البنات اللي يسافون من السعودية للكويت برا

[طلاله]

مرحبا حبيباتي
زوجي متحمس مرررررة وده يزور الكويت بس انه يبغى نسافر هالسنة بالسيارة وانا ما احبها ابد لو البحرين اروح طيارة ويحاول يقنعني لأني ممكن اتنازل عن السفرة بسبب السيارة المهم قلت يالله ابسألكم عن الطريق عن طريق الحفر هل هو هاي واي والا مزدوج وهل هو خطر ارجوكم ساعدوني

 

[جوك احلى جو]

ترا وناسه صج ان ماتذكر اي طريق تقصدينه بس بس اللي اتذكره ان في شارع رايح راد وحياج الله بالكويت

 

[al3ajmia]

حبيبتي طلاله ..

الطريج يعتمد اذا انتي يايه من اي منطقه بالسعوديه ؟؟؟

 

[طلاله]

انا راح اجي
المجمعة _ الارطاوية _ حفر الباطن _ الكويت
هاه هل هذا الطريق كله هاي واي والا لا

 

[أميرة]

? الله العالم بس اتوقع طرق عادي


وعالعموم حياااج الله

 

[شيهآنة الهيلا]

لا تخاااااااافين الطررق مو خطيــرهـ خلاااااااص أغلب النااس اللي بالكويت والسعوديه اعتبروه خط عادي ولا هـو سفر من كثر ماايمشونه
وانشاء الله مايجيكم الا كـل خير يالغـلأ

 

[طلاله]

مشكورات جدا ياالعجمية واميرة وشيهانة الهيلا
وانتظر المزيد

 

[ام مضاوي]

حبيبتي الطريق عادي ومامنه خوف

بس خلي زوجج ينام زين قبل السفر

وخليج واعيه ومنتبهتله واهو يسوق

انا مابي اخوفج بس لاني جربت السفر بالسياره مع اني مافيني صبرررر كلللللش عالطريق

وامي كانت تسوي هالطريقه مع اخوي

تبطل عيونها جنها اهي اللي تسوق

وحيااااااااااااااج الله للكويت

ولاتخافين الطريق مثل ماقلتلج عادي

واي استفسار انا حاااااضره ومن عيوني اذا نويتي تزورين الكويت

عى الخاص

 

[فطووومة]

حياج الله اختي في ديرتج الثانية

الطريج سهل وعادي جدا واحنا مجربينه رحنا كذا مرة لتركيا عن طريق حفر الباطن ورحنا بعد الامارات والعمرة بس من صوب الخفجي والطريق البري عموما حلو وسهل وانتي عليج بالقهوة والشاي حق الطريج ترى يونس ويمر الوقت بسرعة

واذا عندج يهال حطي لهم دي في دي يتسلون فيه وما يسوون ازعاج لابوهم


والله يسهل عليكم شدي حيلج وسوي تغيير ههههه

 

[Hambka Q8]

احنا مانروح هالطريج
اذا بنروح البحرين و لا الدمام و الخبر

نروح طريج الخفجي - ابو حدريه

 

[dl3 q8]

ليش خايفه توكلي على الله بس

احنا رايحين ورادين دايماا من هالطريق .. سهالات لا تخافين

 

[طلاله]

تسلموووووووووووووووووووووووووووووووووووووووون
الله لا يحرمني منكم ياأهل الكويت الحبيبة

 

[جريحة الصمت]

توكلي على الله واعزمي النية..والمقدر مكتوب,,
ودام في خاطر زوجج لاتردينه..ما قصر يتراوالي كل سفراتكم بالطيارة..والطريج اللي قلتي عنه ما يخوف..وإذا كلش كلش لا تمشون بالليل..خلوا مشيكم بالنهار..والليل ناموا..وكملوا ثاني يوم..ومحفوظة السلامة..وحياااااااااج الله بديرتج الكويت..وبعد حياج الله بيتج الثاني..بيتنا..ويشرفنا ويسعدنا استقبالج..

 

[طلاله]

تسلمووووون ياعمري ومشكووووووووورة جدا جريحةالصمت الله لا يحرمني منك .

 

[هرج ومرج]

شوفي أختي الطريق سهل وهو طريقين إلى في أوقات يصير طريق بس ما أذكر شنو الأكثر فيهم

بس لا تخافين ترا طريق حفر الباطن أهون من طريق الدمام >>>>>>>>>>> ما أحبه مو مرتب كلش

وبسرعه يمر الوقن وخصوصا طريق المجمعه لين حفر الباطن وبعد ما تدخلين الكويت على ان ما يستقرق ساعه ونص بس شنو أحس انه اطول من الطريق وحنا بالسعوديه بس عليج الله الله بالقهوه تراها تضيف جو من السعاده وخصوصا ريحتها وأنتي تصبينها في السياره يا أنا استانس بحلظه

ودمتي بخير

 

[دمـوع الشـموع]

عادي انا جربته قبل 3 سنين ماقي مشكله وسرريع
بس هي مسافة 60 كيلو الي مزدوج
وكان فيه تعديل يعين اتوقع الان خلص

 

[عالي مستواها]

والله حبيبتي عاااادي قطعنا طرق السعودية روحه ورده والحمد لله سهالات
رحنا شمال وجنوب وللحجاز نقطع مرات 1000 كيلو ولا نحس فيها والله تروح سوالف وضحك وأكل هههههههههههههههههه

بالعكس حلات السفر بسيارة وناااااااااااسة

بالنسبة للطريق بسألج أبوي أتأكد .. بس إذا أنا مو غلطانة طريق القصيم رايح راد وشوي خطر

بتأكد وأرد

زوجج ما عمره مر من هالطريق !!؟