البويضه صغيره يعني شنو؟

[سحايب ~]

:eh_s(17):السلام عليكم جميعا اللي تعرف تجاوبني انا صارلي سنه وشوي قاطعه حبوب منع الحمل وماصار حمل بس صار من كم شهر وطاح له شهر ونص وبعدين سويت سونار داخلي قالتلي الدكتوره البويضه حجمها صغير 10مللي تقول لازم تراجعينا بعد كم يوم عشان نشوف البويضه تكبر ولا هذا حجمها واذا لا تعطيني منشطات او ابر تفجير مع العلم ان انا عندي ولد عمره سنتين ونص وحملت فيه طبيعي فيدوني يابنات اللي مرت بنفس حالتي تقولي عن تجربتها واخاف المنشطات تسويلي حمل التوائم وتعرفون حمل التوم متعب وتصير في مشاكل وتشوهات لاسمح الله

 

[مجنونة بس عاقلة]

البويضة ماتتلقح الا اذا كان حجمها في وقت التبويض من 18 ال 24
هذا الحجم يكون صالح للتلقيح واذا كان حجم البويضه صغير فمايتلقح
وهذا يصير في بعض الحريم حتى لو كانت والده قبل يكون فيه فترات ضعف
بالتبويض عندها وتتعالج بأخذ المنشطات اللي تزيد من حجم البويضه اذا كانت صغيره
واحيانا تؤدي لنزول اكثر من بويضه يعني احتمال بسييييييييط يكون توأم والمنشطات انواع
فيه الحبوب مثل الكلوميد وهذا خفيف وفيه الابر وهذي قوية

 

[Hoooooda]

رد : البويضه صغيره يعني شنو؟

انتي في ايوم من انتهاء الدوره كنتي رايحه

 

[نـور الكويت]

عسى الله يرزقج ياقلبي

واشربي اناناس حيييييييل يمدحونه وعصير العنب

تحطين عنب بالخلاااط بس لا تحطين ماي ولا شي بس عنب واخلطيه بالخلاط وشربيه يمدحونه

وما تشوفين شر ياقلبي

 

[زينانه]

لاتخافين حبيبتي
مبين عليج ماعندج خبره بهالامور
شوفي ... المفروض اي وحده تبي تحمل تروح للدكتوره باليوم ال 12 من بعد الدوره
عشان تسوي لها الدكتوره سونار داخلي.. وتشوف حجم البويضه جم؟؟؟
يعني لو لقتها 17 بتقولج نطري 3 ايام عشان تصادفين التبويض.
اما اذا لقت حجمها مثلا 22 بتقولج ممتازه ... اليوم الجماع.
عرفتي؟
عاد انتي راجعي باليوم ال12 وخليها تشوف بالسونار جم حجم البويضه.
وانتبهي لاتشربين مرميه بالدوره خطررررر.. شربيها من اليوم ال11 الى ال 15 ترفع التبويض عندج
وهم بالدوره كثري عصير اناناس

 

[بيضاء الثلج]

حبيبتي حجم البويضه 10يعني مو وايد وايد إصغيره بس يمكن بأول التبويض أنتي صبر ي جم يوم ورحي راجعي إنشاء الله تكبر وإذا لاسمح الله ماكبرت أخذي أكلوميد تري نسبه قليله إللي يصير فيها توأم أرفيجتي كانت حجم بويضتها نفسج وراحت حق الدكتوره وعطتها كلوميد وماشاء الله حجما الشهر اللي بعده صارت أكبر وحملت وولدت ويابت ولد والله يرزقج إنشاء الله

 

[(أم نونو)]

رد : البويضه صغيره يعني شنو؟

صح كلام البنات راجعي عند الدكتورة واذا حجمها صغير تروحيلها ثاني يوم دورة تسويلج سونار وتعطيج كلوميد وتراجعيها اليوم 14 تسوين سونار وانشالله يكبر حجما

 

[سحايب ~]

رد : البويضه صغيره يعني شنو؟

مشكورين حبايبي طمنتوني فديتكم انا رحتلها ثاني يوم دوره وبعدين 12يوم من الدوره ابي ايام التبويض 14-15-16صح ولا لا؟.

 

[دو^ري^مي^]

عليج بالمرة شربيها حيل حيل ممتازة تكبرلج البويضه