التسنين او ملع الطفل؟

[أم عزوز21]

السلام عليكم


خواتي شلونكم عساكم بخير


وربي تعبت حيييل من ولدي عمره 4شهور 24 ساعع بجي وصيااااح وحده ينام ساعتين

بجييييي على طوللللل

اول شي كان فيه امساك وقالولي الامساك وبعدين غيرت حليبه ومشىى بطنه. وللحيين يبجي ويصيح

شالسبب ياجماعه يمكن تسنين لانه بس يعض ويمص ايده وكله لعاب

للعلم انا بعمره. طلععلي اول سن

او ان الطفل فيه ملع



تعبت ساعدوني

 

[أم عزوز21]

شدعوا ٤٦ مشاهده ومحد رد

 

[ام دندوونه]

اخذي زيت زيتون دافي ودهنيه وخاصه بطنه عشان الغازات ولبسيه ملابس دافيه وان شاء الله بيرتاح وينام وكرري هالعمليه كل يوم قبل لاينام وان شاء ما يشوف الا العافيه اما اذا قعد علي هالحاله وديه لحريم كبار يعرفون اذا الولد مملوع ولا لا عندج ام عايد بالرقه حيل زينه للاطفال روحي لها يوم الثلاثاء لانه هاليوم مخصص للاطفال والله يخليه لج يارب وتشوفينه معرس

 

[جذابه بنت ذيابه]

ياحياتي

امسحي بطنه بزيت زيتون دافي ودفيه وعطيه سكر نبات ..

و يوميا اقري عليه و اذا مسنن حطي على لثته دوا الصيدليه

 

[<<الأميره>>]

اذا بچى يرجع راسه لوراى ؟؟
معناته مملوع
والأفضل تودينه لمره تعرف للأطفال
مايشوف شر
الله يعينج ويبلغج فيه

 

[أم عزوز21]

ام دندونه جزاج الله خير ، عطيني رقم ام عايد

جذاااااابه مشكوووووره حبيبتي

الاميره اي يرجع راسه ورا

الملع علاجه يطول؟

 

[mannawy]

بس استفسار شنو يعني ممللوع؟

 

[نـعـومـه]

توه صغير لما يكبر يهدا ومن باب الاطمئنان روحي طبيب وديه

 

[ديمي 12]

اختي احسن شي للتسنين وعن خبره اطحني مره ومحلب وافركي لثته فيه راح يرتاح على طول واذا مملوع دهنيه بزيت زيتون واخذي ايده اليمين ورجله اليسار وقربيهم من بعظ ونفس الشي لايده اليسار وبعدين نوميه على بطنه وضغطي عليه جنج تسوين مساج وبعدين مهديه زين واذا نام نومه عميقه اعرفي انه كان مملوع وغدا شره وحاولي تقرين عليه ترا القرايه زينه

 

[<<الأميره>>]

مثل ماقالت لج اختنا ديمي دهنيه بزيت زيتون وظهره وانتي تدهنينه اضغطي مابين كتوفه
وبعدها مهديه ومايشوف شر
واذا ماتعرفين ودية لحرمه تعرف للأطفال
اجر وعافيه

 

[<<الأميره>>]

وعلاجه 3 أيام ورى بعض تدهنينه بالزيت وبعدين تمهدينه
وبعدها بيريحج من البچي ان شاءالله

 

[أم عزوز21]

جزاكم الله خير ديمي ونعومة والاميره

ومناوي مادري شلون اشرحلج سوي سيرج

 

[شادن33]

شنو ملع

عل العموم الظاهر يسنن ولدج

فركي لثته بشاش او بايدج وحطي اشويه عسل اصلي نتفه ابيدج ودلكي اللثه لا تكثرين عسل نتتتتفه

وراسه من فوقه حطي زيت زيتون وماعليه شر

 

[STILL G L A M ~]

امبيه يعني بنتي مملوعه


بنات عفيا ابي رقم وعنوان ام عايد

 

[أم عزوز21]

Still
ليييش شفيها بنتج ؟ كله تبجي؟

 

[البلوره]

هل اختي يمكن صح بدا تسنين اول التسنين عذااااااااااااااب

مافي احسن من المره انقعيها وخليها ربع ساعه بعدين صفيها بعلبه قزاز

وخليه بالثلاجه وبين فتتره وفتره دهني لثته وخشمه شي علشان الشمم..

واختي جربي تنقعيله نعناع وصفيه ورضعيه بالرضعه يهدي ويطلع الغازات الي ببطنه ..او يانسون مره ممتاز

وسلامته ..

 

[المكسيكيه]

بنات شنو ملع يعني خلع

 

[لمور2011]

والله شكل ولدي مملوع نفس الحاله الله يشفيهم كلهم ويعافيهم ويقر اعييننا بصلاحهم ياااااااااارب

 

[om_ibrahim]

الله يكون بالعون