وعليكم السلام
بالنسبه للدرجه لازم كلكم يا معلمات تعرفون هالشي
ومثل ما قلتى عشان تعرفون اللى لكم واللى عليكم
بالنسبة للدرجه طبعا انتى اول ما تشتغلين معلمه تتعينين على الدرجه الرابعه مربوط اول
يعنى شنو مربوط اول يعنى الرابعه حاف مافيها علاوه
وكل سنه تنزلج علاوه اللى فيها زياده 10 دنانير ومن شهاده الراتب يبين انتى جم علاوه عندج
وانتى راح تعرفين متى تنزل لج الدرجه القادمه من العلاوات
بعد العلاوه الخامسه تنزل الدرجه
طبعا الدرجه تاتى للكل وماله علاقة بالامتياز حتى لو تقديرج مقبول لانها تكون بالاقدميه
السنه السادسه تترقين للدرجه الثالثه + علاوه
من بعدها تترقين للدرجه الثانيه بعد 5 سنوات
وكذلك من الثانيه للاولى بعد 5 سنين
واذا كان تقديرج كله امتياز ممكن يرشحونج للدرجه بالاختيار وهذه تختصرلج سنه
او يمكن بعد اتييج علاوه تشجيعيه وهم هذه بعد تختصر لج سنه
انا الصرااحه كنت وااايد محظوظه اول شى اخذت علاوه تشجيعية وبعدها بسنتين نزلت لى الدرجه بالاختيار
الفال للكل ان شاء الله
ارجو انى اكون فدتج ورديت على كل استفسارج
