البيبي متى اقدر اطلعه معاي

[نور83]

شلونكم امهات كويتيات واشلون اعيالكم انشالله تمام ؟:33_1185028183:



عندي سؤال

الحين البيبي بعد الاربعين متى تقدرين اطلعينه معاج في العربانة يعني باي شهر من خبرتكم خواتي

واذا طلعته شنو اهم الاشياء اللي لازم انتبه لها


:080402ask_prv::080402ask_prv: ناطرة ردودكم

 

[bintq8]

السلام عليكم يسعدني اكون اول وحده ترد عليج والحمدلله على سلامتج ومبروك المولود او المولوده وانشالله يكون من الذريه الصالحه يارب والبيبي تقدرين تاخذينه بعمر 3 اشهر او متى ما انتي بغيتي تطلعينه لانه لو بعمر شهر او شهرين بعده صغير حرام تطلعينه مع انه زين عشان مايستغرب من الناس ولا يخاف منهم والاشياء الي تاخذينهم جم بدله وجم بامبرز عشان تغيريله وكنبل عشان اذا نام بالعربانه وكلونية اليهال وكلينكس جونسون لما تغيرينله ومميات وحليب وماي وسلمتج

 

[سموره 87]

انا ما اييد طلعة البيبي واهوه صغير
يعني طلعت بنتي كان عمرها 6شهور مرضت عالطول ومن بعدها ماقمت اطلعها الا بس الزوارات بس امس وديتها البحر واستانست والحين عمرها سنه و3شهور

 

[bintq8]

اي نسيت وجم فوطه صغيره حق اذا رجع وانتي بكرامه

 

[نور83]

السلام عليكم يسعدني اكون اول وحده ترد عليج والحمدلله على سلامتج ومبروك المولود او المولوده وانشالله يكون من الذريه الصالحه يارب والبيبي تقدرين تاخذينه بعمر 3 اشهر او متى ما انتي بغيتي تطلعينه لانه لو بعمر شهر او شهرين بعده صغير حرام تطلعينه مع انه زين عشان مايستغرب من الناس ولا يخاف منهم والاشياء الي تاخذينهم جم بدله وجم بامبرز عشان تغيريله وكنبل عشان اذا نام بالعربانه وكلونية اليهال وكلينكس جونسون لما تغيرينله ومميات وحليب وماي وسلمتج

تسلمين اختي بنت الكويت على الرد :tek: وعلى المعلومات ما قصرتي الصراحة

 

[نور83]

مشكورة اختي سمورة

مو انا علشان جذي نزلت الموضوع لأن خايفة على بنوتي تستمرض اذا طلعتها الحين واهي ما كملت ثلاث شهور للحين علشان جذي قلت اخذ راي الامهات اهني

 

[myfashionbag]

رد : البيبي متى اقدر اطلعه معاي

انا بعد ما احب اطلع البيبي الا بعد 6شهور لكن بعد الاربعين ممكن تودين الزورات بس الاهل المقربين واهم الشيء الرقيه الشرعيه للياهل

 

[bintq8]

العفو والله يسلمج حبيبتي ماسويت شي

 

[سموره 87]

مشكورة اختي سمورة

مو انا علشان جذي نزلت الموضوع لأن خايفة على بنوتي تستمرض اذا طلعتها الحين واهي ما كملت ثلاث شهور للحين علشان جذي قلت اخذ راي الامهات اهني

حياج الله حبوبه

 

[غلا ماجد]

انا عمر ولدي سنه للحين ما طلعته بس اخذته مرة سنتربوينت قبل شع=هر و قام يبجي و يصارخ لانه مو متعود ع الطلعة

 

[بدوية بملامح كشميرية 86]

حلاته تطلعينه بعمر السنه وفوووووق

 

[tmtmt]

حرااااااااااااااام علييييييييييييييييكم
ســـــــــــــــــنه !!!!!

شلوووووووووووون ؟؟
بصير وحشي اصلا !!!!

حدي انصدمت واستغربت وكل الامور صارت فيني

ما تودونه العاب ؟؟
سوق؟؟
مطعم ؟؟؟

شلووووووووون وين تخلونه عيل

والله من طلع تمن ال40 واهيا معاي
والحمدالله مافيها الا العافيه

وشدعوه بتستمرض لبسيها وكوديها وطلعيها او طلعيه !!

 

[سكووون]

ماله داعي سنة !!

بعد الاربعين أو بالكثير شهرين طيري فيه وين ما تبغين و الله يخليه لج و يبلغج فيه معرس

 

[^^دموع الكويت^^]

رد : البيبي متى اقدر اطلعه معاي

من عقب الاربعين اطلعه معاي كل مكان


ومخصصة جنطة حق الطلعات السريعه

وجنطة حق الطلعات الطويلة


:d

طبعاً اذا الطلعه سريعه تحطين مطارة ماي صغيرة حليب حطيه بالمقسم مميات 2 ومميه ماي واحط فيها ماي غريب او اسويله اعشاب وبامبرز وكلنكس مبلل وبودر وكريم والنايلون اللي ينحط تحته اذا بغير حفاظته وكمبل خفيف اذا نام وصدرية لانه يسعبل وايد وفوطة صغيرة اذا بيرضع او اذا رجع ...


وان شاءالله ما اكون نسيت شي


ونصيحة طلعيه معاج كل مكان عشان ما يستغرب بعدين

 

[اخفي همومي بضحكتي]

طلعيه من عمر 4 شهور يعني مره بالاسبوع

عشان يتعود على الناس والصووووت

 

[Dua'a]

أنا طلعت مع بنتي بعد الأربعين على طول ،، رحت مجمعات
أهم شي عندي ان البيبي يكون متدفي عدل (تلبسينه كبوس و الملابس كم طويل) و تييبين معاج غطا لو نام لأنه المجمعات باردة ،، ثاني شي تختارين عربانة فيها وضعية النوم عشان البيبي يرتاح
و وخري عن أماكن التدخين لأنه الدخان يسبب التهاب بالأذن
وان شاء الله تستانسين

 

[alhabibah]

رد : البيبي متى اقدر اطلعه معاي

أنا ولدي عمرة 6 شهور، بس أوديه زوارات وبيوت، أما إسوقه ولويه ، أحس تو الناس..

 

[عبث طفله]

انا اخذها معاي مرات من كان عمرها 4 شهور ..

والحين ما تخلي مكان ما تروح له تحب الطلعات والوناسه << طالعه على امها

 

[روان_الكويت]

انا ما أايد اليهال ينقط عند الخدامه والام تهايت بره
حلات الياهل مع امه

توني طالعه من الاريعين ونومت عيالي الكبار وطلعت انا وريلي نتعشا بره وما بغيت احطه عند الخدامه
واخذته معاي طول وقت الطلعه نايم وبالمطعم حاطته يمي
احب اخذه معاي ما اخليه ولا اهيته عند الخدم

امس رحت لدكتوري ما اخذته عشان بسرعه بسرعه الخدامه سوتله رضعه غلط حطت 3 ماي وقفشتين حليب وطول الليل يبجي من بطنه بسبتها
مع اني معلمتها بس شتسوين غباء فيهم مو طبيعي

 

[كتكوته22]

شدعوه عليكم بنات 6 اشهر وفوق والي يقول سنه

يعني بالله نطلع ونهايت منو له خل يجابل عيالنا

والله انا عن نفسي كل مكان اخذا من اول ما طلعت من الاربعين كل مكان معاي فديتها