البنات الي جربو رجيم التمر واللبن استفسار مهم؟؟

[سمسميه]

بنات ابي استفسر عن رجيم التمر واللبن
جم يوم استمر فيه
شنو نوع التمر
ولازم لبن خالي الدسم ولا يصير مثلا الصبح حليب خالي الدسم مع نسكافيه؟
يصير سلطه او شوربه بالنص؟؟

عفيه بنات ابي اجابه من ناس مجربه

وشكرا لكم

 

[كيان انسانه]

ماعندي اي معلومه انشالله البنات يفيدونج

 

[فجر_الكويت]

ان شا الله البنات ما يقصروون معااج حياتي

 

[صدى الأفراح]

شوفي ياغاليه انا جربته 5 ايام ويشهد الله نزلت 5 كيلو ياااااااريت لو ارجع اعيد التجربه
رح اوضحلك نقطه مهمه

انا استخدمت الرطب الاصفر كان موسمه وعن تجربة امي نزلت 16 كيلو ب20 يوم كانت وجباتها رطب وتبوله ولبن المراعي

انا استخدمت الرطب واكتيفيا السائل عادي كامل الدسم وبينهم تفاح وخس ونسكافيه

حاولت اعيد التجربه بالتمر العادي مااااقدرت كنت احس بجوع
انو السكريات تنهضم اسرع والرطب اقل سكريات كنت احس بشبع مو طبيعي مع الرطب

انا هيدي تجربتي وبتمنى تفيدك

 

[دلوعه كندا]

انا جرته 4 تيام نزلت عليه كيلوين
بس كان ريوقي وعشاي تمر ولبن اما الغدا كنت اكل تبوله.. او سلطه... او ..مشوي

 

[NOORALLAH]

up up
up​

 

[سمسميه]

ما شاءالله خوش تجارب بنات
انا ودي اجربه بس متخوفه من اليوع

سؤال عقب ما هديتوه شلون الشهيه معاكم رجعت بقوه ولا عادي؟

 

[ياشايل الظبى]

اذا بتجربينه انا معاج
انا الصبح اخذ حليب مع نسكافيه
والغدا زبادي والعشا نفس الشي
والتمر اكل تمر خلاص

 

[سمسميه]

ياشايل الظبي والله مادري متخحوفه منه ههههههه
انا حاليا قاعده اخفف الريوق عادي الغدا سلطه وشوربه مع جم قفشه من الغدا الموجود
والعشا شوربه مع توسته

 

[ياشايل الظبى]

حلو نظامج
وتري
ماالومج هو يبيله اراده واول اسبوع عذاب
آنــــــآ اخذ حليب اوقهوه الصبح والغدا زبادي مع نخاله والعشا هم زبادي ونخاله
المغرب اخذ تمر
ومرات اغير واشرب لبن
اخربط بس مو وايد
والله ينحفنا مـِْن غير شر

 

[خاله كندا]

بنات انا جربته يمقن شهر والله سببلي امساك وتعبت معاه يمقن لان فيني قالون​

 

[P!Nk StraWbeRRy]

أنا جربته بس ثلاث ايام ... كنت مسوية رجيم وزني وقف كنت متبعة هالرجيم بحذافيره بس ما ينزل وزني .... قلت خل اسوي تمر ولبن وارد رجيمي العادي .... ولله سويته بس ثلاثة ايام نزلت كيلوين وبعدين رديت رجيمي العادي قام ينزل وزني عادي ...... بس حده متعب كنت اكل ٧ تمرات ولبن مراعي قليل دسم ... ما انصح تطولين فيه لانه راح تملين منه الا اذا خليتي معاه سلطات يمكن ما تملين ولا راح تتعبين .... ترا كل واحد حسب جسمه اعرف وحده سوته ولا نزلت ولاشي وفي ناس قطت ١٦ كيلوو باسبوع من رجيم تمرولبن ونسيت شغلة لازم تشربين ماي وايد .... عشان الإمساك من لبن او حليب و عشان يسد اليوع

حبيبتي خاله كندا ترا هالرجيم ما يصلح حق اللي فيهم قولون اختي سوته وفيها قولون بقت تموت ... اللي فيهم قولون لهم رجيم خاص لازم يكون عند دكتور تغذية عارف حق حالتهم

وموفقين *

 

[قطوووة]

مادري احسه مو صحي !!

صج التمر له فوايد بس اخاف انه النزول يكون مو صحي يعني الجسم يذبل وتجوعينه