البيبي يوم كامل ما تحرك عادي؟؟

[نوريكا]

صباح الخير عليكم
حبيباتي بغيت مساعدتكم من خبراتكم؟
البيبي طول امس ما تحرك عادي؟ أنا تقريبا بنص الرابع وبدا من ذاك الاسبوع احس بحركته بس امس خااموووش لي درجا والله كلا نايمه وظايق خلقي حتى اللي يسمع صوتي يقولوالي شفيج؟
ادري انكم بنات قريه وكلن يعرف خيه وماراح تبخلون علي حبااايبي
ياعل الله يطمن بالكم​

 

[حشمه]

لاتحاتين البيبي صغير لما يتحرك مو كل مره بتحسين فيه

 

[souhaila]

عادي
بس كلي كاكاو و حلوى و اشربي كوكا كولا و راح يتحرك عن تجربة

 

[فرحه ابويa]

حبيبتي لاتخافي ولا تتعبي ان شاء الله ماقدامك الا العافيه طيب اسمعي كلي حاجه حلوه بسكوت وان شاء الله حيتحرك واذ ودك تتطمنين مايخالف روحي المستوصف الله ييسر لك:yaaaaaarb:

 

[ام نجـــلاء]

شربي عصير وراح تحسين بحركته

بس لاتفكرين وايد ترا عادي مايتحرك او ممكن يتحرك بس ماتحسين فيه

 

[nadoo]

عادي بيكون نايم

 

[ام عفاف الكويت]

كل ماحسيتي البيبي مايتحرك
اكلي كاكاو وشربي مانقا كي دي دي ثقيله
تلقينه بيسوي لج ملعب كوره ببطنج
هذا كلام الدكاتره قبل السونار

 

[om batool]

بالرابع طبيعي يتحرك يوم وايام ما يتحرك ان شاءالله بالسادس تزيد حركته

 

[ام أحمدووه]

عاااااااادي حبيبتي كلش لاتحاتين
اصلا انا بالرابع والخامس ماكو حررركة الا نااااااااادر
ومرة بأخر الخامس جذي يوم كامل ماتحرك خفت وقمت احاتي ورحت الطبيب قال عادي ماكو شي والبيبي حركته ممتازة بس انتي ماتحسين وثاني شي عادي يكون نايم يوم كامل او ساعات طوييييلة عادي

 

[MissChoco]

عادي حبيبتي انا ماحسيت بالحركه الا نهاية الخامس
واذا خايفه سوي سونار وان شاءالله ماكو الا العافيه،،

 

[" ام حمود "]

عادي حبيبتي .. وانتي بالرابع تووه صغير ياهل
لاتحاتين حبوبه

 

[نوريكا]

يااا بعد قلبي قلبكم
ما قصرتوا وياعل عينكم ما تشوف مكروه لا من قريب ولا من بعيد تسلمون:eh_s(7):​

 

[ghadeeeer]

آنا بدش الثامن ومرة قعد 4 أيام ما تحرك وعلى طوووووووووول طياره لأقرب سونار الحبيب كان قاعد يلعب ويحوس بس ما كنت أحس بحركته بس خسرني فلوس

 

[بسمه الم]

عااادي ياقلبي لاتحااتين ,,

 

[c a t w o m a n]

أنا حبيبتي لا توسوسين ماكو الا العافية انشالله أنا لما كنت بالرابع كنت أحس فيه بس وقت السونار ما أحس بشي أطالع السونار البيبي اسمالله عليه يتحرك و أطالع بطني ولا حركه أحس .. البيبي صغيرون وياخذ راحته الله يتمم و يسهل عليج وعلى كل حامل يا رب وتشوفينه يناطط بحظنج

 

[الأميرة كيرارا]

عادي حبيبتي لا تحاتين
و تولدين بالسلامة إنشالله

 

[عيون السعودية]

لسى صغيير​