التحرش البدني (قصص واقعية) ارجو التفاعل الجاد لنحمي انفسنا

[زهر الرمان]

هاي بنوتات
شلونكم شخباركم؟

سمعت هالقصة وحدي اخترعت فكرت لو انا مكانها او وحدة منها مكانها شنو ممكن انسوي؟ شلون نتصرف؟
هل نحتاج ان احنا نمشي فعلا معانا صاعق او بخاخ؟ او نحتاج انه نتعلم الفنون القتالية عشان نحمي نفسنا؟

القصة الاولى الله يسلمكم
قصة رفيجة خالتي اتقول انا طالعة من مجمع وله احد يحوش جسمي (اماكن حساسة) اتقول مادري حسيت مو صج
دورت يمين يسار مافي احد معين ورد مرة ثانية نفس الحركة :eh_s(14):

الموقف الثاني
رفيجة اختي بالدوام يمكن سمعتوا قصة وحدة اتكلمج واتجيسج واتسويلج نفس التنويم المغناطيسي
واتبوقج وتمشي هاذي بالدوام اتقول رايحة عزكم الله الحمام وله وحده تلحقني اتقول ماحطين ببالي طلعت وراي تمشي
نزلت الدور الثاني هم وراي اتقول انا اهني اخترعت التفت عليها اقولها اشتبين نعم خير جان تمسك ايدها واتقولها شسمج
وانتي اسمج جذي صح وانتي تشتغلين اهني صح؟ اتقول انا مادري اشصار فيني احس الدنيا وقفت حولي لاني
قادرة اوخر ايدي وله قادرة اصرخ نفس انشليت بمكاني تالي لما شافت ناس يايني وخرت عني يوم دشت ادارتها وراحت ركض
عند رفيجاتها بتقولهم اشصار وله هاذي وراها واتصرخ باعلى صوتها انتي اشتبين اشقاعدة اتقولين عني :cxxxp:

الحمدلله الله ستر عالبنت ماصار فيها شي

والبنات متحجبات وعباية عشان محد يقول اي من لبسها صار فيها جذي

الموضوع
اشلون المفروض نتصرف؟ شنو التصرف الصح في مثل هالمواقف؟ شلون نحمي نفسنا؟

 

[monmon12]

حبيتي

انا خل اقولج هذا الموقف بارض المعارض رايحه ويا امي وخالاتتي وتعرفين لازم يوقفون سنه عند كل مكان ويجربون كل شي وانا بسرعه أمل عاد انا لفيت ويهي ويمي بنت خالتي وقاعده جذي اطمش اطالع الرايح والياي عاد جان اضوف واحد يتلزق بالحريم ويحط ايده عليهم من ورا @@ انا اول شي قلت غلط
بعدين قمت اشوف لأ يمشي يغلغص نفسه بالزحمه ويكرر الحركه هذي مع حريم وايد هني دريت هذا مريض نفسي بس يوم شافنا وانا وبنت خالتي قاعدين نطالعه ونتكلم راح قب

شوفي حبيتي

في هذا المواقف يعتمد على مكانج وانت وين

اول شي دايما وخرو عن الزحمه اصلا هذا يخليهم مو بس يتحسسون حتى بوق يبوقنج من تشوفين مكان زحمه وخري

ثاني شي اذا صادفج واحد او وحده مثل هذي وخفتي منها اول شي تأكدي انه ماكو شي بيدهم سجينه او شي بعد ما يندرى يطقونج فيها يحاولون يسكتونج

اول شي لا تواجهينهم حاولي بسرعه تطلعين من هذا الموقف

واذا امسكتج او مسكج لا ترضين انا على فكره مثل الطرارات في لندن لمره وحده امسكتني ما عصبت بس قتلها بصوت عالي وبحده dont ever touch me again

انحاشت ووخرت انتي نفس الشي الي يمسكج وانتي متضايقه مره او رايل على طول بحده قوليلها لو سمحتي وخري ايديج وعيها ظهرج وامشي

اذا شفتي نفسج محكورة في مكان وخلاص هذا الشخص بيعتدي عليج بس تحسين في أحد يسمعج صرخي حيل وطقي وشمخي وعضي كثر ما تقدرين خلي فيه آثار

من الدفاع عن نفسج حتى لو تشقين هدومه دافعي عن فسج الا في حالة سلاح اهني عاد لأ حاولي انج تجارين هذا الشخص وتتكلصين منه حد ما تقدرين

بس دايما دايما وخري عن المواجهه ووطلعي من الموقف لا تخلينه يتصاعد

الا اذا ايهو خلاص حكراج دافعي عن نفسج اذا مابيده شي ولا يقدر يؤذيج بس اذا حاسه لأ يمكن يموتج هني العقل يدخل وجاريه والله سبحانه وتعالى راح ياخذ حقج

بس دايما حاوي تتركين أثر على الي يعتدي عليج

 

[monmon12]

وبعدين دايما تبلغين أحد انتي وين رايحه حتى لو حمام

دايما دايما في أحد يعرف انتي وين رايحه

وعقب ما يصيرلج موقف لازم تبلغين عنه لا تقولين انتي غلطانه او فشله لأ

لأن هذولا الماس مراضا ولازم يوقف عند حدهم اذا كل وحده يصير فيها الموقف من الشخص هذا ومحد يبلغ عنه سصير راح يتمادي

 

[حلوه العسل]

انا مره صارلي وااحد من هالمواقف

انا عن نفسي اعترف اني مو شجاعه كلش

كنت رايحه مع بنتي لصغيره المكتبة مالت الجمعيه ابداية الدراسه عشاان اشتري اغرااض حق حماي لصغير

والكل يعرف الجمعيه في هالوقت شلون يصير زحمه حييل

وانا اوخر بنتي لاتلعب بالاغراض حسيت ابايد من وراي اهني كشيت وواحد قالي اسف قلت يمكن بالغلط وطااف

بعد خمس دقايق بالضبط مر من وراي وسوه نفس الحركه

انا اهني يتني البجيه ودقيت على ريلي وصرت كلا امشي وضهري عند الارفف

وااي موقف حده يخرع اخااف اروح ويلحقني لي المسافط ويكون مافي احد

بس اغتنمت الفرصه وطلعت من غير مايشوفني

وبنفس الوقت سمعت وحده اتكلم وحدة ثانيه بالتلفون اتقولها لا تخاافين انا يايتلج الحين

فيا بنات ديروا بالكم لا تحطون روحكم ابهذي المواقف لا تروحون مكاان في زحمه واايد لانه ممكن يحوشكم هالموقف

خصوصا الي مو شجاعه وتخااف اتصارخ وتتكلم ​

 

[Ray.Bana =$]

رد : التحرش البدني (قصص واقعية) ارجو التفاعل الجاد لنحمي انفسنا

انا اقعد اسفل فيهم بعدين اروح اشتكي قلة ادب ماينسكت عليها بعدين يتمادون ويعيدون الحركهـ ليش نسكت !

 

[! صمت الجروح !]

ياويلي لآ تذكريني

مره صارلي موقف جذي الله لا يعوده بس !!!!

بس والله ماندري شالدبره
يعني شنسوي نحط بودي قارد حوالينا !!

والله مدري

 

[العمر راح وتعدى]

رد : التحرش البدني (قصص واقعية) ارجو التفاعل الجاد لنحمي انفسنا

الله يستر

 

[Flower20]

رد : التحرش البدني (قصص واقعية) ارجو التفاعل الجاد لنحمي انفسنا

الله ينتقم منهم
بس نصيحة للبنات حاولوا كثر ما تقدرون ان تلتفتون للي حواليكم عدل وتوخرون عن الرياييل
الله لا يحطنا بهالمواقف ويستر علينا يا رب

 

[PO PO22]

الله يسترر

 

[غير كل الناس]

اخو صديقتي ساحب مبلغ ورايح يدفع فلوس عند شركه رخام او مطابخ حزتها يأثث بيته يقول جاني واحد لابس غتره وعقال ولابس خاتم حمر عطر شكله عقيدي هكري مدري شنو يالضبط يقول طق الدريشه ومادري شنو الحوار اللي دار بينا بس المهم اني عطيته الظرف ولا استوعب الموضوع الا عقب ما حرك بسيارته ب10 دقايق

 

[lolayasmeen]

انا صارلي موقف قبل الغزو ما انساه في صعيدي قالي صباح الخير قبل ما اروح في باص المدرسه صج يومها خفت من شكله وكان عندي امتحان وسلمت الورقه فاضيه وحدي تأزمت جان اقول حق اخوي عاد جاكي شان
ماصدق خبر جمع باقي الشله وهاتك ياضرب عاد ثاني يوم غبت عن المدرسه حدي خوافه قبل بس الحين انا صرت جاكي شان

 

[هتـــان]

رد : التحرش البدني (قصص واقعية) ارجو التفاعل الجاد لنحمي انفسنا

وعععععععع فيه ناس واجد كذا مره رايحه أنا ورفيقتي لسوق شرق وكنا صوب الالعاب قاعده ألعب بنت أخوي
ورفيقتي عند اللي تبيع اكسسوارات اللي عند البوابه اللي تودي حق الالعاب شوي إلا واسمع صراخه
رحت لها ركض إلا البنت ميته من البكي ومافهمت منها شصار إلا بالسياره تقول فيه واجد مسك صرها وانحاش بسرعه
والله انصدمت استغفر الله شنو الانحطاط خذا ومره كنت مع أختي بالكوت جاها واحد ولمسها من ورى انا والله ارجولي معاد شالتني
هي علبالها انا طقيتها بالجنطه من غير قصد هع مسكينه على نياتها استغفر الله والله ناس تخرع

 

[Tulips]

رد : التحرش البدني (قصص واقعية) ارجو التفاعل الجاد لنحمي انفسنا

المشكله مو اهني اذا البنت كبيره يكون عندها شجاعه انها تهزئه وماتعديها له وتلم عليه الشرطه

بس شلون اذا كانت البنت صغيره ولا توها بالغه .. شلون بتتصرف حزتها ؟؟ واهمه بهالعمر ماعندهم ثقه بنفسهم و لا عندهم الشجاعه يتكلمون يخافون من ردة فعل اهاليهم .. والنتيجه بنت متعقده نفسيا و مهزوزه

عشان جذي لازم تعلمون بناتكم من اهمه صغار مايسكتون

حسبي الله عليهم هالشباب اللي مايستحون ان شالله يلاقونها ياربي باعز واغلى ماعندهم

 

[زهر الرمان]

انزين بنات اتهقون نحتاج نتعلم فنون قتالية؟
يكون عندنا صاعق او بخاخ؟

 

[G!RLooNa]

الموضوع وايد حلووو

انا الحمدالله ماصارلي موقف بس صاير جدامي موقفين

مره منزمان قبل ٥ او ٦ سنين اول ما فتحت مكتبه جرير بحولي بارك كنا رايحين احنا و خالتي و بناتها عاد كلنا بالمكتبه و حايسين عاد انا واقفه قاعده اطالع كتاب مادري مجله و احس واحد متنح فيني رفعت راسي ولا ريال ملتحي شكله بال٢٠ مادري ليش كشيييييت صج انغمت قلبي منه معنه مارين علي اللي يخزون و يتنحون و يتحرشون بس ولا مره لي الحين عقب هالمره حسيت بهالاحساس والله مادري شنو اسميه

المهم انا قطيت اللي بيدي و رحت صوب امي

خلصنا من المكتبه طلعنا ولا بنت خالتي ويهها منقلب ماكان فيها شي نقولها شفيج مافيني شي تعبانه فيج شي تقول لا اول ما صعدت السياره ويا امها ماتت من البجي ولا نفسه الحقير اللي بالمكتبه قام يحسس عليها

الموقف الثاني قبل سنتين تقريبا رحنا شرق نص الاسبوع الصبح او الظهر المهم نشوف هذول اللي يتمخطرون بالعبايه المخصره و النقاب مادري شلون صاير الحمدالله و الشكر بنتين و ٢ عقد وراهم و يكون اهما متضايقين منهم بس حركاتهم تقول العكس... و احنا قاعدين نشوف طبعا.. ولا..ولا واحد من الشباب حط ايده علا خلفيه وحده منهم و قرصها :/ والله العظيم هذا اللي صار و بعدين مشا و اهوا يضحك و اهيا قامت تسبه ://*

 

[عين القطوه]

رد : التحرش البدني (قصص واقعية) ارجو التفاعل الجاد لنحمي انفسنا

هذي الله يسلمكم وحده من رفيجاتي كنا طالعين نتمشى بالمول جذي مو ناوين نتسوق

والا وبوسط الزحمه احنا على سيب عريض طبعا احنا بعباياتنا والا وذاك الولد اللي يلم رفيجتي من ورا

انا من الخرعه هربت وخليتها وهي تيبست مكانها مسكينه وهو عايش جو,,

انا وهي من بعد الموقف صرنا دور مقاطع يوتيوب عن الدفاع عن النفس وقت التحرش وجذي..

لان من صج مفيده..

 

[عين القطوه]

رد : التحرش البدني (قصص واقعية) ارجو التفاعل الجاد لنحمي انفسنا

هذي الله يسلمكم وحده من رفيجاتي كنا طالعين نتمشى بالمول جذي مو ناوين نتسوق

والا وبوسط الزحمه احنا على سيب عريض طبعا احنا بعباياتنا والا وذاك الولد اللي يلم رفيجتي من ورا

انا من الخرعه هربت وخليتها وهي تيبست مكانها مسكينه وهو عايش جو,,

انا وهي من بعد الموقف صرنا دور مقاطع يوتيوب عن الدفاع عن النفس وقت التحرش وجذي..

لان من صج مفيده..

 

[شراره الكويت]

رد : التحرش البدني (قصص واقعية) ارجو التفاعل الجاد لنحمي انفسنا

ابقولكم موقف ما انساه بس يومها حسيت اني شجاعه

نا مره كنت بمحل حق الكلف ولاهيه معاي رفيجتي واشوفها تلعثمت واخترعت مادري اشفيها

جان اقولها اشفيج تقولي شوفي هاذا الرجال اللي جاي قاعد يلمس علي من ورا اللتفت ولا هو وراي

والله يا بنات مادري شلون عطيته بوكس مع ظهره لا تسالوني شلون بس حسيت من قوة الضربه ان ايدي تعورني ولا يقب والحريم بالمحل

يسالون شصاير قلت هاذا اللي مايستحي عما بعينه يتحسس على الحريم مع اني انا ورفيجتي عبايات راس ودسوس ايدين ما نطلع بدونهم يعني

سواءا محتشمه ولا لا مافي فايدة بالمرضى النفسيين الله يكافينا شرهم

 

[❤لبيـــه❤]

استغفر الله
الله يستر علينا
يبيله والله فنوون قتالية

 

[يــ عذآبيئ ــآ]

وااااي هالمووضووع صج يرفع الضغط ... كسر بيدهم انشالله هالرياييل الوصخين المرضى النفسييييين ..

الحمدلله بالكويت ولا مره صادفتني هالحركات الوصخه بس بالسفر صارت معاي مرتين

المره الاولى كنت مسافره دوله من غير ذكر اسامي كنت واقفه عند محل اطالع الجواتي وانتو بكرامه ..

ماحسيت الا هذاك اللي طقني من ورا .. انا اهني مت من القهررر .. جان اقول ويعه انشالله .. جان امي تقولي شفيج

طبعا ماقلتلها ان طقني .. عشان ماتصير قيامه بالسوق .. دشيت شريت الجوتي اللي ابيه وطلعت .. وقلت بقلبي يصير خير

بس خل اشوف واحد يجيسني .. لا اعطيه بالجوتي .. << بعتها لووول .. بس اشوه عقبها محد تحرششش

وثاني مره كنت مسافره ديره ثانيه .. وكان المكان حده حده ززززحمه الارض ماتبين .. المهم ماوعيت الا ايد من وراي

انمدت على صدري .. قلت بقلبي لا اكيد مو قصدهم ويمكن من الزحمه والدز .. وقلت خل اشوف منو وراي عشان ادير بالي بعد

شفت ولا ريال شكله ويهه أهبل .. قلت لا اكيد موقاصد مسكين .. وكملت ولا مره ثانيه انمدت ايد صوب صدري .. جان ارفع جنطتي

واغطي صدري بالجنطه وكملت مشي .. وثالث مره عاااد مد ايده جان ألف ويهي عليه بالنص الزحمه واصرخ بويهه ..

قلتله وبعدييييييييييييييييييين يعني ؟؟؟؟؟؟؟؟؟ جان ينسطل يطالعني بنظره بريئه الحبيب .. وامي وراي عبالها اتحلطم من الزحمه

كل شوي زااافتني تقولي اذا كل مره بتحنين جذي ما اخذج وياي قلتلها مو عن الزحمه بس واحد حمار يبي يجيسني .. جان تعصب امي

وينه وينه .. قلتلها هاا مادري رااااح .. بس المره اليايه الله لايقولها اذا صار شي .. مالي شغل بقول حق امي تلعن خيرهم لوووول


بنات لاتسكتووون لهم هالاشكال المختله عقليااا ..


قرقت وايد موووووو