البنات ساعدوني خايفه الله يخليكم

[angell]

السلام عليكم
القصه باختصار شديد
بنات انا بديت مع د حازم الرميح عشان اسوي حقن مجهري وكتبلي ابر الاولى فوستمون صارلي ثلاث ايام اخذها وابره ثانيه ليوم بديت بيها اسمها ستروتايد وعلموني كيف اخذها بالبيت بعد مااخذت الابره االستروتايد المكان انتفخ وبعد شوي صارت حكه وصار المكان احمر وزادت الحكه والمشكله ليوم الدكتور مايدوم بالعياده لاصبح ولا عصر واليوم خميس وبكره جمعه ومحد راضي يعطيني رقمه الخاص والمشكله مااكدر اوكف الابر من روحي
منو صار فيها مثلي او ممكن تساعدني لاني وايد خايفه ولو بدعوه حلوه
جزاكم الله الف خير

 

[الريشة]

و الله مادري
بس ممكن تحطين على مكان الأبرة ثلج عشان يخفف الألم
وايد أسمع الممرضات يقولون إن الثلج زين على مكان الأبرة

 

[angell]

مشكوره اختي جزاج الله الف خير الحين احط
بس انا خايفه لاتكون عندي حساسيه من الدوه وله عادي الحاله

 

[قاهره عذالي]

خلي الممرضه اللي عند الدكتور تطقج الابر
لاتلعبين بنفسج

 

[angell]

مشكوره اختي قاهره عذالي بس هاي نصيحه الدكتور والممرضه لان هو بالشعب وانا بحولي بعيد يعني

 

[بغمزة اطيح خمسة]

حبوبة الله يسهل امورج يارب
وفي جل تحطينة لمن يورم مكان الابر اسمة ربيل جل ان reparil -gel N
في الصيدلية وصفتلياه ماجدة اليتامى وتقدرين تحطينة اكثر من اربع مرات باليوم ما في له اي اضرار واسالي الصيدلي عنه وشوفي

 

[OM-TURKY]

الله يشافيج ولا توسوسين ان شاءالله ماكو الا العافيه يارب​

 

[بغمزة اطيح خمسة]

مكان الابر يورم لانج خايفة لمن تاخذين الابر اخذي نفس اكثر من مرة ولا نم تكونين قاعدة و رجلج مو مشدودة ارخيها وريحي اعصابج
عسا الله يسهل امورج ويرزقج بالضنى الي يفرح قلبج تام الخلق والخلقه تسع شهور من غير زيادة ولا نقصان يا رب

 

[angell]

الله يعطيكم الف عافيه والله من قريت المشاركات احس ارتاحيت شوي الله يعطيكم الف عافيه

 

[MiSS B.K]

ماتشوفين شر حبوبة

 

[جديده 1]

يمكن حساسيه من الدواء او انتي طقيتيها غلط عالعموم مره ثانيه اخذيها معاج للمستوصف و اهم يطقونها لج موفقه .