البنات الي يقرون روايات اجنبيه بدون ترجمه ماشاء الله قولو لنا شلون قويتو لغتكم جذي؟

[تفديني روحه]

السلام عليكم

شلونكم بنات مبارك علينا الشهر و عسانا من عواده بكل خير و صحه و رضا من رب العالمين

ماشاء الله شدني كثير منكم تقرا روايات اجنبيه بدون ترجمه
عسى كل العيون بارده عليكم

ما شاء الله تبارك الرحمن ولا حول ولاقوة الا بالله العلي العظيم

يعني السفر قوا انجليزيتكم او اكتفيتو بتعليم المدرسه او اشتغلتو على روحكم؟؟؟؟

وكل واحده قوت انجليزيتها تقول لنا طريقتها؟؟؟

انا حاولت اقويها من الافلام بس ما احسها قوت

وحاولت اشتري القواميس المصوره يعني الكلمه و الصوره الي تعبر عنها اسهل و اقرب للقلب
لقيت بجرير بس كلها مفردات اعرفها ​

 

[م.بابونج]

الممارسة إهي أساس كل شي .. تبدين بكتب الصغار و هالشي ما يفشل , مشوار الألف ميل يبدي بخطوة .. لين تتطورين و تشوفين نفسج تعرفين عدل

 

[غيدآء]

وعليكم السلام والرحمه

وعساج من عوادة الشهر يارب


انا من ناحيتي احب شي اسمه انجليزي يعني من ايام الدراسه وانا احب اشوف الافلام واسمع اغاني وبرامج اجنبيه واقرا مجلات ومنها تقوت اللغه ..وتلاقيني لازم اتكلم انجليزي مع اي اجنبي حتى لو اهو يعرف عربي بس علشان استفيد واقوي اللغه...حتى مع اختي اسولف مرات علشان نقوي اللغه وهالشي مو عيب ولاهو غرور بالعكس شي حلو لانه في ناس ما تسافر علشان تقوي اللغه بس الشي اذا حبيتيه راح تتقنين فيه

من ناحية القراءه ابتدي بالمستوى الاول تلاقين مستويات للقراءه بجرير ليفل ون وتو وهكذا شوي شوي بتفهمين اللي تقرينه من غير اي مشكله

وسلامتج وموفقه يارب

 

[تفديني روحه]

الممارسة إهي أساس كل شي .. تبدين بكتب الصغار و هالشي ما يفشل , مشوار الألف ميل يبدي بخطوة .. لين تتطورين و تشوفين نفسج تعرفين عدل

فتحت كتب الاطفال مره سهله علي بارك الله فيج

وعليكم السلام والرحمه

وعساج من عوادة الشهر يارب


انا من ناحيتي احب شي اسمه انجليزي يعني من ايام الدراسه وانا احب اشوف الافلام واسمع اغاني وبرامج اجنبيه واقرا مجلات ومنها تقوت اللغه ..وتلاقيني لازم اتكلم انجليزي مع اي اجنبي حتى لو اهو يعرف عربي بس علشان استفيد واقوي اللغه...حتى مع اختي اسولف مرات علشان نقوي اللغه وهالشي مو عيب ولاهو غرور بالعكس شي حلو لانه في ناس ما تسافر علشان تقوي اللغه بس الشي اذا حبيتيه راح تتقنين فيه

من ناحية القراءه ابتدي بالمستوى الاول تلاقين مستويات للقراءه بجرير ليفل ون وتو وهكذا شوي شوي بتفهمين اللي تقرينه من غير اي مشكله

وسلامتج وموفقه يارب

يعني شلون اعرف الكتاب من اي مستوى؟؟؟ تقصدين قرامر

عن نفسي شريت روايات اجنبيه و قريت شوي و فهمت النص تقريبا بس مدري مو مثل اللغه العربيه احبها بارك الله فيج اذا تعطيني اسماء للكتب الي حق المستويات عن شنو تتحجى
انا ما ابي قرامر ابي مفردات اذا فهمتي علي

 

[LUXURY]

اول شئ مو كلنا سافرنا يعني تعليمنا على مناهج مدارس الحكومه
تبدين من كتاب بسيط وراح تلقين اككيييييييييد جم كلمه ماتفهمينها وتترجمينها
احسن شئ انج تحاولين تفهمين المعنى من صياغ الجمله
وهذي افضل طريقه علشان تتعلمين اللغه
ولما تخمنين المعنى طلعيه من القاموس وشوفي يطابق اللي فهمتيه والا لا
اذا مايطابقه ردي عالجمله نفسه واقريها وترجميها بينج وبين نفسج وقارني بين اللي فهمتيه قبل واللي فهمته عقب
وشوي شوي اقري كتب بمستوى أعلى
واذا عندج قارئ الكتروني تره اغلبهم فيهم ترجمان اسهل واسرع
وان شاء الله نشوفج تقرين ادسم الكتب يارب

 

[روعة المنظر]

انا من كثر ما اتابع افلام والله صرت بلبل حتى احيانا ما اشوف الترجمه كلش
وصرت اسمع اغاني اجنبيه وهم اشعار اجنبيه حلوه حيييل

وهم شكثر عندي كتب من قبل اقراها تعلم اللغه الانقليزيه والحين خلصت من الانقليزي بتعلم هندي وبس اتقن الهندي راح اتعلم إيطالي ~> الحلو اني بسرعه اتعلم لان حابه الشي

 

[تفديني روحه]

بارك الله فيكم يا بنات

 

[غيدآء]

حياتي رديت عليج بالخاص ^_^

 

[c a t w o m a n]

أناعن نفسي عندي background قوي باللغة

ثاني شي تيي الممارسة

ثالث شي إقري كتب مارسي اللغة دايما

 

[عادت ذكرياتي]

علينا وعليج والله يعيننا على طاعته


أول نقطة ::: الممارسة لو بشي بسيط بالمطاعم ومع الخدم ... إلخ

ثاني شي مثل ما قالوا البنات :: ابدي بالسهل آنا يوم كنت صغيرة كنت بادية بمجلات ميكي

وأكيد كل وحدة فينا بتمر عليها مفردات يديدة مو كل شي نعرفه بس حاولي تترجمين المفردات اليديدة بالانجلش يكون أفضل بعدين إذا تعسر عليج الامر استعيني بمترجم ...


ترى شي حلووووو وسهل ...

صج نعتز بلغتنا العربية بس تعلم الانجليزي امر ضروري هاللغة اكتسحت العالم ...


بالتوفيق

 

[#شيطونه#]

نفس الحاله اقرا بس ما افهم

 

[Loutes]

اول شي مارسي بكتب بسيطة بعدين ابدي باصعب
وحطي مترجم بالايفون او اي جوال جديد كلهم لهم قواميس وشوي شوي تكبر لغتك

 

[تفديني روحه]

بارك الله فيكم بنات
و شرايكم بالقارئ الاكتروني مثل كندل

 

[M!SS EV!L]

أنا عندي نفس المشكله :/
ودي اتعلم اللغة الانجليزيه عشان اقرا الكتب الاجنبيه احس انها واايد احلى من اللي تترجم للعربيه

 

[aoky kaito kid]

انا قبل كنت 0 بالاجنبي و كنت وايد اشوف افلام و تقوت شوي بعدين بديت اقرى كتب اجنبيه مع ترجمتها و بعدين بديت اختبر روحي من دون الترجمه بس لمن اخلصها اشوف ترجمتي صح و كنت لمن اقرى شي بالعربي اترجمه بعدين بديت اقرى من غير الترجمه و الحين الحمدلله وايد زينه و بديت اكتب رويات اجنبيه و الحين قاعده احاول اتكلم ياباني و اقويها و اتمنى لج تحسن شديد بالاجنبيه لانها لغه تهبل

 

[* Miss Moony*]

شوفي افلام انجليزيه وايد

 

[وروود*]

بـــــــصـــــرااااااحــــــــــه
أناااااا اعــــرف الانجليزي واااايد لانة مـــن كنت صغـــيرة اشـــــوف افــلام
ديزني و احــفضـ اغـــانيهم وبديت شوي شوي وكنت اشوف أبوي يتكلم مع الامريكان
ولانة دوااامهـ والحين حمدالهـ شاطرة بدراستي واحب الاغاني الاجنبية
وحتى احب القصص الي بدون ترجمة وحتى الكل يسالني اترجملهـ الكلمة​

 

[SkyPink]

حلوو موضوعك انا كمان ودي اقره كتب اجنبيه من دون ترجمه..بس ياليت البنات يرشحون لنا كذا كتاب كبدايه من خلال خبرتكم...

 

[*Toota*]

انصحج تبدين بالروايات الي تكون عربي و انقلش اقري الانقلش و اذا ما فهمتتي كلمة شوفيها بالعربي

 

[كراميلا مرة]

انا بعد ابقي اتعلم انجليزي
مشكلتي حتى بالدراسه مايعطونا شيء عدل