البنات العزابيات ... شفيكم على المتزوجة ؟

[FUSHIA-GIRL]

صباح الخير
الله لا يحرمنا من هالجمعه الطيبة
خواتي عندي موضوع حاز بقلبي وحابة افضفض

الموضوع

انا متزوجة صار لى فترة قصيرة تقريبا 6 شهور
وانا موظفة صبح وعصر وانتو عارفين ان العروس تكون مشغولة
بحياتها الجديده وبتأثيث الشقة وغيرها

مشكلتى انه عندى كم صديقة ماتقدر هالموضوع خذو مني موقف وقالولي انتى
من تزوجتي شفتي حالج علينا شنو هالشغل اللي ليل ونهار
كل مشغولة ومو فاضية للعلم انهم (( عزباوات ))

بنات انا تضايقت لانه اللى مايعذرني ما اعذرة ... انا قاعده اتواصل معاهم على البي بي ام
بس مرات ما ارد عليهم بالتلفون واغلب اتصالاتهم وزوجي يكون موجود
وبصراحه اسألتهم تبط الجبد
اغليها عن حمولتى وعن زوجي وعن شقتي يفتحون لى تحقيق وانا بطبيعتى احب الخصوصيه
والحين اهمه زعلانين

برايكم احقر والا شنو ؟؟
ياريت تقولون لى عن وضعهم ؟ شنو ؟؟؟

 

[Tulips]

حبيبتي انتي سويتي اللي عليج .. صدقو اهلا وسهلا ماصدقو مايشوفون شر

باجر لي تزوجو بيحسون فيج وبيسون نفسج

واسرار بيتج وحمولتج لا تطلعينها برا .. جاوبي على قد السؤال عشان يحسون انه مو من حقهم يسئلون هالاسئله الخاصه

 

[انا لحبيبي .]

حبيبتي هاد وضع طبيعي من بعض الصديقات ،

بس انتي اشتري راحة بالك وبيتك وزوجك ، واسرار بيتك ماتطلع لأي انسان حتى الاهل

 

[حظ من عنده انا]

مالهم حق يزعلوون

وانتي مو مجبوره تقولين لهم عن حياتج

لان ماحد بيكون قلبه عليج ويهمه مصلحتج مثل امج وخواتج

الناس الثانيه بيشرفون على حياتج مستانسه والا لا

شلون علاقتج مع زوجج واهله و ...... الخ

حياتج محد له شغل فيها لا سئلوج عن اي شي

قولي اسفه حبيبتي مااقدر اقول هذي حياتي ومحد له شغل فيها

واللي تزعل تطق راسها بالطوف

اهم ماعليج نفسج وراحتها وبعدها زوجج وحياتج معاه

ورفايجج لو صج نعم الرفايج لو تخطين او تقصرين يتعذرون لج

 

[جولينار]

شوفي سالفه انك قطعتيهم صبعه شوي مهما كان هذول صديقاتك

وانا مستغربه وش هالشغل اللي عندك ؟؟يمكن لأنك توك متزوجه واغلب الوقت زوجك بالبيت هالفترة ومعاك على طول

لكن انا احس ماتنشغل الوحده الا بالعيال الزواج بحد ذاته مايشغل

كونهم يسألون اسأله مالها داعي

من حقك ماتردين عليهم سواء بخصوص الحموله او حتى اسأله شخصيه

انا براايي لاتخسرينهم

وضحي وجهة نظرك

تعذري انا ماافضى ولكم الحق ومن هالكلام

وبالنسبه للأسئلة الخاصه يا توضحين لهم وجهة نظرك بصراحه او تتغيبين

يعني تردين ردود مبهمه وعاااااااامه ,,

والله يوفقك ياعروس

 

[G!RLooNa]

انتي شرحيلهم ظروفج قولي وانا مع ريلي ماقدر ادق و اذا طلع يا بسبح يا بتكشخ و لويه و اذا تزوجتوا بتحسون و اذا فتحوا تحقيق قوليلهم سوري هذي خصوصياتي عاد رضوا اهلا وسهلا مارضوا ما يشوفون شر

بس اكيد اهما ما يتشرهون الا لانهم يحبونج و اسئلتهم و تحقيقهم يمكن من باب الفضول بس انتي لا تصيرين جامده معاهم بالرد عشان لا تخسرينهم بس اذا مصخوها بالزعل و الطناقر كيفهم عاد

 

[حظ من عنده انا]

مالهم حق يزعلوون

وانتي مو مجبوره تقولين لهم عن حياتج

لان ماحد بيكون قلبه عليج ويهمه مصلحتج مثل امج وخواتج

الناس الثانيه بيشرفون على حياتج مستانسه والا لا

شلون علاقتج مع زوجج واهله و ...... الخ

حياتج محد له شغل فيها لا سئلوج عن اي شي

قولي اسفه حبيبتي مااقدر اقول هذي حياتي ومحد له شغل فيها

واللي تزعل تطق راسها بالطوف

اهم ماعليج نفسج وراحتها وبعدها زوجج وحياتج معاه

ورفايجج لو صج نعم الرفايج لو تخطين او تقصرين يتعذرون لج

 

[FeShinGoOo]

مادري انا لما اتزوجت ماقطعت عن ارفيجاتي كنت ادق عليهم حتى وانا بشهر العسل كلمتهم مرتين .. وحتى بتجهيزي كانو معاي ويساعدوني ... وكنت انطر اي فرصه زوجي مو يمي واكلمهم .. ماله داعي القطاعه صج المكالمات راح اتخف عني بدال لا اكلمهم ساعه او ساعتين صتر اكلمهم ربع ساعه هالشي عادي .. وصديقاتي الي حيل وياي اكيد بيكون فيهم فضول ويحبون يعرفون عن الزواج وخاصه ان امري يهمهم .. في اشياء كنت اكتمهااا واخشها عنهم لاني كنت احسها شخصيه بس الاشياء العاديه مثل الشقه والحموله اتوقع مافيها خصوصيه ..؟؟؟ يعني شنو الخصوصيه لما يقولونلج اشلون حمولتج معاج ؟.. او من وين اثاث شقتج ..؟؟ مساكين يبون يسولفون معاج ..!!!!!!! وصديقيني هالاسئله عاديه جدا من الصديقات الكلوز

 

[* فطامي *]

مبروك حبيبتي الملحة

وكل شي له حدود وانتي زين سويني لمن حطيني حدود للصديقات بالنسبة لي رفيجاتي على عيني و راسي لكن مالهم دخل في حياتي اللزوجيه و لا اهل ريلي

واللي بتزعل تزعل انتي شرحتي لهم ظروفج واهمه كيفهم عيل بأجر لي صار عندك عيال شبسون و شنو يقولون والله

 

[*peace*]

شي طبيعي عادي

بيتعودون مع الوقت انج موفاضيه لهم ٢٤ ساعه !

 

[اماني 22]

كل بنت لهااا ...حرية باختيار رفيجاتها وهم لهاا خصوصية وتيلفونهاااا

 

[منار البربرية]

موضوع جدا راااائع وانا الاحظه على اغلب البنات
لما وحده من رفيجاتهم تتزوج يحسبون ان اهيا ماتبيهم
انا عندي كذا بنت تزوجت ومن نفسي انحش ياولد
يعني متى ما بغت تدق ولا تسأل حياهالله
بس تعالي فهمي البنات اللي عندنا
قلت وعي وثقافه انا اسميها
شي طبيعي حياة المتزوجه غير عن البنت
ياكثر البنات اللي كنت اخدمهم واساعدهم ويوم تزوجت تسوي روحها زعلت وتفل خخخ الله وياها بالسلامه
اللي يضحكني وحده مادري شموضوعها بعد 5 سنين
مادري يمكن انفصلت ولا مادري قبل فتره متصله تسأل عني
خخخ قتلها مشغوله احلى تصريفه
يعني خلاص متزوجه وعندج طفيلن خلاص عيشي حياتج
نحن في مجتمع الخليج هههه
المرأة العازبة المتزوجه ليست هنا هاااي ​

شكرا لج موضوعج مفيد ياليت البنات يتفهمونه مثل ما انا متفهمته ولله الحمد ​

الف مبرووك لج مقدما وحاولي تنتقين صديقات افضل
تخلين صداقاتج في اطار الزمالة ​

 

[يافديت الدلع]

حبيبيتي انا توني ملجه ورفيجاتي بس يتسألون عن الرجال وجذي وانا بعض المرا ارد وبعض المرات اطنش اسوي نفسي مااسمع وقامو يستحون يسألوني لان هذي خصوصيه معا العلم انا لساني طويل ودي ارد وازفهم بس بقلبي اقول عيب فشله لاتردين عليهم طنشي وبعدين الله يلوم اللي يلومج ديري بالج ع زوجج ومالج شغل ولاتضايقين وحاولي تفضيلهم يوم وازعجيهم بالبي بالبي والاتتصالات وقوليلهم انا مااقدر اكلمكم جدام زوجي وموفقه خير يارب:eh_s(9):

 

[FUSHIA-GIRL]

والله يا بنات ردودكم برت جبدى
بالنسبة للاسئلة اسألتهم فيها لقافه مو حب سوالف
لانهم مو صديقاتى اللى على قلبى مجرد صداقه يعنى مو صداقه كلوز
واهمه من درو تزوجت واهمه مستخفين لانه في وقت الخطبة كانو يشيشوني على حمولتى علشان جذية من البداية قطعت السالفة
عليهم وهذا اللى قاهرهم وبالنسبة لى ليش مشغوله انا قلت من قبل انه عندى دوام صبح وعصر وغير مجابل زوجي
وانا وضحت لهم اكثر من مره بس شنفهم وانا من ناحيتى صديقاتى الكلوز اللى من حسبة خواتى اوصلهم ويوصلوني اما اهمه عادى بس اهمه يعدوني اكثر .

 

[عنودهـ ~]

شوفي حبيبتي هذول ربعج مهما كان
ماعليه استحمليهم
وهم ترى فاقدينج عشان كذا يقولون هالكلام
انتي قولي لهم اناعروس واستحي اكلمكم يم زوجي ولاكان كلمتكم بكل وقت
الله يعينج وبخصوص الاساله اللي ماتعجبج
انا اتفق مع اختي تولبيز
واسرار بيتج وحمولتج لا تطلعينها برا .. جاوبي على قد السؤال عشان يحسون انه مو من حقهم يسئلون هالاسئله الخاصه
انا معاهابهالشيئ
ويعطيك العافية

 

[FUSHIA-GIRL]

حبايبي عساكم ذخر ومانحرم من نصايحكم

 

[دلع العتبان]

والله انعميت من خطج يختي كبري خطج شسالفه لووووول

اب


اب

 

[mnor]

حبيبتي انتي سويتي اللي عليج .. صدقو اهلا وسهلا ماصدقو مايشوفون شر

باجر لي تزوجو بيحسون فيج وبيسون نفسج

واسرار بيتج وحمولتج لا تطلعينها برا .. جاوبي على قد السؤال عشان يحسون انه مو من حقهم يسئلون هالاسئله الخاصه

صااااااااااااااااادقه وربي

والله يشفي امك ويعافيها <<<ماادري شفت هالكلام بتوقيعك :yaaaaaarb:

 

[aṕriliå]

مالهم اي حق

وخصوصياتج من حقج انج ماتتكلمين عنها

رضوا والا زعلوا

 

[PuPa^^SWeeT]

انتي على حسب صديقاتج تحسبينها

يعني رفيجتج من النوع القيل واقال واللي تبي اتشيش ماتقولينلها كل شي

اما اللي اتعرفين معدنها عدل و اتعرفين طيبتها عاادي

انا اقوولج سالفة اتدقين كل يوم هذي اكييد بتقل

لأنج بتلهيين حموولة و ريل و اهلج بتزورينهم

و همن شقة ترتيب و تنظيف و دواام
يعني شوي الوضع اول 6 شهوور حووسة


انتي لاتقطعينهم لأنج باجر يووم تبين احد يسولف وياج بتلاقين نفسج قطعيهم

وماراح يردون عليج

انتيي قوليلهم سوالف حمولة و جذي بعدوو عنه مابي اسولف عنهم قبل لا اعرفهم عدل جذي مثلا

وحتى لو حمولتج مو زينة لاتسولفين عندهم لأنه هذا موضوع حسااس عرفتي

انتي حطي ليميتس بينج و بينهم بس لاتحسسينهم بالليميتس عرفتي


بس نصييحة لاتقطعينهم