الكمية تكفي:4 أشخاصوقت التحضير:15 دقيقةوقت الطهي:15 دقيقةالمقادير:1/2 كيلو دقيق
150 جم سمنه بدرجه المطبخ
(يفضل سمنه لانها بتخليها طريه لكن الزبده بتنشفها)
3 معالق كبيره سكر
1 معلقه كبيره خميره
1 معلقه صغيره محسن خبز
2 معلقه كبيره لبن بودره
2 معلقه كبيره صلصه طماطم جاهزه
(بتدي العجينه لون وطعم رووووعه)
1/4 معلقه صغيره كركم
ملح
ماء دافئ للعجن
الحشو:
جبنه فيتا+جبنه رومي مبشوره+زيتون اسود مقطع+معلقه زيت
سائل التلميع للوجه:
بيضه+1/4 كوب لبن+شويه فلفل اسود
حبة البركة
جبنة رومى مبشورة التحضير:نخلط المقادير الجافه مع بعض(الدقيق,الملح,السكر,الخميره,المحسن,الكركم,اللبن البودره)
نضيف السمنه والصلصه ونخلطهم مع بعض
نضيف الماء الدافئ تدريجيا حتي تتكون العجينه
شوفوا الصلصه خلت العجينه لونها ازاي
هنضع العجينه في طبق مدهون زيت ونغطيه ونتركها تخمر حوالي ساعه
وبعد كده نقطع العجينه كور صغيره قد الليمونه
نبطط كل كره ونحشيها من خليط الحشو ونقفلها زي القطايف والاطراف نضغط عليها بالشوكه عشان ماتفتحش مننا في الفرن
هنتركها تخمر مره تانيه 1/2 ساعه
وبعدين نلمعها بسائل التلميع ونرش علي الوجه حبه البركه وجبنه رومي مبشوره ونرصهم في صينيه او صاج مدهون زيت خفيفالطبخ: ندخلها الفرن علي درجه حراره 220 درجه حوالي 10 الي 15 دقيقه الخطوة الاخيرة:اشتركي في صفحتنا على فيس بوك
واعملي لايك في جوجل
الموضوع كاملا: لو عايزة تشوفي الموضوع ده بالكامل و بالصور و بمشاركات العضوات اضغطي هنا:
طريقة عمل البوريك بالجبنة في منتدى فتكاتنبذة عن الموضوع: طريقة عمل البوريك بالجبنة من قسم مقبلات و مشهيات في موقع فتكات بواسطة العضوة حته سكره 80، اشهى الوصفات واطيب الاكلات مع موقع فتكات! 4 من 5 بتقييم 26 عضوة
