البورصة .. فرصة ما تعوض

[منيرة خالد]

السلام عليكم ورحمة الله وبركاته .......
عزيزاتي بنات المنتدى ........ تلاحظون هالأيام البورصة بالنازل وخسر فيها ناس وايد ..... وهاذي فرصة علشان تربحون الألوف ........ تسألون اشلون ....... اوضح لكم .....
فيه شركات كانت اسعار اسهمها تقريبا بين ( الدينار والثلاث دنانير ) وبعد اللي صار بالبورصة وصلت السهم للحضيض للي يبيعون علشان جذي اخسروا نزلو اسهمهم اللي شروها بدينار وانباعت بسوق البورصه ب 100 و500 فلس وطبعا اخسروا ........... وتقولون اشلون نربح ..... الفرصة انج الحين تشترين اسهم اي شركة وصلت اسعار اسهمها اقل من الدينار ........ وبعد شهر فبراير الشركات راح تعلن عن ارباحها وطبعا مع ربح الشركات راح ترتفع الاسعار مره ثانيه وتكونين انتي الكسبانه احسبوها ........ عن نفسي شريت اسهم شركة كانت اسعارها 1.400 والحين سعر السهم 51 فلس شريت بقيمة اربع الآلآف دينار تقريبا 80.000 الف سهم وبنطر عليهم الى شهر فبراير اذا اعلنت الشركة ارباحها اكيد 100% راح يرتفع السهم ........... اخذوا النصيحه فرصة ماراح تتكرر ( اخذ النصيحة مباشرة من اخوي لأنه شرى اسهم شركة عقاريه سنة 1997 بمبلغ 10.000وفي سنة 2003 ربح من بيعهم اكثر من 50.000 الف دينار ) الله الموفق ​

 

[أحلى^حياه]

صاجه انا فكرت فيها بس وين اروح اذا بشتري؟
لازم البورصة ولا ممكن من الشركات؟

يعطيج الف عافية
جزاج الله خير

 

[بدوية اصيلة]

اى والله نفس السوال من وين نشترى ترانى غشيمة بهالسوالف وشكرا

 

[ام فجور 2008]

اي صح من وين
منورة قولي لنا بالتفصيل يا قلبي

 

[منيرة خالد]

السلام عليكم / مشكورين على المرور //// اذا معزمين توكلوا على الله ///أول خطوه باجر الصبح تابعوا التلفزيون في البداية واكتبوا اسماء الشركات اللي تبون تشترون اسهمها / ثاني شي تروحون مبنى البورصة الدور الثاني اعتقد يسمونها المحاصة وتفتحون رقم تداول وراح يعلمونكم على باجي الخطوات مثل الكمية اللي تبون تشترونها وطريقة التحويل من البنك // لا تشترون بالاجل لأنه الاجل معناتها لازم تبيعون اذا فيه تداول وراح تخسرون اشتروها نقدي بتحويل من البنك ولا تنزلونها السوق ابدا وتابعوا شريط الاعلان اللي في التلفزيون واذا ارتفعت بيعوا والمسأله يبيلها وقت مو اقل من ستة شهور تحتفظين بالاسهم ............ الله يوفقكم

 

[أساور]

مشكورة بس شنو الفرق بين الاجل والتحويل قريت ومافهمت

 

[كلمةالمرور]

حبيبتي بغيت اسألج اي شركة شريتي فيها وجم اربحها بالربع الثالث وجم وزعت ارباح ومنحه وترى حبيبتي مو كل الشركات تعلن اربحها بعد شهر فبراير لانه كل شركه على حسب اجتماعات الجمعية العمومية الخاصة فيه وبالنسبةلأي شركة تعلن ارباحها اللي اعرفة ان يتفصخ السهم يعني ينزل مو يصعد ........ فيدينا اذا عندج خبره

 

[انا بطة]

حبووبة انا بعد بغيت اسالج شلون اختر الاسهم الي ابي اشتري فيها شلون اعرف الزين من الشين لانه كلشششششش مالي في الاسهم وو شنو الفرق بين الاسهم و البورصة فشلة بس كلش ماعرف شي وووو شكرا

 

[أحلى^حياه]

يعطيج الف عافية

 

[كلمةالمرور]

حبيبتي ما رديت علي

 

[bombo]

اي والله صح كلامج
بنات تقدرون تشتغلون بالاسهم اون لاين عن طريق بيت التمويل او بنك الشرق الاوسط بس لازم احد يعلمكم اشلون

 

[منيرة خالد]

السلام عليكم خواتي // أسفه تأخرت بالرد /// عموما -- أنا مثلكم مو شاطره بالبورصه ومثل ما قلت أخذت نصيحه أخوي /// الفرق بين الأجل والكاش او النقدي انج تشترين وتحتفظين بالاسهم عندج بس بالأجل تكونين ملزمه تبيعنهم بيوم وتاريخ معين حتى لو البورصه نازله يعني انتي وحظج /// أفضل طريقة للشراء الكاش تحتفظين فيهم ومتى ما احتجتي تبيعنهم // بالنسبة للشركات فعلا كل شركة إلها وقت معين للجمعيه العموميه والشركة اللي شريت منها كان سهمها 1.400 سنة 2003 والحين السهم 50 يوم الثلاثاء 26 / 11 / 2008 ويوم الخميس صار السهم سعره 52 فلس يعني ارتفع بيومين فلسين بتقولون مبلغ صغير بس احسبوها عدل انا شريت بمبلغ اربع الآلآف دينار تقريبا 80 الف سهم وكل سهم زاد فلسين يعني 160 دينار كويتي ومن باجر الاحد 31/ 11 / 2008 بتنزل السوق المحفظة الملياريه اللي حاطتها الحكومه وراح يرتفع السوق /////// تتوقعون جم راح يرتفع السهم لحقووووووووا من باجر روحوا المحاصه ومثل ما قلت خلي معاج ورقه وقلم وكتبي اسماء الشركات وشوفي المبلغ اللي معاج ///// الجرايد اليوميه تكتب بصفحة الاقتصاد كل سهم وقيمته تابعوا واقروا /////// والله يوفق الجميع

 

[Snow angel]

لا زلنا في بداية الكساد يعني اصبروا شوي

جميع الاسواق العالميه بترتد شوي يعني بترتفع لكن مصيرها تطيح اكثر

 

[إنسانه بكل حالاتي]

يعطيج العافيه حبيبتي بس ما أعرف اي شي عن البورصه أخاف أتوهق وعادي أشتري أسهم ب200 دينار ؟
وأنا عندي اسهم فيفا وموداريه عنهم عفيه ممكن تعلمينا أحسن أسهم شنو عسى الله يوفقج

 

[منيرة خالد]

هلا اختي انسانه بكل حالاتي /////
اسهم فيفا بعد ما انزلت السوق احتفظي فيها ........بعد سنه لما تنزل السوق راح يبين سعرها والأحسن انج ما تبيعينها حتى لو انزلت السوق بعد سنه بيكون عندهم توزيع الارباح وبعد يعطون منحه اخذيهم تزيدين فيها عدد اسهمج وبعد جم سنه ثلاث او اربع بيعي اسهم المنحه واحفظي بالاصل وجذي تستفيدين ..... بالنسبة للمبلغ اللي عندج حتى لو شريتي فيه ما راح يكون الربح كافي ........ دايما البورصه يبيعون بالوحده ( تساوي 40.000 الف سهم ) والاسهم دايما ترتفع بالفلس فلازم يكون عندج عدد اسهم كبير علشان تحسين بالربح .

 

[إنسانه بكل حالاتي]

هلا اختي انسانه بكل حالاتي /////
اسهم فيفا بعد ما انزلت السوق احتفظي فيها ........بعد سنه لما تنزل السوق راح يبين سعرها والأحسن انج ما تبيعينها حتى لو انزلت السوق بعد سنه بيكون عندهم توزيع الارباح وبعد يعطون منحه اخذيهم تزيدين فيها عدد اسهمج وبعد جم سنه ثلاث او اربع بيعي اسهم المنحه واحفظي بالاصل وجذي تستفيدين ..... بالنسبة للمبلغ اللي عندج حتى لو شريتي فيه ما راح يكون الربح كافي ........ دايما البورصه يبيعون بالوحده ( تساوي 40.000 الف سهم ) والاسهم دايما ترتفع بالفلس فلازم يكون عندج عدد اسهم كبير علشان تحسين بالربح .

مشكوره حبيبتي ماقصرتي بس ممكن آخر سؤال :tomato2:
أنا شاريه الاسهم عن طريق بنك الخليج فشلون أعرف إذا هم حطولي الارباح ؟ راح تنزل بحسابي يعني ؟ وهل الارباح أسهم أو مبالغ ماليه ومشكوره

 

[كلمةالمرور]

حبيبتي بغيت اسألج اي شركة شريتي فيها وجم اربحها بالربع الثالث وجم وزعت ارباح ومنحه وترى حبيبتي مو كل الشركات تعلن اربحها بعد شهر فبراير لانه كل شركه على حسب اجتماعات الجمعية العمومية الخاصة فيه وبالنسبةلأي شركة تعلن ارباحها اللي اعرفة ان يتفصخ السهم يعني ينزل مو يصعد ........ فيدينا اذا عندج خبره

حبيبتي مارديتي على اسألتي !!!!!!!!!!!!

 

[مهناز]

متابعه

 

[إنسانه بكل حالاتي]

للرفع

 

[reemas]

مشكوره اختي منيره على الافاده وسؤالي نفس سؤال الاخت كلمه المرور:-

حبيبتي بغيت اسألج اي شركة شريتي فيها وجم اربحها بالربع الثالث وجم وزعت ارباح ومنحه وترى حبيبتي مو كل الشركات تعلن اربحها بعد شهر فبراير لانه كل شركه على حسب اجتماعات الجمعية العمومية الخاصة فيه وبالنسبةلأي شركة تعلن ارباحها اللي اعرفة ان يتفصخ السهم يعني ينزل مو يصعد ........ فيدينا اذا عندج خبره