البنك التجاري

[JaMoOoNa]

مرحبا بنات


بنات بليز ضروووري ساعدوني

عندي اختبار باجر بالبنك

أبي أعرف شلون راح يكون الامتحان !! سهل ولا صعب

حدي خايفه ساعدوني بليز اللي تعرف

و شلون مقابلتهم بالانجليزي ولا بالعربي !!


و أكون شاكره لكم :eh_s(7):​

 

[JaMoOoNa]

بنات شدعوه ولا وحده ردت علي

ماكو أحد بالتجاري ؟؟؟​

 

[جوكاندا]

وي ي ي ي ي ي ي
أعرف مديرة الموارد البشرية
الله يعينج هذي حدها صعبة أعرفها عدل
الله يوفقج ويسهل أمورج يا رب
إذا جامعية الاختبار عربي وانجليزي ورياضيات بعد
بس إذا سكرتارية
تختبرين مراسلات بالعربي والانجليزي ( طباعة ورقة كاتبها هندي وفيها أخطاء وشخبطة علشان تحسين إنج تتعاملين بالواقع ) ولازم تفهمين الخط بروحج الله يوفقج يا رب آميييييييييييييييييييييييييييييييييييييييييييييييين

 

[* Snow White *]

انا امتحنت بالوطني انقليزي ورياضيات
حده سهالااات وحلووو كان لا وساعدوني بعد

وبوبيان ما امتحنت ولا شي

الله يوفقج

 

[JaMoOoNa]

حبيباتي ما قصرتو عالرد

جوكاندا لووول خرعتيني انا بروحي كله مخترعه

وانا دبلوم و الاختبار كان حلو سهل و الحين أنطرهم يدقون عشان المقابله

بس مقابلتهم بالانجليزي ولا بالعربي ؟؟

فديتكم والله تسلمون لي على الدعوات الحلوه ربي يوفقكم ان شاء الله​

 

[frawlah_83]

على حسب الي بقابلج اذا الي قابلج اجنبي بتكون بالانجليزي اذا في احد اجنبي بلجنه المقابله هم بتكون بالانجليزي اما اذا قابلج واحد عربي فهالشي راجعله اهو بحدد بداية المقابله اذا كان يبيها بالانجليزي عشان يشوف مستواج

 

[wd_q8]

موفقه ان شاء الله

 

[JaMoOoNa]

مشكورين بنات ما قصرتو

وان شاء الله سهالات الله كريم​

 

[JaMoOoNa]

وااااااي والله قهر

دقو علي قبل اسبوع حق المقابله و لما صار وقت المقابله قبلها بساعه دقو علي يبلغوني ان المقابله تأجلت

و قالولي راح تكون الاسبوع اللي بعده ان شاء الله و مر الاسبوع ولا حس ولا خبر منهم

بنات شنو يعني ؟؟ بليز اللي تعرف هل قصدهم يصرفوني ولا شسالفتهم

حده ضاق خلقي كنت ناطرتهم ​

 

[q8ia7]

لا انشالله ، لو ما يبونج بيقولون لج اشكرا
فيه بنوك تدز مسج اعتذار اذا ماقبلو البنت ..

بس يمكن هاليومين انشالله يدقون عليج او انتي احسن دقي بعد سأليهم شصار

 

[Angel_store]

اب اب اب

 

[JaMoOoNa]

والله مادري يأست

الله كريم​

 

[عروسة الكويت]

هلا حبي انا كنت بالبنك التجاري
الامتحان الله يسلمج انجليزي ورياضيات سواء حق الدبلوم او الجامعي وسهل يمكن 3 او 4 اسئله الصعبه بس ..
والمقابله بالعربي يقابلونج يمكن 6 اشخاص من الاداره ويسألونج يشوفون طريقه
كلامج واسلوبج وشنو اللي شدج بالبنك وشنو راح تزيدين لهم .. وليش اخترتي التجاري بالذات
وراح ينرفزونج شوي عشان يشوفون تتحملين ولا لا لانج راح تصادفين عُمله مع شخصيات
مختلفه فخلج ريلاكس وواثقه من نفسج وتفلسفي فوق راسهم .. :eh_s(15):

اما انهم دقو عليج وردو قالو الاسبوع الياي فـ عادي حبو
يبلغونج ولو ما يبونج جان ما دقو من الاساس !

انا يوم دقو عليي قالتلي الموظفه نبيج حق المبيعات وطبيعة شغلهم مافي روتين كل يوم بمكان
يحطونج فـ بوث وتكلمين الاوادم وتسوقين لهم منتجات البنك من حسابات وقروض وكردت كارد ..
كنت مترددهـ حتى تخيلي قتلها مادري والله اعطيج خبر باجر بالوافقه او الرفض !!!! :eh_s(10):
بالعاده يا اي او لا ماكو اعطيج خبر لوووووول بس كنت حدي راهيه @@ .. بعدها يمكن دقيقتين
دقت عليي مره ثانيه جان تقولي عفواً بس لازم تعطيني ردج الحين ووافقت .. وبعدها عقب ما
وقعت معاهم العقد ولا يدقون عليي الخليج ! بس للاسف مراح يقبلون راحت عليهم

 

[JaMoOoNa]

حبيبتي عروسة الكويت ما قصرتي عالرد

لووول صار عندي شوية أمل الله كريم

مالي غير أنطرهم​