البهاق وتوحيد اللون (ابيكم بكلمة راس تعالوا كلكم )

[ي حليليِ]

البهاق وتوحيد اللون :


شلونكم حبيباتيِ ، طبعاً بكل موضوع كل اللي يردون علي ادعيلهن بالموضوع وبالغيب ان شالله ، واتمنى هالموضوع ما تنطشون فيه لأنه جد جد مهم عندي حييييل !


انا فيني بهاق من صغري ومنتشر بجسمي بشكل مو طبيعي ، تنصحوني اوحد اللون ؟


يعني اصير كلي بهاق وكلي بيضااا ؟؟
انا بصراحة ما ودي بس لما شفت شريحة كبيرة من الناس فيها بهاق وناوية توحد اللون لانهم يبون بشرة صافية وبيضا تشجعت أكثر ...


ممممم مادري بنات ماني متخيلة نفسي آنيّ آصير فاقعة وَ wOow

مرات اقول اذا وحدت اللون البياض راح يكون طبيعي وحلو شكلي ، ومرات اقول لا راح يطلع فاقع اكثر من اللازممَ ...

ممم مادري شلون والله !


الحين سؤالي لكم :

س1 : عمركم شفتوا آحد كان عنده بهاق ؟ وشنو سوا ؟ راح تعالج ولا وحّد اللون ؟
س2 : تعرفون اشخاص وحدوا اللون كله ،؟ وشلون صار نمط حياتهم من ناحيتهم نفسيتهم ومن ناحية الحياة ؟ يعني ارتاحوا ولا تندموا ؟
س3 : اللي سووا توحيد اللون ؟ هل في اشياء معينة ممنوع يسوها او ممنوع ياكلها ؟
س4 : وين سويت توحيد اللون ومن متى ؟ وعند منو ؟ وهل عبارة عن ابر ولا كريم ؟؟



بنات انا كل ما افتح موضوع اكتب فيه راح ادعي للي ترد علي ، بس اللي تعطيني معلومات كافية وصحييييحة -اهم شيء تكون صحيحة- ماتتصور شكثر راح ادعيلها بحياتي كلها ...

لحد يستحي يقول اذا فيه او بأحد من قرايبينه انا مابي مو اللي عنده المرض ، ابي بس شلون تأقلم معاه ....

صج آني بنوتة وعلاقتي حلوة مع الناس وآضحك بهبال بس جد مرات آحس بنقص وَأسكت بالمرة
متأزمة حيييل من هالشغلة ..

الحمد لله ع كل حال ،

 

[شادن33]

حبيبتي والله
انا اعرف وحده نفسج قبل الزواج كان فيها اشويه وعقب الزواج انتشرررر
ويابت يهال عادي
عقب تعالجت بالاشعه اظن وما فاد وبالكريمات يروح ويرد
عقب سبحان الله كلها قلبت بيضاااا مثل السوريات بيضا
بس ما ادري اهي سوت توحيد لون ولا لاء ما اعرف

بس نفسيتها حلوه ومؤمنه وماودج اتشيلين عينج من عليها سبحان الله
يمكن من الايمان
الله اعلم

هااا لاتنسيني من الدعاااء
وعسى الله يشفيج من هالمرض ويطمن بالج

 

[NaYoob]

ام رفيجتي كان فيها بس ماسوت شي اهو من نفسه صار ابيض بدون ما تحود شي

ولما تشوفينها بياض حلوو والخدود وردي بالعكس شكلها حلو ويابت عيال

 

[عـيّــآره]

والله من زمان اذكر اني شفت وحده فيها بهاق واتوقع موحده اللون بس اللي اقدر افيدج فيه كان شكلها وايد حلو

سبحان الله بياضها يجنن عليها سالي واستفسري وايد ولاتتسرعين عسى ربي ينولج اللي في بالج لاتعبين نفسيتج

ولاتضايقين حبيبتي محد كامل وهالشي الحمدلله له علاج شوفي بقسم البشره بعض البنات منزلين مواضيع لانهم

يبون يستخدمون هالابر الي توحد

وصج انه البياض يصير واو بس والله يهبل على البنات ومثل ماقلت لج اخذي فره بقسم البشره وشوفي​

 

[ي حليليِ]

^^

ياًرب بهالجمعة المباركة اسعد كل من وضعت حرف هنا ..


بس بنات ما قلتوا لي وين سووها ؟؟
وشلون تآقلموا معاها ء؟؟


سمعت ان يقولون انه الشعر يصير كله ابيض !!
ولازم تحط كريملت قبل لا تطلع !!

ب الله فيدوني شلون نمط حياتهم ؟؟

 

[ي حليليِ]

اب

اب


اب


منو عندهااا فكرة بعد ؟؟؟


يا رب اسعد ووفق كل وحدة تتمنى لي الخير وتساعدني بهالمعلومات يااارب بهاليوم المبارك
يا رب ارزقها الزوج الصالح الفالح ، واحفظ لها عيالهااااااا

 

[ظبية بوظبي]

الي اعرفه ان الدكاتره يشوفون اذا نسبه البهق وصلت وتجاوزت ال 70 % هنا يبدون يقررون ان يفتحون باقي الجسم مب يلونونه

بنت جيران اختي فيها بهق وانا ما كنت اعرف
مره كنت عند اختي وجت البنت وسلمت علينا ولما راحت اختي قالت لي عنها قلت ابد ما لاحظت ان فيها شي لانها تتعالج
فقلت فالمره الجايه بدقق ولاحظت تحت عينها في بقعه وطبعا لان سوا لها ليزر فمايبين البهق بس عشاني دققت شفت
تحسين ان رقعوا الجلد كان فيه حرق بسيط
بس باقي رجلينها فيها بقع بهق وبتعالجها
وهي صغيره فالابتدائيه

اما عن سالفه الشمس
اكيد لازم تحطين واقي والحمدلله احنا مسلمين ولبسنا ساتر
فلو كنتي تكشفين وجهج فانتي بس بتحطين الواقي عالوجه
وكل الناس تحط واقي

مايكل جاكسون كان فيه بهق وكان يغطيه بالمكياج
بس لما انتشر فتح باقي جسمه
ومسكين الناس يحسبونه ان عنده عقده ومتبري من اصله فراح فتح حاله
ما يدرون بالي فيه

فهو لان خلاص مافي بشرته ميلانين فالشمس تضره فكله شايل مظله معاه
هالي اعرفه

 

[ي حليليِ]

^^


اول شيء حبيت صورتج حيييييل تهبل لووووول >> خذتها p:

اي انا وايد بصراحة عندي نسبة البهاق، وعادي حتى لو نسبة البهاق شوية يسوون توحيد لون ماكو مشاكل !


ممم بس يمكن البنوتة راحت لمركز مو اصلي او أن نسبة البهاقزعندها شوي ؟؟ انتي متأكدة انها مسوية توحيد لون ؟؟


جاوبي يزقلبي ناطرتج

 

[ظبية بوظبي]

حبيبتي حلال عليج الصوره اصلا حتى انا ماخذتها من النت

***

البنت فيها شوي بهق مب كثير
وهي سمرررر ت البهق =عطته صبغه بدل ما يكون ابيض خلته اسمر
ما فتحت بشرتها
اما من ناحيه المركز الي راحت له ما اعرف عنه بس ممكن على قولتج مركز اجهزته قديمه لان اصلا هي مب خليجيه فممكن ما قدرت عالمراكز الغاليه

زين من كمن يوم كان اخوي يسولف لي عن الشاعر القطري الي سجنونه
فكان يقول لي ابن الذيب اقوله هو الابهق؟
لان هذا لقبه الي كان مشهور فيه وهو كان يذكر هالشي فالاستضافات الشعريه
وشوف فاليوتوب اخبار عنه
شفته بشرته صارت اوكي
وكل يوم اقول بفتش عالنت عنه
والحين مع موضوعج رحت ادور
شوفي كيف تحسنت بشرته

بس ما دام انه منتشر عندج
فشكله يبالج تفتيح بدل تسمير









هالصوره قبل العلاج








وسوري كنت اجمع الصور
ولما جيت
قريت ردج
بس قلت خلاص بــحـــــط الصور ^^

 

[ظبية بوظبي]

<< المنتدى هذا كله يعلق ويكرر من كيفه >_<

 

[ي حليليِ]

ي قلبي ممكن اعرف شنو الفرق بين اني :

اسمر لون البهق
واني اوحد اللون ؟

لأن حسب كلامج حسيت فيه فرق ، وانا من النوع اللي بهاقي فاقع شوي !!


ادري ازعجتج سامحيني !


ودعواتي لج ماراح انساها ان شاللله

 

[ي حليليِ]

ي قلبي ممكن اعرف شنو الفرق بين اني :

اسمر لون البهق
واني اوحد اللون ؟

لأن حسب كلامج حسيت فيه فرق ، وانا من النوع اللي بهاقي فاقع شوي !!


ادري ازعجتج سامحيني !


ودعواتي لج ماراح انساها ان شاللله

 

[ظبية بوظبي]

لا تحاتين شّي خذّي راحتج وانا حابه افيدج. قد ما اقدر

علاج البهق 2 يا ان بقع البهق البيضّه يعطونا لون اسمر وبكذّا يتوحد مع لون البشّره الاصلي. ويصير. لونج كله. حنطي /اسمر (لونج الاساسي)

او يسلخون باقي الجسم عن يصير. لون واحد ابيضّ

وانا انصحج ان لا تختارين الي انتي حابته. المفروضّ الدكتور هو الي. يقرر لان ممكن تختارين شّي بشّرتج ما بتتقبله.
اتمنالج ان تتحق كل امنياتج

 

[في الجو غيم]

السلام عليكم
شلونج حبيبتي
بقولج اللي انا اعرفه
اول شي لازم تعرفين الخلايا عندج نشطة او لا
اذا نشطة ومتعدية ال70 بالمية يعني بيناسبج التبييض
بس البياض اللي بيطلع يبي عنايه وحماية من الشمس دوووم
ثاني شي اذا الخلايا غير نشطة وممكن تكون ميتة او شبه ميته فالحل انج تسوين زراعة خلايا صبغية
احنا بالدوحة يسون جذي واتواقع ابن الذيب مسوي جذي لان ماقلب ابيض الا رد لونه
بس في شرط انج لازم تعرفين اذا انتي صار لج جرح بجلدج هل يقلب لون الجلد ابيض والا لا لان اذا يقلب ما بنتفعج العملية
وبعد في اجهزة قوية حق البهاق غير الليزر
والحمد الله العلاجات متوفرة والطرق كثيرة بس اهم شي الواحد ما يناظر للمرض نظرة سلبية لان جذي تتعب نفسيتج وتزيد البقع
وعملية صبغه الميلانين توها جديدة احنا عندنا يسونها بالمستشفى الحكومي وفي دول ثانية يسونها من 40 الف وطالع
سألي عنها انا اشوفها حلوة حق الناس اللي خلاياهم واقفه
وبعد لاحظت ان اللي يكون فيهم من وهم صغار بس يكبرون ويصيرون قريب ال20 سنه يوقف نشاط الخلايا
اتمنالج حبيبتي الشفاء وراحة البال والسعادة

 

[الاهله]

بقولج على علاج باذن الله راح تستفيدين

شوفي خذي حبه بركه وطحنيها طيب عقب كل يومقبل تنامين خذي الحبه البركه الي طحنتيها وصبي عليها خل تفااااح مو خل عادي وعجني خليها زي الحنا كذا متماسكه وحطيها على البهق ونامي راح تشوفيت شلون التحسن باذن الرحمن

 

[الاهله]

مو تستخدمينها كم يوم وتملين ترى علاج البهق يبيله صبر

 

["العهد"]

اذكر وحده قبل ايام الدراسه بس ما كنت اعرف ساعتها انها بهاق لونها وردي يهبل بس لاحظت انها الحمره تزيدها عن حد الشفايف ونفس الشي الكحل كانت تحط الكحل او الشدو داير ماداير العين والشعر كان دايم فيه صبغ اسود يمكن يبيض لون الشعر ...تأكدي قبل تسوين اي شي

 

[ي حليليِ]

بقولج على علاج باذن الله راح تستفيدين

شوفي خذي حبه بركه وطحنيها طيب عقب كل يومقبل تنامين خذي الحبه البركه الي طحنتيها وصبي عليها خل تفااااح مو خل عادي وعجني خليها زي الحنا كذا متماسكه وحطيها على البهق ونامي راح تشوفيت شلون التحسن باذن الرحمن

سويتها ي قلبي ما نفع معاي للاسسف


الله يسعدج دنيا واخرة ع المساعدة

 

[ي حليليِ]

اذكر وحده قبل ايام الدراسه بس ما كنت اعرف ساعتها انها بهاق لونها وردي يهبل بس لاحظت انها الحمره تزيدها عن حد الشفايف ونفس الشي الكحل كانت تحط الكحل او الشدو داير ماداير العين والشعر كان دايم فيه صبغ اسود يمكن يبيض لون الشعر ...تأكدي قبل تسوين اي شي

لفته حلوة منج

مشكوره ي قلبي

 

[ولااء]

الله يشفيج ويشفي الجميع