البنات اللي عندهم غسالة فريجيدير .... سااااعدوني

[بدون هويه]

الله يخليكم بنات شريت غسالة فريجيدير اليديده ولا انا عارفه اشغلها اذا حطيت الملابس احوس ساعه تغسل بسرعه وتكت الماي بسرعه مع اني ابي اعيدها مره ومرتين اتصلت على الغانم دزو لي وايحد كلا يتكلم انجليزي وشكله ما يعرف ولا انا فاهمه شي اليوم صار لي اسبوع والغسيل يزيد على ما غسلت شي بانتظار فزعتكم :ada:

 

[عديلة روح]

رد : البنات اللي عندهم غسالة فريجيدير .... سااااعدوني

سهله الله يهديج ما يبيلها شي
نقي نوع الغسيل انا اكثر شي استخدم الغسيل اليدوي اللي فيه صورت ايد
وحطي الملابس بالغسالة والصابون بالدرج الثالث والكمفورت بالدرج الوسط ورعصي اول زر وبس نطري لين تخلص وبعدين فريه على stop وreset ولما تطفي الليتات الخضر ابدي من جديد
نقي نوع الغسل وحطي الملابس والخ الخ
واي استفسار انا حاضره

 

[بدون هويه]

وين سهله يا اختى تعبت منها والله ما احط فيها الماي ومواد التنظيف وانطرها على ما تلف لفه الا كبت الماي كله بسرعه انا ما ابي احط الملابس اول شي لانى احط مواد تنظيف قويه ولازم تلف الغساله بعدين احط الكلابس اهى على ما اضبط كل شي واشغلها اروح داخل ارد الا خلاص بدت تفرغ الماي وحتى اذا فتحت الغطى من فوق توقف لا يمكن ارد اعيد الغسل من يديد لانى اذا سكيت الغطى ردت كملت الغسل والتنشيف ورى بعض انا ابي استخدمها يدوي ابي اوقفها وقت اللى ابي وارد اعيد الغسل من غير ما تكت الصابون ومواد التنظيف والله تعبت منها وشاريتها غاليه وزوج مو راضي يغيرها يقول ما صار لها سنه تعلمي عليها رحت للشركه مالتها قال لي ما اعرف الا اللى بالكتالوج مالها اهى ما تغسل مثل الغسالات القديمه يعنى ارد اعيد الغسل مره مرتين بنفس مواد التنظيف اللى انا حاطه مو كل غسله ارد احط مواد تنظيف

الله يخليكم من خبرتكم

 

[وحدة كويتية]

انا غسالتي فريدجير صج اول ما شريتها جننتني بعدين قعدت على الكاتلوج وقريته عدل مدل لين فهمته كأنني ابقدم اختبار
المهم عاد فهمت واحط الملابس ومثل ماقالت الاخت الكمفورت بالوسط والتايت بالجهه الثانيه وفري السويج على الوقت اللي تبينه بعدين اضغطي على زر التنشيف حسب عاد اذا تبين ١٠٠٪ او اقل كيفج وبعدين اضغطي اول زر وخليها
انا جذي طريقه غسيلي وصارلها عندي ٤ سنوات تقريبا
بس الفتره الاخيره صايره تخربط شويه معاي

 

[بدون هويه]

اهي ما تعطيني فرصه بس تغسل وتكب الماي مره قعدت لها قعده هم ما عرفت اوقف الماي بعد ما غسلته على طول تكب الماي ما تقدرين تتحكمين فى شي ان ابي اليدوي انا اخليها تغسل وبعدين اكب الماي فى الوقت اللى ابي رحت للغانم انا اسئل واهو يجاوب كانه حافظ ويسمع السؤال غير والاجابه غير لوووووووول

اقوله شلون اخليها يدوي يقول هذى من افضل الغسلات !!
قلت له اوكي شلون اخليها يدوي يرد يقول مع الاستعمال راح ترتاحين عليها!!
اقوله انت عارف السؤال اللى انا سئلتك يرد اها فاهم عليكي!!
وراح الوقت قام يشرح مليون كلمه بدقيقه ولا جاوب على اللى ابيه احس انهم يخربطون مو كل شي يعرفونه