اهلي تطلقو وانا بصف رابع شي جذي
الموضوع اثر علي وايد وودي اقولج شغلات يتروالي بتساعد اليهال اللي اهلهم بيتطلقون او تطلقو من واقع تجربه
اول شي الياهل له الحق انه يعرف شصاير << مثلا بابا انا وماما مانتفق بوايد اشيا ف نجوف ان الانفصال حل مناسب
مثلا عشان انتو تكونون اسعد مع والدين سعيدين المهم النقطه الشرح للياهل شقاعد يصير مب جك بم الام بصوب والابو بصوب
ماتتخيلين هالشي شكثر ممكن يساعد الياهل بتقبل الوضع اليديد
ثاني شي يتروالي العلاقه بين الطليقين لازم تكون حلوه لو وشو بس عشان يكونون قدوه لعيالهم
انه اوكي يمكن مانناسب بعض بس مب عشان هالشي نكره بعض او نقعد نضر بعض
انا ادري انه معظم حالات الطلاق توصل لمرحله سيئه لدرجه ان هالشي يكون صعب بس لازم الاهل يتفاهمون ع هالموضوع
عشان اليهال ولا بليز لاتجيبون يهال واخر شي تصيدهم عقد ونفسيات وبلاوي!!! مانبي يهال جذي بالمجتمع
ثالث شي سالفه انا شخصيا كرهتها ،، ان عشت بين الاثنين ف ماكنت احس انه لي مكان معين والطفل معروف انه يحب
يكون له مكان معين روتين والتغيير يوتره
اممم وشو بعد
الحمدالله امي وابوي ماكانو يتكلمون على بعض بالشينه قدامنا بالعكس كانو يمدحون بعض
ابوي دوم يقولي طالعه كريمه على امج مثلا ولا شعرج مثل شعر امج اشيا جذي يعني
وهالشي دوم يفرحني مب عشان شي بس لآنه قاعده اجوف انه اكون انفصلو بس ليحين الاحترام موجود وغير جذي
وايد مقدرين انه بينهم عيال
ف المشاكل علينا دوم يتفاهمون << مثلا اذا انا صار وياي شي اثنينهم يتعاونون عشاني
اي وفيه دراسه اميركيه تقولج انه الاطفال اللي يتربون مع الام او الاب المنفصلين بس سعيدين " اعتقادا انهم ماكانو سعيدين فتره الزواج "
افضل وعايشين اسعد من هذولي اللي بزواج مب ناجح والاهل كله بمشاكل
ان شاء الله ردي يفيدج
طلعت كل اللي ف قلبي لوووول
بس لآنه صج يحزنني شلون بعض الااهالي مايفكرون بنفسيه الطفل بهالآمور الحساسه
