لازم اللي يجي سياحه يمر عليه

فيه تحت سردابه الشايع روعه اغراضه وماكياجه

ممممممم فيه محل دراريع اسمه دراعات سارة بالمباركية بعد حلوييييييييييييين


مجمع 360
والافنيوز فيهم المحلات المشهورة والمعروفة

عندج مجمع الكوت حلو وحلوة القعده فيه

فيه مجمعات بالفروانية حلووووة

اذا تبين بدل اعراس عندج مجمع النقرا في الشمالي والجنوبي


الجنوبي فيه بدل ملابس يعني

والشمالي بدل اعراس روعه


هذول اللي على بالي الحين

 

[PuPa^^SWeeT]

رااايي

روحي المهلب بمنطقة حولي عنده سةالف للدوام



الفنار بالسامية





المارينا بالسالمية

 

[نوف الصقعبي]

روحي الأفنيوز

اللي يطب الكويت لازم يروح مجمع الأفنيوز أكبر مجمع بالشرق الأوسط وكل شي فيه

ملابس
عطور
ميك آب
صيدليات
سينما
ملاهي اطفال
مطاعم
استراحات
كافيهات
ماركات
وغير ماركات
تجهيز عرايس
ملابس سبورت
كل شي تلاقينه هناك




ثاني مجمع اذا تبين ماركات 360 ثري سكستي

مجمع الكوت بمنطقة الفحيحيل وايد حلو بعد

سوق شرق

المهلب

مارينا مول

الصالحيه

المباركيه

سنتربوينت

اسواق منطقة الفروانيه

اسواق القرين

الرايه

بس تبين المختصر

اول شي روحي الأفنيوز​