البنات اللي سووا اطفال انابيب و احملوا تعالوا بليز

[التفاحة الحمرة]

السلام عليكم


شلووونكم حبيباتي :eh_s(17):

بغيت اسألكم بعد عملية ترجيع الاجنه
شنو كان وضعكم بالبيت
بالنسبة للنووم و الحركة و السباحة
شنو الممنوعات و شنو الاشياء اللي عادي تسوينها

بنات عفيه فيدونا بنصايحكم


و الله يرزق كل وحده الحمل و الذريه الصالحة

 

[التفاحة الحمرة]

شدعوه محد رد علي

 

[noor الدنيا]

هلا حبيبتي انا سويته 6 أو 7 مرات ,, و الله ما أتذكر بالضبط , و حملت مرتين ,, و في كل المرات نفس نظامي ما غيرته ,,, اليوم الأول من ترجيع الاجنة , حركتي بسيطة , و آخذ إجازة عن الدوام , و ما اسوي بالبيت اي نشاط , و بقية الأيام عادي , بس امشي شوي شوي , و ما أشيل ثقيل , و ما فيه علاقة مع زوجك أبد أبد , حتى لو مجرد إثارة , و الحمد لله على كل حال , عموما أنا سقطت في كل المرتين , العوض على الله ,, الله يرزقك الحمل الثابت , و الذرية الطيبة .

 

[التفاحة الحمرة]

بعد عمري الله يعوضج ان شاء الله حبيبتي
وانا حملت مرة طبيعي و توفى الجنين ببطني
و خذيت ابر تفجيرية و حبوب تكبير و ماصار حمل
الحين مسوية الانابيب و انطر ، و مادري انا خايفه مع اني ماتحرك وايد
ان شاء الله كل شي بيد الله و الله يرزقنا ان شاء الله

 

[shjoonaa]

انا سويت مرتين طبعا مافي حركه اول الاشهر حركه خفيفه ومافي جماع نهائيا وماكنت اشيل شي ثقيل والدوام اخذت طبيه للولاده

اول مره صار اجهاض وثاني مره تم الحمل

 

[miss_uk]

انا جربتها مرة وحدو بس والحمدالله انجحت وتم الحمل والولادة بسلام


اللي سويته اول يومين مريحه عادي بعدين عشت حياتي طبيعي كنت امشي واتحرك كنت طبيعيه بس كنت احاول ما اشيل شي ثقيل

اوثقي برزقجاذا بيثبت فعلى قوله يدتي الله يرحمها فولاذ يتمسك الجنين اما اذا الجنين في شي مو طبيعي الجسم يرفضه ويسقط

وان تكرهو شيئا وهوا خير لكم

 

[bint_looda]

ان شالله يفيدونج البنات وعسى الله يثبت الاجنه ان شالله ويرزقج الذريه الصالحه

 

[التفاحة الحمرة]

مشكوره حبيبتي شجوونه انا ابي اعرف شنو كنتي تسوين بال١٤ يوم عقب ترجيع الاجنه
انا لي الحين ما تسبحت صار ٥ ايام اهئ اهئ لان قالولي السباحة تنشط الدوره الدمويه و موزين


Miss uk مشكوووره و ما قصرتي انا وسواس كله اخاف ان تحركت حيل ولا انسدحت غلط ، و حمدالله انا مؤمنة ان كل شي بايد الله سبحانه و تعالى
و ماراح يتم شي الا اذا كاتبه لي


Bint looda بعد عمري مشكوووره عالدعااااء ربي يوفقج و ييسرلج امورج ان شاء الله

 

[kitty eyes]

الله يرزقج ان شاء الله

 

[Q8_QT]

الله يتمم عليج حبوبة ويرزقج حمل ثابت وتشوفين ضناج بحضنج يارب

 

[التفاحة الحمرة]

مشكورين حبيباتي آمين يارب و يفرح قلب كل وحدة تبي تحمل بالحمل ياارب

 

[q8_mother3]

تفاحه اشلونج اتوقع اليوم اليوم السابع انا سويت 4 مرات والمره الاولي و الثانيه فشلت والثالثه ثابته ويبت توأم الحمدلله رب العالمين
والحين سويت ترجيع اجنه مجمده وناطره النتيجه باجر ان شاء الله
في كل المرات انسدح علي ظهري لمده 3 ايام وماكو جماع ولا تاكلين عصيره ولا دارسين ولا اشياء حاميه مظل الجرجير
وكثري حليب ولا تشتغلين فالبيت وقللي سباحه واذا سبحتي بعد اليوم الرابع وماي فاتر او بارد شوي يعني لا تسبحين بماي حار
ولا تستخدمين تشقير وهالسوالف الكيماويه
ولا تلبسين كعب وووووووو لا تشيلين شي ثقيل وووووووووووو بس هذا اللي اطبقه وفي شي اهم من كل هذا صلي قيام الليل وحاولي تبجين وانتي تصلين وتدعين ان الله يثبتهم اذا فيهم خير لج ترا صلاه قيام الليل سحر حلاااااااال وقولي ام حمودي دهن العودي ماقالت

 

[التفاحة الحمرة]

فديتج ام حموودي هلا والله حبيبتي بخير انتي شخبارج و شلون المعنويات الله يوفقج و يسهل امورج و يكتبلج من هالتحليل حمل يااااررب
و يثبته و يرزقج بتواؤم يا كريم يااارب

*كل اللي قلتيه طبقته حمدالله ، ماتسبحت صارلي 6 ايام ، بس اغسل نص جسمي وانا قاعده و ابدل ملابسي كل 3 ايام مره ، حمدالله على كل حال
و حمدالله صلاتي و القرآن ربي اعلم فيها بس ما اقوم الليل اقرى طول النهار
ان شاء الله بمشي بنصحيتج مشكوووره يا الغالية عسى ربي يفرحج و يبشرج و يترس عليج البيت عيال ياارب و يكونون ذخر و عزوه لج
*

 

[جنان ام عزوز]

تفاحه انا نفسجاوسوس اذا تحرك شوي والا انسدحت غلط

بس كل مااتذكر اني استودعت ربي هالاجنه ارتااح وربي يثبهم يااارب ويتمم عليج حملج

 

[التفاحة الحمرة]

هلا والله جنان طبقي اللي مكتوب و ان شاء الله ربي يرزقج مثل ما رزقني
و هالاشياء لازم تستمرين عليها حتى بعد الحمل يعنيي بس مو بهالفترة ’ السباحة بماي حار ممنوعه اتسبح كل 5 او 6 ايام
و الدري مو زين تصعدين و تنزلين للضرورة القصوى و مو كل يوم

 

[بحر الذكريات]

الله يرزقج ويرزقنا يارب وكل مسلم ومسلمه بالذريه الصالحه السليمه المعافاه يارب

بنات وين احسن مكان لاطفال الانابيب وجم تكلف؟؟

 

[التفاحة الحمرة]

انا انصحج بدكتورة ماجدة اليتامى بالجابرية

انا و اختي سوينا عندها و حمدلله الحين حملنا مع بعض

شاطرة و تعرف شنو تسوي

بس روحيلها خليها تسويلج سونار و تقولج متى تبدين معاها

 

[بحر الذكريات]

وعندي بعد جم سؤال اذا تسمحين ياقلبي

اللي تسوي تلقيح صناعي لازم تلتزم بنفس اللي تسويه اللي مرجعه اجنه وتمتنع عن الجماع وهالسوالف والا عادي؟؟؟

 

[بحر الذكريات]

ماشاء الله تبارك الرحمن

لان انا عالجت ثلاث مرات من ضمنهم تلقيح صناعي وماصار حمل يارب لك الحمد

ومو عارفه من شنو بعد الله

 

[laaloo]

ما كنت اردي اني لازم ما اسبح انا يوم وترك اسبح .. قلت ارفع الموضوع علشان الي ما تدري تدري ولا اصير لها نفسي