التحوير

[umhomood]

السلام عليكم انا محتاجة ضرورى من المتحورات او المتحولات انهم يساعدونى برايهم فى العملية عمليتى ان شاء الله بعد اسبوع عند دكتور اسامة الصانع فى رويال حياة اشرايكم فيه وفى العملية من سيئات وايجابيات انا وزنى 83 كيلو و كان وايد اقل بس الحين يزيد مع الوقت ومو قادرة اتحكم فيه :eh_s(16): راى الدكتور انى احتاج التحوير لانى احب الحلويات والكيك والنشويات بس ياليت اللى تقرا الموضوع وعندها فكرة عن الموضوع ما تبخل على بالرد وشكرا

 

[umhomood]

وين المتحولات معقولة الكل مسوى تكميم وتحويل لا؟؟؟؟؟؟

 

[ثلجة ساخنة]

هلا اختي ,اللي اعرفه للامانه ان التحوير خطير جدا على صحة الانسان ,بنت عمي سوته وجاها تعب شديد بعد العمليه بسنه صارت ما تقدر تمشي ولا تتحرك لان الجسم ما يستفيد من اي طعام وتحتاج ادويه تعوضها مدى الحياة ,هو يضعف بسرعه بس اعتقد هو اسوء عمليه ,حتى البراز الله يعزكم ريحته لا تطاق ما تقدرين تسوينه عند الناس , نصيحه من اخت لا تسوينها استخيري ,لان بنت عمي ندمانه عدد شعر راسها وكان وزنها فوق الميه تقول صح كنت متينه بس بعافيتي لانها الان كانها عجوز وعمرها اساسا 23 سنه.ادخلي مواقع اكثر واسالي البنات لان الاطباء يايدونها لانها مهنتهم ,وانتي براحتك.

 

[umhomood]

مشكورة اخت ثلجة ساخنة على ردك انا وزنى 83 وطولى 152 ومتضايقة ان وزنى قاعد يزيد مع الوقت وما اقدر انزله ولما رحت للدكتور كان الحل عنده العملية وبس زوجى كان موجود معاى وشكله اقتنع بكلام الدكتور ومو عاجبه وزنى وتحمس للعملية يعنى هذا دليل على انه كاره شكلى الحين اما نوع العملية واهى التحوير لانى احب الحلويات والنشويات والتكميم على كلام الدكتور مايفيدنى ما اخفى انى خايفة وايد بس ناطرة رايكم بالدكتور وبالعملية وبانتظار ردود اللى جربوا العملية

 

[U.A.E GirL]

الله ايسرررررررر اموورج

بصراحه انا يوم دخلت فكره العمليه في بالي ،، مع اني ماكنت افكر فيها ابداااااا

صرت ابلع اكثررررررررررررر ،، وفعلا زاد وزني

انتي حاولي تسوي رجيم لين ماتقررين

انا مووعدي عند الدكتور تاريخ 05--6-2011 عشان اقرر اذا ابا ربط او تكميم (قص معده)

وبالنسبه للتحوير هي اصعب عمليه فكري فيها عدل

ياتصيب ياتخيب

انصحج
استخيري
استشيري الناس المتخصصه

والله يوفقج يارررررررررب

 

[تيناا]

حبيبتي انا لما رحت حق دكتوري بالاميري قالي تحوير / تحويل مسار ما اسويلج لانه اسم الله عليج رح يصير شكلج جنج فيج سرطان وقرر انه يسويلي عملية تكميم لانها افضل بوايد من تحويل المسار ..

وايد ناس سووها وزنهم فوق ال150 وضعفوا فما انصحج بالتحوير بناء على كلام دكتوري

بعدين التحويل لازم تلتزمين العمر كله بحبوب فيتامينات الخ اما التكميم فماراح تحتاجين حق هالحبوب على كلام دكتوري واذا احتجتيهم فقط اول كم شهر ..

والله يوفقج يارب

 

[@ دهن العود @]

انا التحوير كلش ما انصح فيه من البلاوى اللى نشوفها

وانتى استخيرى احسن

 

[umhomood]

U.a.e مشكورة حبيبتى على ردك انا ما نى عارفة ليش لما كنت اسمع الدكتور جانى شعور انى ابى افتح الباب واطلع ما كنت مرتاحة واستغربت الحين من الردود ان التحوير مو سهل مع ان الدكتور قال انه اامن من التكميم ومو اى دكتور ينصح بالعملية لانها مو سهلة وانا راح استخير والله المستعان0

 

[umhomood]

تيناا حبيبتى مشكورة على ردك وناوية على الاستخارة بس خايفة اتاثر بشعورى وخوفى من العملية0

 

[umhomood]

دهن العود مشكورة على ردك 000 المشكلة انا ضايعين بين اراء الدكاترة كل من له راى انا سمعت من الدكتور انها اامن من التكميم وهى المناسبة لحالتى لانى احب الحلويات والنشويات واكيد مع الوقت راح يزيد وزنى وقال انى ماراح امشى على الفيتامينات الا 3 سنين تقريبا 00 ياليت الدكاترة يتفقون على راى واحد بس المسالة صارت تنافس والله يعين الجميع0000000000000

 

[نجدية ستايل]

هلا اختي ,اللي اعرفه للامانه ان التحوير خطير جدا على صحة الانسان ,بنت عمي سوته وجاها تعب شديد بعد العمليه بسنه صارت ما تقدر تمشي ولا تتحرك لان الجسم ما يستفيد من اي طعام وتحتاج ادويه تعوضها مدى الحياة ,هو يضعف بسرعه بس اعتقد هو اسوء عمليه ,حتى البراز الله يعزكم ريحته لا تطاق ما تقدرين تسوينه عند الناس , نصيحه من اخت لا تسوينها استخيري ,لان بنت عمي ندمانه عدد شعر راسها وكان وزنها فوق الميه تقول صح كنت متينه بس بعافيتي لانها الان كانها عجوز وعمرها اساسا 23 سنه.ادخلي مواقع اكثر واسالي البنات لان الاطباء يايدونها لانها مهنتهم ,وانتي براحتك.

الله يكون بعونها جد عورني قلبي عليها

 

[غيوم]

تبين نصيحتي وكلمه صادقه من اخت لاختها لاتفكرين نهائيا وابدا في التحويل لان الصراحه تسمي بالموت البطيئ ومع المدي البعيد تسبب امراض حتي في امريكا وبريطانيا مانعينها من عندهم استخيري وشوفي

 

[umhomood]

مشكورة اخت نجدية على ردك وتعاطفك مع اخت ثلجة ساخنة ويارب يشافى الجميع ويكتب لنا الخير0000000000000

 

[umhomood]

مشكورة اخت غيوم على نصيحتك انا للحين ما فى وحدة انصحتنى بالعملية من الخوات اللى ردوا على 00 نسبة الردود على موضوع التحوير وايد اقل بالنسبة للبنات المتكممات 00 شنو السبب ما فى وايد بنات مسوينها ولا شالسافة؟؟؟ انتى سميتيها بالموت البطىء الله يسترنا ويلقون لنا حلول اكثر امان مع انه الدكتور يقول انها اامن عملية ونسبة الامان اكبر من التكميم ومساوءها اقل بوايد من ناحية التسريب وغيره 00 احنا فى الكويت ولله الحمد متفتحين وايد ومتطورين بس ما فى مصداقية من دكاترة كثيرين الله يسامحهمويسامحنا00

 

[نجدية ستايل]

نسبة الردود على موضوع التحوير وايد اقل بالنسبة للبنات المتكممات 00 شنو السبب ما فى وايد بنات مسوينها ولا شالسافة؟؟؟


اي اختي لان التحوير قليل الي مسوينها بالمنتدى لخطورتها ومضارها المستقبليه عشان جذي تلاقين موضوعج فيه ردود قليله بالنسبه لي انا مسويه تكميم مو تحوير

 

[umhomood]

مشكورة نجدية ستايل على ردك 0000 بصراحة صج استغربت من قلة الردود على التحوير لانى دخلت على مواضيع التكميم وشفت تفاعل اكثر وتجارب اكثر 00 ما اخفى احد انى لما رحت للدكتور كنت متوقعة ينصحنى بالتكميم او حتى بالرجيم لانى اصلا ما وصلت ال 85 كيلو او يرفض يسوى لى العملية لانى رقمين وللحين ما وصلت 3 ارقام يعنى من 100 وفوق بس هذا اللى صار معاى وترك عندى انطباع الخوف ليش ما ادرى ؟؟؟؟؟؟؟؟؟؟؟ ومتعشمة خير فى ردودكم وتجاربكم و رايكم فى الدكتور نفسه 00

 

[the white heart]

حبيبتي أنت كم طولك ؟؟؟وكم عمرك ؟؟؟ يعتمد على الطول والعمر ..
أنا مسوية تحوير عند الدكتور أسامة بس أختلف عنك بأن وزني كبير يعني طفت ال120 .... ويمكن الطبيب شاف عاداتك الغذائية وتوقع أن وزنك رح يزيد أكثر يعني ما عندج لمت للزيادة ...
وعن الدكتور أسامة والله أنا أشهد انه ما قصر معاي بعد العملية متابعة واهتمام من سويت العملية ليلحين وحمدت ربي ألف مرة أني سويتها عنده ... وعن الخوف ترى طبيعي وعادي أنا قعدت أسبوع ما أقدر آكل قبل العملية من الخوف كلنا جذي ...
واذا تبين اي شي من عيوني

 

[umhomood]

the white heart مشكورة على ردك انا عمرى بالاربعينات وطولى 152 ووزنى اليوم قايسته 81 انا معاك انه اختار لى التحوير لانى احب الحلويات والنشويات واذا سوى لى العملية وكليت اى شىء من هالاشياء راح يصير الدانبنق اللى اهو الدوخة وسرعة ضربات القلب فاضطر اوقف الاكل 00 اما دكتور اسامة فانا يوم رحت له كان اول يوم اشوفه فيه وباين عليه دكتور زين وقعد معاى وعطانى وقت شرح لى فيه عملية التكميم اللى كلش ما مدحها وشرح لى بعد التحوير واستبعد موضوع الحلقة والبالون لانه ما ينصح فيهم ابدا00 مثل ما قلتى انتى وزنك اكثر من ال120 فعادى يقول لك تحويل او غيره000 انا ما نزلت الموضوع الا لانى صج خايفة وبزيادة مو عارفة ليش ؟؟؟؟؟؟؟؟؟؟؟؟ ويالغالية تسلمين وتسلم لى عيونك ومشكورة على ردك على000

 

[Maryam]

حرام تسوين عملية
وزنج مو وايد وايد

يعني لو توصلين 60 راح ترتاحين و معقول
شوفي
جربي محمد ربيع او اي \دكتور
اشتركي بأي شركة من شركات الدايت
و عطي نفسج فرصة

 

[احلى بنت بالدنيا]

تحويل المسار خطرة وااااااااااااايد جسمج راح يخترب وصحتج راح ترووح وحدة معانا بالدوام سوتها صج ضعفت بس شكلها صار يخرع شعرها حت وعروق جسمها بينت ومعالمها الانثوية اختفت وماقامت تداوم وعايشة على الادوية وماتقدر تاكل كل اللي تبييه .. على شنو بالله !!

ممكن التكميم زينة ووايد ناس سووها وحالتهم ممتازة ونتيجتها زينة تنزلين بشكل طبيعي وسريع همن