التبذير

[بيبي2014]

السلام عليكم

بنات انا متضايقه من نفسي ومن الي قاعده اسويه

صايره حيل اصرف فلوسي على اشياء سخيفه وتافهه

كل ما اروح لسوق اشتري ماركات وعطورات غاليه لما اقعد على الحديده واطر من امي فلوس

والله فشله فلوسي اقدر افتح فيهم بيتين وانا قاعده اضيعهم على اشياء سخيفه وخرابيط

وكل مرا اقول لا الشهر الياي ماراح اصرفهم على خرابيط وارجع العن من الشهر الي طاف

شسوي عطوني حل .. لا تقولون فتحي حساب توفير لاني فتحت وماكو فايده قعدت اصرف منه


مقهوره حيل اشفيني صايره نفس الياهل ماعرف اشلون امسك فلوسي وايمع حق نفسي

عطوني حل

 

[فجوره البطه]

الله يعينج هل شي لازم انتي من نفسج تمسكين نفسج عن الصرف
ان شاء الله البنات يفيدونج

 

[محبة1]

مشكلتك فعلا صعبه ومحتاجه تفكير طويل ...

وعلى فكره هالنوعيه منتشره بشكل كبير

بعطيك حلول واضحه وسهله اتمنىء تمشيء عليها بالضبط

اولا- ممنوع تروحي السوق نهائي << واضح حبك لسوق اذا قدرتي هذا اول سلم وطلعتيه

ثانيا- دايما قولي حق نفسك هالكلام .. ماراح اصرف هاليوم اي شيء ابدا

ثالثا- وهالشيء لازم تصدقي لوجه الله كل أسبوع مثلا يوم خميس ولا جمعه بمبلغ 10 دينار او أقل او أكثر وخلي هالشيء عاده عندك

الصدقه مهما كانت صغيره بتكون لها قيمه مثلا خلي اخوك يروح للبقاله ويعطيه عشره دينار ويقول الخبز اليوم عطي الناس لما تخلص هالعشره الي اعطيتك ويقول له تراها صدقه عن نية شخص << ولازم يكون هالي في المركز معروف عنه الامانه او الصلاح

صدقني الصدقه كمان راح تساعدك في اشياء ثانيه كثير منها تحمل المسؤليه وايضا رضا الله

وتطهير عن ذنوبك

اتمنىء تطبيقي هالكلام .. وبالتوفيق لك

 

[gala q8]

وعليكم السلاممم ،

جنج تتكلمين عني d: ماكو فايده صج .. ترا احس شي عادي
كل وحده جذي .. انا بعد جذي أحب أصرفها مره وحده حتى لو ما أستفيد منه
العطووورات اللي عندي ولا بجايم النوم ولا غرفتي كل شهر كفر غير

ما اظن في حل .. إلا إذا تبين جربي هالشي و شوفي
من ينزل معاشج عطي أمج مبلغ معين تخشه بمكان ما تعرفينه p:
ولا طلعتي حاولي تسحبين مبلغ معين و بطاقتج عند أمج ..
المهم تكون البطاقه بعيده عنج .. خليها بالبيت و أنسيها ..



​

 

[Pinky -cat]

والله حياتي الموضوع هاذا سوي حق روحه خطة تمشين فيها عقلج ، يعني كتبي ورقة بالضروري فقط واشتريه
وخشي الباقي في اكثر من مكان في البوك مالج ، واذا في باقي لا تخلين كاش وحياج حطي في البطاقة وخشيها

الزبدة روضي نفسج على التعود على روتين مفيد وبتشوفين الفرق

 

[Pinky -cat]

وترا حبيت اقولج اني سويت هالسالفة وضبطت وياي ال احد كبير ، طبقي وشوفي

 

[ماكدونلز]

و عليكم السلام حبيبتي ليش ما تسوين مشروع جذي انتي قاعده تصرفين فلوسك بشي مفيد اتمنا انك افدتك وطمننا عنك حبيبتي