البيت كله يكح وصرنا بيت بوكحة

[BlackRose]

السلام عليكم

باختصااااااااااااااار انا وزوجي وعيالي كلنا كحة وخشومنا مسكرة وحالتنا فللللللللللللللللللييييييييييليييييييييييييي

ومساكين اليهال حاطينهم على الكمام بنتي الكبيرة كل 4 ساعات ومرات اتييها نوبة كحة تستمر معاها فترة طويلة

وبنتي الصغيرة هم على الكمام

وحالتنا حالة

اشرايكم بنات شنو نسوي؟؟؟؟

 

[مريوما الحلوه]

انا اقولج رووحي صيدليه او بووتس عندهم دوا كحه قوليله الي طعمه عسل الي قطراات تطلع منه راحت كحتي الحمدالله _ بس روحاو الخطيب انتي وريلج او طيبه كلينك قسم الطوارئ هم زينين

 

[رفرف]

اشتري جهاز تبخير من الصيدلية حطيه بالغرفة اللي انتو قاعدين فيها وتحطين فيه فيكس طبعا تخففينه يخلي جو الغرفة رطب وواااااااايد يفيد حتى اللي ما فيهم شي ينقي الهوا ...

 

[أمواج البحر]

والله الحال من بعضه

البيت كلهم مرضى

شراب زيرتك زين حق الكحه و يخففها

رفرف الله يذكرج بالشهاده قولي امين عندي الجهاز وناسيته بحطه حق اليهال تطري صدورهم

 

[كويتيه رزتها ملكيه]

السلام عليكم هاذا موضوع ناقلته من احدى المنتديات والبنات حييل مدحوووو النتيجه ،انشاء الله تنفعج ، وهى كلها مواد طبيعيه وانشاءالله مامنها ضرر ،

====================================


استغفر الله الذي لااله الا هو الحي القيوم واتوب اليه

السلام عليكم

هذا وقت كتمه وربو

انا عانيت كثيرا من الربو وابنتي ايضا الى ان اصيبت من سنة تقريبا بالتهاب رئوي

وادخلت المستشفى

وخرجت من الستشفى ورجع بعدها باسبوع وبقوه ومضادات مده شهر

اعطتني الدكتوره مضاد مره اخرى بعد الخروج والصراحه رحمتها من المضاد

لكن سبحان الله ماعطيتها المضاد

وعطيتها خلطه من صديقه امي

اللي هي

ملعقه عسل طبيعي صغيره لانها بنتي عمرها كان سنتين وطبعا للمعلوميه اقل من سنتين مانعطيه عسل

واقل من ربع ملعقه صغير رشاااااد مجروشه بطرف سكين تدقينه فقط


وسبع حبااات حبه سوداءءء مدقوقه بطرف السكينه


قبل النوم

اسبوعين فقط على هالعلاج ويارب لك الحمد اختفى بقدره ربي

ولااحتجت للمضاد ووقفت البخار ايضا

بناااااات من كثر ماعانيت من الربو حاسه بكل وحده تنكتم

حتى الكبار نفس الخلطه

بس ملعقه عسل كبير

وربع ملعقه رشاد وسبع حبات حبه سوداء

مده اسبوووعين فقط

 

[مس فيراري]

شوفي من تجربتي لي صار الليل ونامو اليهال دهني قوايع ريولهم بفكس ولبسيهم دلاقات والله بتلاحظين وان الكحه وقفت وقدروا ينامون براحه . الله يشافيكم يارب

 

[BlackRose]

الله يعطيكم الف عافية

كويتية رزتها ملكية انشاءالله من باجر بجرب الخلطة

اختي مس فيراري مشكورة على المعلومة

 

[قلبي ابيض]

سلامتكم يابيت بكحة بس هذا الجو وامراضه الله يشفي مرضانا ومرضاكم واجر وعافية

 

[شهدQ]

انا ولدي صارله 6شهور

الجو يااختج متعب

 

[روزيتا]

والله انا الكحه مو راضيه تفارقنى شهر 11 انفلنزا نزلت بالصدر ويينا بعد العيد 2 يوم هم انفلنزا وكحه داومنا يومين ورديت اقوى رحت لدكتور بهبهانى بعيادته عطانى شراب وارتحت الحمدلله رديت بعد اسبع قال لى خلاص وقفى وصدرج نظيف

مو يتنا موجه البرد مره ثانيه الحين انتكست والكحه يسمعها الفريج والحمدلله

بجرب العسل مع الرشاد ولو انى ماحب بس شسوى

 

[حبيبته آنا]

اهم شي عليج بالسوائل الدافيه وماتشوفون شر يالغاليه

 

[farawla_q80ia]

نصيحة لوجة الله روحي انتي وعيالج عند الدكتورة اسيل الخطيب 2665013 رقمهم وادعيلي

 

[BlackRose]

بنات انا بنتي الكبيرة نوموها بالمستشفى والسبب الربو ولان اوكسجينها نازل

ادعوا لها الله يقومها بالسلامة