التابعة شنو ؟؟؟؟؟؟؟؟؟

[ربي يفرج لي]

السلام بنات
حبيت اسالكم عن التابعة انا ماحملت لي لحين واتحلم دايم بالحية والقطاوة قالولي حريم انه عندج تابعة بس بعرف شنو معناها خوفوني انا خابرة للي تحمل والطيح مو للي ماحملت وتمنع من الحمل وشلون العلاج؟

 

[هندااا]

والله ياأختي انا سمعت ان التابعة بدعة ومالها وجووووووووود....


في شي اسمه عييين وحسد......وحصني نفسج بالقرآن والرقية.......

 

[ToOTOoWa]

والله يااختي موضوعج حلو
لانه التابعه موجودة وانا اختي فيها تابعة ام الصبيان اللي تطيح بس الصبيان
واهي من انواع الجن والعياذ بالله وكانت تأذي كل البشر بس سيدنا سليمان قيدها وخلته تعاهده انها ماتأذي احد الا اللي مبتعد عن ربه او قليل الايمان ويسمونهم العهود السليمانيه السبعه
بس ارقي نفسج بالقرآن واذا تبين شي دزيلي على الخاص

 

[Cacawa]

انا كان معاي تابعة ونفس حالتج وقالولي انها تمنع الحمل بس الحمدالله قمت اقرا قرآن وايد
وقبل لا انام اقول (بسم الله الذي لايضر معه اسمه شي في الارض ولا في السماء وهو السميع العليم)
وحاطه تحت راسي اية الكرسي

 

[أم حيدر]

التابعة حقيقة وموجودة

بس ما في مخلوق اقوى من الخالق - يعني عليج بالقرآن الكريم وفي ادعية ورقيات خاصة للحمل وللطفل وايمان الانسان بربه يصنع المعجزات.

 

[foozia_87]

حبيبتي التابعه نوع من الجن ولكن الايمان فيها والتفكير العميق يجعلج تتطيرين بالاسلام الى ان تصلي الى الكفر والاعتقاد بان مصيرك ممسوك بيدها وسالي شيوخ وايد ينفون قوتها وان المصير والرزق من عند الله عزوجل واللي يقول لج لازم تحطين يامعه والا وحده تحلب على ظهرج هذا حرام وتطير عن الدين ارجو اني وصلت لج المعلومه

 

[لؤلؤية]

سمعت حماتي تقووول انه فيها تابعه
ظلت 10 سنين تحمل وتسقط
وكانت تروح تعااالج عند مطاوعة ...وحريم
وفعلا مثلا ما قالت الاخت انه يشيلون حجاب
طبعا امها وخواتها مايقولوووون..بس اهي ورتني اياه
وقالت انه اللي داخله قرآن
حاطته بصدرها..داخل الستيان
ما اتصور انه العلاج في الحجاب اللي حاطته ابدااااا

و.....ما شاء الله ...تبارك الرحمن الحين
عندها بنت و3 صبيان
يارب يحفظهم ويحرسهم لها

 

[Raveena]

في وحدة بقناة الوطن في برنامج تو الليل عندها فقرة و مرة تكلمت عن التابعة و اول مرة اسمع عنها

وقالت نفس الكلام اللي قلتيه ان اللي تحلم في هالسوالف عندها تابعة

 

[bnt_kwt]

التابعه موجوده
والكل يعرفها ولا هي بدعه ولا اهي خرافات انا فيني التابعه
ومانعه عني الحمل وهذا اللي قالوا لي اياه
والحمدلله كنت احلم باحلام تخرع
بس من قمت ارقي روحي صرت ما احلم بشي ولله الحمد

والله يشافينا ويرزقنا يارب ويبعد عننا الاذى والتعب

 

[ربي يفرج لي]

انزين شنو يعني انه يقولون انه نفسه اهل الارض فيج عشان جذي تمنع الحمل شنو يعني هالكلام

 

[أغصان]

انا من تزوجت على طول احلامي قطاوه سود والثعابين والجن
بس داومت على سورة البقره في عشر ذي الحجه والحمدلله راحوا مني

 

[أحلى عيون]

حبيبتي انا صارت فيني التابعه وكانت حاطه لي السحر زوجه ابوي وكنت اتحلم انها تصير على هيئه ثعبان كبير وقطاوه وكل مااحمل شهرين اتحلم فيها انها تضربني على بطني وثاني يوم اجهض

وبعدها اخوي الله يجزاه الجنه ملتزم وقارئ القران كله وامام مسجد ومحفظ قرى على ماي واعطاني اياه وربي وفقني وسويت تلقيح صناعي والحمدلله تحلمت بزوجه ابوي اني اطقها واذبحها يوم صارت مثل الثعبان


عليج بصورة البقره كل يوم كاااااااااااااااااامله والله ما تاخذ منج نص ساعه

وعليج قبل النوم استغفري ربج وانشالله ربي يحقق كل الي تتمنينه

انا صارلي 8 سنوات ما حملت وبعد ما قتلت زوجه ابوي بالحلم ربي رزقني ببنتي ولله الحمد وبعدها بثلاث سنوات سويت اطفال انابيب وربي رزقني بولدي ربي يخليهم لي يارب

واي سؤال انا حاضره لاني مريت بتجربه

 

[برونزيه نعومه كتكوته]

انا للحين الله ما رزقني في بيبي
مو عشان شي بس لان ريلي اول ما تزوجنا سافر يكمل دراسته و انا توه صارلي اسبوع و ثلاثه ايام تقريبا من تزوجت
بالنسبه للتابعه ماما عوده كان فيها
و على كلامها تقول انها لما تحمل كانت تحلم ببقره تمشي وراها
تقط عليها قطعه لحم و البقره تاكلها
تقعد ثاني يوم الصبح
تلقى روحها طارحه و مطيحه البيبي
بس من داومت على القرآن و تشرب ماي مقري عليه
الله رزقها بخوالي و خالاتي =)

 

[الريشة]

شوفي
ترى الشيطان و الجن يعصبون اذا دروا أن وحدة توها حامل و إيون لها في الحلم عشان يطيحونه...
بس لازم تتحصنين بالقرآن... سورة البقرة و يس
مع الاستغفار وايد و الصدقة و الدعاء، أدعية الصباح و المساء.
و اذا طفتي بالحمل شهر او شهرين يروحون عنك لأن يفقدون الأمل.

أنا أول ما تزوجت أجهضت و عقبها قمت اقرا قرآن و رحت العمرة و ادعي ، و عقبها حملت و قمت أحلم بناس ايون لي منبطة كبدهم مني ويطالعوني بنظرات شنهم ودهم يذبحوني و حلمت بوحدة طلت علي و شكلها يخرع و أسنانها طوال و نفخت بوجهي و كنت اقرا ادعية و آيات بالحلم ، و الحمدلله الله حفظني منهم و راحوا عني.

 

[##أم رابعة##]

ما عنديأكثر من اللي قالوه الأخوات فعلا التابعة شئ صحيح وممكن تدورين بقوقل عن هالموضوع لأن فيه مواقع متخصصة بالرقيا الشرعية وممكن يفيدونج الرقاة فيها ودمتي والله يرزقني ويرزقج وكل اللي تبي تحمل آآآآآآآآآآآمين 000ودمتي

 

[زهور الجمان]

التابعه موجودة وانا اعاني منها
لان من احمل بولد يطيح وقالولي انها تابعة ام الصبيان
ورحت كذا مكان بس كانت الاجابه وحده واهي عن العهود السليمانيه وكتابتها
وشريت الكتاب اللي يحتوي على هذه العهود والادعيه

 

[slk]

الله يحفضنا منهم والله ردودكم تخرع ومثل ما قالو اهم شى قراية البقره والمعوذات قبل النوم بس لحد يحط القران عند راسه لانها بدعه و مو من السنه