البنات الي ينشرون صورهم

[مـــريم 1990]

السلام عليكم



موضوعي اليوم بصراحة عن هالظاهرة الغبية الي منتشرة .. خصوصا عند البنات

تصور نفسها وتحط بمواقع التواصل الاجتماعي ( تويتر / انستقرام ) وغيرهم

في بعضهم تحط صورتها على العلن وتشارك وتكتب وتغرد .. وعادي عندها ؟؟!!

وبالانستقرام .. يا ساتر يارب !

صارت الدعوى على العلن .. لا حيا لا مستحيا لا احتشام لا ستر ..!

وصلنا مرحلة خطيرة من هالظاهرة

لدرجة يخلون نفسهم ضحايا الابتزاز من قبل الذئاب البشرية

وحتى الي تحط صورها على الخاص او برايفت

الهكرز والمخترقين يبوقونه بكل سهولة

حسابات مشاهير وشركات كبرى تعرضت للأختراق والسرقة

فما بالكم بالحسابات العادية !

وبعض البنات الله يهديهم ويستر عليهم

تدز صورها للشباب .. وبعدها تبجي وتقول افضحوني ؟؟!!

مادري شهالغباء .. تنشر صورها بالنت مثل الي تقط فلوسها بالشارع

لا تلوم نفسها اذا انباقت الفلوس

والله مادري شقول وشخلي ..

عندي حلول لهالظاهرة بس اول شي بشوف ارائكم

اخذوا راحتكم بالفضفضة ... بنتظاركم




.
​

 

[مـــريم 1990]

ولا رد
​

 

[lolly]

انا بعد مستغربة منهم ... المشكله باللي ياخذ الصورة وينسبها لنفسه وينتحلون الشخصية سواء يعرفون هالشخص او لا .. الموضوع اظن انه يشمل البنت و الولد .. يعني واحد ياخذ صورة اي وحدة او واحد من مواقع التواصل الاجتماعي وينسبها لنفسه عشان يخدع فيها اطراف ثالثة.

الحل؟؟ مادري لكن اظن ...اما نتعايش مع هالشي وفرض القوانين و العقوبات لاي شخص يستغل هالصور .. او ان الاهل يتخذون دور للحد من هالصور.

او يمكن انا معاج دقة قديمه!! او يمكن الناس وقفوا تفكيرهم من كثر اعتمادهم على الكمبيوتر واخوانه!!

 

[مـــريم 1990]

انا بعد مستغربة منهم ... المشكله باللي ياخذ الصورة وينسبها لنفسه وينتحلون الشخصية سواء يعرفون هالشخص او لا .. الموضوع اظن انه يشمل البنت و الولد .. يعني واحد ياخذ صورة اي وحدة او واحد من مواقع التواصل الاجتماعي وينسبها لنفسه عشان يخدع فيها اطراف ثالثة.

الحل؟؟ مادري لكن اظن ...اما نتعايش مع هالشي وفرض القوانين و العقوبات لاي شخص يستغل هالصور .. او ان الاهل يتخذون دور للحد من هالصور.

او يمكن انا معاج دقة قديمه!! او يمكن الناس وقفوا تفكيرهم من كثر اعتمادهم على الكمبيوتر واخوانه!!

انا من رأيي ان الحكومة تفرض قوانين قوية وصارمة على البنات --> لانهم هم اساس المشكلة

قوانين مثل السجن خمس سنوات الي تنشر صورها او ترسلها لأي شاب

حتى يخافون ونحد من هالظاهرة

لان اساساً الغلط الأكبر عليهم .. تخلي نفسها فريسة للذئاب البشرية

بس للأسف القانون شاد حيله على الشباب وهذا شي غلط

المفروض الاثنين يتحاسبون

هالاشياء خاصة مثل الصور والفيديوهات المفروض ما تنشر مهما كان السبب

حتى البنات بالغرب رغم اني توقعت عندهم هالاشياء عادية

الا انهم يتعرضون للأبتزاز والفضايح

شكراً على المشاركة

 

[رشا الهواء]

الله يهديهم ومايحسون بالصدمة بعد ما تصير المصيبه يستوعبون

 

[keka89]

شدعوه عليكم ترى هذي حريه شخصيه
كل انسان حر بانه يحط صوره
بس اكيد مو بشكل قذر او اباحي
تكون صور محترمه وطبيعيه
وفي برايفت هم محد يقدر يشوف صورج غير الفرند الي عندج
بس بخصوص العقوبات لا حرام هذا ظلم ياما ناس انضلمت من غير سبب بهسوالف
وغيرهم يسرح ويمرح ويخربط على كيف كيفه بس محد صاده
اما الي يبوقون الصور ويخرفنون الناس على بونهم اهم هذيلي زباله صراحه ماعندهم ثقه بالنفس
يبيلهم علاج نفسي قطيعه جياكر يبوقون صور الحلوين ويقزرونها فيهم انا وايد عانيت من هالشي

 

[ملامح بريئة]

والله الشرهة عالاهل وينهم واذا نصحتي صكتك بلوك ماعاد في غيره والحين مو بس انستغرام تحط صورتها مع زوجها بالعلن وتتغزل فيه قدام الناس والله امور خطيرة بيقولون كيفهم والاهل راضين وانا اقول اللهم لاتكشف لنا سترا وثبتنا على الدين

 

[شادن33]

أنا اللي مستغربه منهم المتحجبات وحاطه فل ميك اب ورازه صورها بالإنستغرام !!! واللبس مرصص !!
يعني شنو هدفها !!!
تبي تعليقات متحرمه يعني

 

[Miss Basma ..}]

من صجهم عاد :/
و آخر شي لا سرق صورهم رجال تحلطموا

 

[keka89]

هههههههههههههههههه

 

[om_ibrahim]

من وناستها بعمرها تصور وتحط واخرتها تاكلها

 

[ام نورهam]

في الاخر بيطيح سوقها وتبكي وتزيد نسبة العنوسة ترا الشاب مايعجبه هالبنات الي يدزون صور في الاخر يدور بنت غيرها انا اقول البيت والتربية شئ مهم

 

[الزيـّـن *]

الله يهديهم بس ،،
اذا نصحتيهم قالو مو شغلج حرية شخصية
واذا انتشرت الصورة بجو دم
المصيبة تكتب ما احلل
يمعودة خفي علينــا :eh_s(1):

 

[مالك لزوم]

الله يهدي جميــع بنـآت المسلمين .~,َ

شيءِ يقهر آلصرآحـةة ..

بس حسب آلصورةه : /

 

[المرتاحة]

قوة يا حلوين

اشلونكم شخباركم

الموضوع عادي ، بنت حاطه صورتها وهي بكامل احترامها و بعلم أهلها شنو اللي مو عدل بالموضوع

اشفيها اذا البنت حاطه صورة محترمة ، وبالنسبة حق اللي يهددون البنات !!! شخباري هالسوالف؟!! خلاص انقرضوا هذيلا

بعدين اذا محترمة البنت توديه بخبر كان واصلا ما يتجرأ عليها، احنا بديرة قوانين الحمد الله يارب وهذا غير أهلها بيشلخونه تشلخ ههههه

الحين الدنيا تغيرت والناس بدت تتفتح عقولهم

وايد داعيات حاطين صورهم واهم بلبس محتشم و محترمات عندج الداعية نسيبة المطوع والداعية حنان القطان و همن بنت خالد المذكور

المسألة جدا عادية لا هي حرام ولا منكر

وبالنهاية مثل ما قالوا البنات هذي حرية شخصية اذا انتي مو حابه تحطين صورج لا تحطينها ما راح نعترض عليج ،،، والله يوفق الجميع

 

[MiSsY HottY]

اول شي صور موجوده بكل مكان مجلة ليالينا متروسه صور بنات عوايل وحمايل والعروس نروح نتصور المصورين صورنا مسيفه بكمبيوتراتهم شخباري هالسوالف بس انا ما ايد البنت تخلي اكاونتها الانستجرام او الفيس بوك عام يعني تسوي اكاونت خاص مسكر برايفت وما تضيف ناس غرب وتحط اللي تبيه باحترام والهكر بيخلي بنات العالم كلهم ويبوق اكاونتج ليش الا اذا الوحده مسويه شي ولا واحد يبي ينتقم منها والله يستر علينا

 

[*شغف*]

قولوا الحمد الذي عافانا مما ابتلاهم به و فضلنا على كثير ممكن خلق تفضيلا
لا يبلاكم الله
الدنيا صارت تخوف و فوق ماتخوف تنشر صورها وبنفسها ؟؟؟؟؟؟؟ !!!!!!!!!!!!
اذا الواحد ماسلم و اهو ماسوى شي و لا نشر صوره

 

[*شغف*]

لازم تصير الوحدة حريصة بالزمن هذا

 

[dalo0oa121]

صح ظاهرة قديمة مب جديدة.