البنات الحوامل متى وقفتو بيبي اسبرين؟

[GoldTouch]

قوه بنات شلونكم؟ انا الحمدالله حامل بالشهر الرابع ومن يوم ماحملت وانا اخذ بيبي اسبرين عاد قبل شهرين وانا خشمي كله ينزف دم عاد دقيت علي الدكتوره قالتلي خلاص وقفيه مع العلم ان هذا اول حمل لي بس صراحه خايفه اوقفه يصير شي حق البيبي ؟ مادري انتو متي وقفتوه ريحوني الله يريحكم ان شاءالله

 

[زين ودلال]

الدكتوره قالتلي لي الثامن

بس. دكتورتج ادرى بحالتج مدام قالتلج وقفيه

 

[حنان1983]

بنات انا باخر مراجعه قبل اسبوعين عطانى الدكتور بيبي اسبرين وللحين ما خذيته لانى ما عرفت حق شنو وصفلى اياه انا ما عندي اجهاضات سابقه ولا مشاكل بالحمل الحمد لله غير الضغط العالى فليش وصفولكم اياه وشنو فايدته
سامحونى وياريت تفيدونى

 

[Dodo80]

بنات انا باخر مراجعه قبل اسبوعين عطانى الدكتور بيبي اسبرين وللحين ما خذيته لانى ما عرفت حق شنو وصفلى اياه انا ما عندي اجهاضات سابقه ولا مشاكل بالحمل الحمد لله غير الضغط العالى فليش وصفولكم اياه وشنو فايدته
سامحونى وياريت تفيدونى

حنان اذا الدكتور عطاج اخذيه احسن اهو عارف بحالج لا تستهينين بهالاشياء بعدين الاسبرين مايضر زين حق تدفق الدم

 

[ghadeeeer]

شوفي بحملي الأول بولدي استمريت عليه لآخر أسبوع بالثامن وبعدين الدكتورة وقفته
وبهالحملة توني داشة الرابع وليما الحين مستمرة عليه وبالحملتين سبحان الله خشمي ينزف دم والله العظيم اليوم نزف نززززززززف مو طبيعي
بس عادي ما وقفت البيبي أسبرين
وتررا فايدته إنه يخلي الدم يتدفق بالشكل الصحيح للمشيمة اللي تغذي البيبي بالأوكسجين ويسيل الدم ويمنع تجلطات المشيمة اللي إذا صار فيها لا قدر الله يصير الإجهاض
وعلى فكرة مو شرط ينوصف بس للي عندها إجهاضات سابقة الدراسات الحديثة بهالوقت أثبتت مساعدته القوية بتوصيل الدم للبيبي بالشكل السليم
ودكتورتي قبل الحمل نصحتني فيه وقالت لي آخذه لأن كان فيني ضغط خفيف ورفيجتي مو حامل ودكتور الضغط واصفه لها مع علاجها يعني أيضا مفيد بتخفيف ضغط الدم للي يعانون من هالحالة

 

[(نبنوبه)]

هلا حبيبتتي انا بقولج قصتي انا ببكري اسم الله عليج ولدت نص الثامن والسبب انفصال المشيمة وتجلط الدم مع انبي ماكنتاعاني من شي
المهم رحت وسالت اكثر من دكتور خصوصا اني حملت بالثاني على طول المهم وصفولي بيبي اسبؤين قبل الولادة اخر الثامن وقفوه والحين حامل وقاعدة اخذه بس الحمل هذا نزف خشمي يالسادس فترات متقطعة وفالي الدكتور وقفيه اسبوع والحمد لله وقف ورديت على الاسبرين اتمنى اكون افدتج

 

[ام ساره 4]

أنا آخذ البيبي أسبيرين وأوقفه بالشهر الثامن دكتورتي حذرتني قالتلي ديري بالج تقطعينه والحين ثالث مره آخذه بحمالاتي كلهم بس ببناتي الأولى والثانيه ماخذيته لأن ماكنت أعاني من الاجهاض

 

[سموره 87]

خذيته اول 3شهور وبعدها وقفته

 

[tbola]

على حسب الحاله انا من اول شهر لي نص الثالث او بدايه الرابع

 

[حنوشتي]

انا من اول حملي اخذه والدكتورة قالت طالمااا ماعندك مشكلة ماراح اوقفه هو وابر السيولة

 

[Poison_Girl]

انا من اجهضت وحملت وصفتلي ايه دكتورتي... من اول الحمل لي نص الثامن
اذا قعده تنزفين وقفس اسبوع ةكملي بعدين.. وايد مفيد لا اتوقفينا

 

[قَلبڪْ صًخرْ]

من اول ماسمعت النبض
لي اول اسبوع بثامن
تحت اشراف دكتوري

 

[فتون777]

من اول ماحملت
قالتلي وقفيه اخر يوم بالثامن

 

[سمراء كويتية]

بيبي اسبرين خذيته من اول لشهور و انا الحين بالثامن باقي له اسبوع اهو يوصل الغذاء للجنين و اهم سي يساعد على تثبيت

 

[$قطوه$]

وقفته الشهر الثالث لان خفت يقولون كثرته مو زين

 

[حوريه ...]

يعني دم الخشم منه؟؟؟؟؟؟


انا قالت لي دكتوره اللي اراجع عندها وقفيه اول الرابع

ولما رحت استشاري علشان يشوف عنق الرحم سالته

قال انا انصح فيه للخامس

عاد مادري الحين بس اشوف خشمي يوجعني كانه مجروح ويطلع منه خيوط دم

ف ع بالي انه من الالم اللي احس بخشمي

اثاريه من الببي اسبرين

 

[اخت خالتهم]

لما كنت حامل وقفته بداية الرابع