البنجر(الشمندر)

[ام رهومي]

السلام عليكم




اشلونكم شاخباركم



حبايبي حبيت ان ابشركم اني حااااامل في الشهر الاول الحمدالله


بس الدكتوره قالتلي دمك نازل ؟؟:eh_s(11):


حبيت اسالكم البنجر او الشمندر ينفع تاكله الحامل ؟؟:bbbiu:


لاني سمعت انه يرفع الدم


الي جربته وهي حامل تعلمني؟؟؟

بصرااااحه انا مو حابه طعمه ابدا:eh_s(11):


الله يجزاكم خييييير

 

[روحي ابوي]

هم اناا سمعت انه يرفع الدم.. بس اخذيه طازج ..لاتاخذينه معلب

 

[بنتي نور عيني]

ماسمعت عنه شي
بالعكس مفيد جدا للدم
سويه سلطه ومعاها صلصه ويضيع الطعم
والله يتمم عليج يارب

 

[مفرفشة ومنعنشة]

ماشاء الله تبارك الرحمن
الله يتمم عليج حمالج ويرزقج ما تتمنين ياااااااارب العالمين

بالنسبة للشمندر ماسمعت عنه انه مضر
بس احتياط سألي دكتورتج او سوي سيرج بالنت اضمن باذن الله

 

[برميت]

لا الشمندر مو مضر ..انا امووت فيه
احطه مع بقدونس و ليمون و زيت زيتون ..حامض ناطع اشحلاته
و جربي بعد حطي معاه روووب يصير هم حلو

 

[ريح قهوه]

مبروك

ما اعتقد يضر بس زين يرفع الدم والسبانخ بعد جنها قالت لي قبل اكليها الدكتوره

 

[الأميرة جوري]

بالعكس خلال اسبوع يصير دمج فلللللللللل

 

[ام رهومي]

يسلمووووووووووووو حبايبي جزاكم الله خير

انا مو حااااااااااابته ابداا طعمه مممممممممم


ان شاء الله احصل طريقه واقدر اكله



كل الردووو .......الله يحقق امنياتكم



بس ليش 112مشاهد 6 ردود افااااااااا رفعو لو بدعوه

 

[المسكـ]

مالج الا الحبوب احسن شي
والبقدوونس والفلفل الاخضر والبنجر كلها ترفع الدم وحتى الجبده المشويه تعمل عمايل بس اذا ماتحبين كل هذا مالج الا الحبوب

 

[ام اغلى الناس]

انا احبه المعلبات مع السلطه؛
هي؛
بقدونس وبنجر و ذره وبالخير تحطين فوقهم روب بمايونيز واااااو يهبل

 

[ام رهومي]

الله يسلمكم يارب


ان شاء الله احاول الين اقدر اكله


الله يسهل يارب

 

[Skynet]

اختي مادري اننا الحين بالشهر الرابع واكل منه وايد مفيد للحامل ومعروف بفوايده
وبس اهم شي اهتمي بنفسج وارتاحي وتوكلي علي الله وبس ابذلي السبب اخذي مثبتات وفوليك اسيد اللي توصفهم لج الدكتورة وان شاءله ماعليج الا العافية وبتنزلين موضوع تقولين لنا شنو زهبتي للولادة ،،، ربي يتمم لج وعساه يارب الذرية الصالحة

 

[*peace*]

الشمندر والجرجير اكليهم يوميا بعد اسبوع روحي سوي تحليل بتنصدمين دمج بيصير

ممتاز ان شاء الله

 

[نوال علي]

والله ما ادري بس بنات ماقصرةا بس حبيت اقولج اني باشهري اولى واكلتا عادي