البنات الساكنين بالدور الثانى أو الثالث مع الحموله >>> شلون تطبخون!!!

[هديل 77]

السلام عليكم ورحمة الله وبركاته


أنا ساكنه مع حمولتى بالدور الثالث , مشكلتى بالطبخ , أنا مطبخى تحضيري , فيه جوله كهربائية بسيطه جدا بس ما تسخن خبز و لاتنفع لطبخ غدا مثلا بسرعه ممكن تطق وتحترق , و أبي أطبخ فيه فشرايكم شنو أنسب نوع فرن أوغاز , وشلون على بطل الغاز من يصعده ,و لا تنصحونى بالطباخ الكهربائي, من جربته وشرايكم فيه.
مع العيال صعبه كل شوي لابسه ونازله على أسخن خبزه وناسية شغله

ألى في بالهالها شي ولى يعافيها لا تنساني بالرد ضروري

 

[فاقده ابوهاااا]

رد : البنات الساكنين بالدور الثانى أو الثالث مع الحموله >>> شلون تطبخون!!!

انا مو ساكنه مع حمولتي بس قلت يمكن افيدج الحين حبيبتي محد يستخدم الغاز اخذي الجوله الكهربائيه وايد احسن وانظف وبعدين حتى تكلفتها مو عاليه انا شفت عن ابيات احجام واسعارهم مناسبه اما اذا تبين تستخدمين الغاز سوي تمديدات داخليه او خارجيه بس بطريقه حلوه ما تبين يعني الغاز تحت ويوصلج لي فوق ولا انتي من صجج منو الهيركوليز الي راح يشيل الغاز لي الدور الثالث مسكين امه داعيه عليه

 

[بنووته تكاانه]

رد : البنات الساكنين بالدور الثانى أو الثالث مع الحموله >>> شلون تطبخون!!!

اممم جوله كهربائيه احسن وانظف

 

[مشتاقه لك يبا]

رد : البنات الساكنين بالدور الثانى أو الثالث مع الحموله >>> شلون تطبخون!!!

انا مو ساكنه مع حمولتي بس قلت يمكن افيدج الحين حبيبتي محد يستخدم الغاز اخذي الجوله الكهربائيه وايد احسن وانظف وبعدين حتى تكلفتها مو عاليه انا شفت عن ابيات احجام واسعارهم مناسبه اما اذا تبين تستخدمين الغاز سوي تمديدات داخليه او خارجيه بس بطريقه حلوه ما تبين يعني الغاز تحت ويوصلج لي فوق ولا انتي من صجج منو الهيركوليز الي راح يشيل الغاز لي الدور الثالث مسكين امه داعيه عليه

8
8
صاااجه

 

[لي لي الحلوة]

انا ساكنة بالدور الثالث


استخدم الغاز

اي تمديات للدور الثالث



ترا الغاز هين مو الثقيل اللي هذاك الزود

اما منو يصعدة لج انا يصعدة السايق

او الخدامة

او زوجي

 

[أو عبوش]

رجلج شنو فايدته؟؟

كل يوم اطبخي وخلصي الغاز وخليه يعاني بصعده سلندر الغاز ونزلته لووووول عشان يطلعج بيت بروحج <<< خرابه بيوت



لا اضحك معاج احسن لج ميكرويف وجوله كهربا...........

احسن لج بدال الصعده والنزله على خبزه

 

[M!sS_D!oR]

جوله كهربائيه
وبعدين لي صار ترشيد وطفت الكهربا شلون :×
انا بالنسبه لي ساكنه بالثاني وعندي مطبخ وخدامتي تصعد الغاز وتنزله وبس

 

[nezgha.85]

انا ساكنه عند حمولتي بالدور الثالث وعندي مطبغ وجوله والغاز الخدامه تصعده بالصنصير .. بس بحالتج اشتريلج جوله صغيره اللي على الكهربا احسن لج من الصعده والنزله على شي ما يسوى .. والله يسهل عليج​

 

[eman12]

الخدامه او السايق

 

[chanel N22]

انا بالثالث بس كلش ما اطبخ اصلا ايي الكويت بس جم شهر لان انا مغتربه برآآآآ عسى الله يردنا سالمين يارب بس سالفه الغاز هينااا الخدامه ولا السايق ولاريلج يصعدونه

 

[ريتااجي]

رد : البنات الساكنين بالدور الثانى أو الثالث مع الحموله >>> شلون تطبخون!!!

بالكهربا أفضل

 

[noo7a]

مايبي ياكل

خل يصعد لج ريلج الغاز او الخدامه

 

[افراحي]

انا بشقة بروحي..الحمدلله حييييييييييل مرتاحة

 

[miss-chocolate]

انا عن نفسي عادي

الجوله والفرن عالغاز وريحه البصل الله وكيلج

توصل لي السكه

بس عقب كل شي ابخر واعطر الشقه ولا جني مسويه شي لووول

 

[حصووونه]

الخدم شمهنتهم يشيلونه موثقيل حيل بس احنا رجيجين ومانتحمل ضهورنا معطوبه مافينا صحه نشيل عمرنا حتى الحمدالله بس

 

[Heaven Light]

التسخين اشتري مايكرويف وايد أسهل وآمن لا تحاتين ..

والطباخ الكهربائي اعقد مثل اللي على الغاز ما يفرق ..
​

 

[ماسيتي]

انا ساكنه بدور الثالث وخليت ريلي يبنيلي مطبخ واشتريت جوله الكهربائيه عجيبه وسلامتج حياتي

 

[هديل 77]

رد : البنات الساكنين بالدور الثانى أو الثالث مع الحموله >>> شلون تطبخون!!!

مشكورين خواتى على الردود الحلوة ويعطيكم العافية.

 

[الأميرة جوري]

رد : البنات الساكنين بالدور الثانى أو الثالث مع الحموله >>> شلون تطبخون!!!

بروحى .....البنات ماقصروا

 

[هديل 77]

رد : رد: البنات الساكنين بالدور الثانى أو الثالث مع الحموله >>> شلون تطبخون!!!

انا ساكنه بدور الثالث وخليت ريلي يبنيلي مطبخ واشتريت جوله الكهربائيه عجيبه وسلامتج حياتي

شنو نوع الجوله ألى اشتريتيها ياقلبي, وشنو تقدرين تطبخين عليها , تنفع أطبخ غدا مثلا ؟؟؟, ونفس النار العادية ولا غير .