التأسيس اجنبي والباقي حكومه فكره

[ام عبوشى]

بنات شلونكم عندي سؤال شرايكم بالنسبه للتعليم الاجنبي مثلا اذا دخلو الطلاب اغاية اول متوسط نظام اجنبي وبعدين حولتهم تعليم حكومي عشان التأسيس انجليزي وبعدين احولهم حكومه فكره حلوه ويعطونهم عربي وحتي اذا كان العربي يعطونهم شوي ايب بالعطله مثلا دروس خصوصيه عشان ماينسون ناطره مشاركاتكم :eh_s(6):

 

[Mis$ LeO]

وايد يسوون جذي مع اني شخصيا ما احس انها خوووش فكره لان الانجليزي راح ينساه بسبب اختلاف نظام التدريس

وانشالله اللي طبقوا الفكره يفيدونج برايهم وتجاربهم

 

[أم سعـود]

ان حولتيهم عقب مراح يقدرون يكملون

صح وايد سوها بس مو الكل كمل

انا اهلي وايد كانو بخاص في منهم بالبرتش وفي تأسيس الباكستانيه وفي بالامريكان

بس راحو المتوسطه حكومه البرتش والامريكان

تدرين سنه وردو خاص ماقدروو حرام تغير النظام اعتفس

بتدخلينهم خاص خليكملوون خووو كلها ثلاث سنين زياده والعربي يتعلمونه منكم

لايكون انتي عادي انجليزي الحكومه انجليزي سنع

انا تخرجت من الثنويه امتياز ومتفوقه ماقمت عدل بالتوفل

وشدعووووه عاد بيفيدووونهم بالعربي رفيجتي تمرمرت مسكينه بالعربي

اهيا بعد كانت خاص وحولت حكومه بس ردت خاص على طول

 

[b6o6a]

وايد يسوون جذي

بس حلاته تكملين معاه لي الثانويه لانه يتعود على نظام معين ولما يروح حكومه يلاحظ الفرق ..

 

[sereen]

اذا الهدف من هو تعلم اللغه الانجليزيه انا من راى تدخلينهم معهد قوى ....... لكن راح يندمر الياهل بسبب التحويل لان السستم يتغير من مدرسة الى ثانيه , المعلومات وحدة سواء حكومه ان خاص لكن الرك على الاهل لازم يراقبون العيال ويشدون عليهم بالاضافه الى جودة التدريس وطرقها

 

[ام عبوشى]

مشكورين علي المشاركات وناطرين مشاركة باقي الاخوات

 

[ام عبوشى]

وايد يسوون جذي

بس حلاته تكملين معاه لي الثانويه لانه يتعود على نظام معين ولما يروح حكومه يلاحظ الفرق ..

ادري بس هم حرام يخلص الثانويه مايعرف عربي ولد اخوي جذي حتي خطه لما يكتب جنه باولي ابتدائي

 

[ام عبوشى]

اذا الهدف من هو تعلم اللغه الانجليزيه انا من راى تدخلينهم معهد قوى ....... لكن راح يندمر الياهل بسبب التحويل لان السستم يتغير من مدرسة الى ثانيه , المعلومات وحدة سواء حكومه ان خاص لكن الرك على الاهل لازم يراقبون العيال ويشدون عليهم بالاضافه الى جودة التدريس وطرقها

صح كلامج بس اعتقد انا المدرسه راح يكون فيها مثلا خمس سنين غير عن المعهد وماراح يهتم لانه اختياري والمدرسه فيها متابعه ومنافسه مع الطلاب وراح يهتم اكثر هذا وجهة نظري حبيتي وشاكرتلج مرورج

 

[أسرار الطبيعة]

اللي بتدخل ولدها خاص تستمر معاه لين يتخرج وألا الأفضل ما تدخله لأن حرام تكسرين فيه من خاص لعام بكل شيء
الخاص معروف اللغه العربيه ضعيفه جدا عندهم فالأم هي اللي تدرس أو تخصص لهم مدرس لغة عربية هذا أمر مسلم فيه ومعروف عند كل أولياء الأمور ..
بتأسسينه لغة إنجليزية وبتهملينه باللغة العربية ما سويتي شي بالعكس ضريتيه
فإذا عندك قدرة بتدريسه أو متابعته طوال السنة الدراسية باللغة العربية دخليه نظام إجنبي ، وإذا همك فقط الدراسة في المدارس الخاص ومخرجاتها فتوقعي اللغة العربية عنده بتكون ركيكة للغاية وغير من هو بعمره في الحكومه من حيث التعليم لهذه المادة ..
يظل التدربس في البيت أقوى من أي مدرسة كانت ، الأم مدرسة إذا أعددتها ..
والتربية أصعب من أي تعليم كان ..

 

[ام عبوشى]

تصدقين اسرار الطبيعه اصبتي كبد الحقيقه اهوا القصد كله انا التعليم الخاص افضل بكثير من العام خصوصا بالسنوات الاخيره بس هم من غير اهمال اللغه العربيه حرام بس هم رايج حلو بالمدرس الخصوصي للعربي واعتقد قصدج من الابتدائى للثانوي صح بس مو يوميا صح ومشكوره علي الافاده