البنات الجياكر يتزوجون رياييل احلى منهم

[ترف 111]

بنات اليوم عفيه بناقش ضاهره وايد اشوفها ان البنات الجياكر او اللي اقل جمال تتزوج واحد احلى منها منو اتعرف بنت اقل جمال من زوجها لا ويموت عليها ابي تكتبون عنهم وخنشوف نسبتهم

 

[جـــواهر]

وشفيها يعني !!
الجمال جمال الروح مو الوجه حبوبه
واذا هذا تفكيرج عزتي لج ..
والرياجيل مخابر مو مظاهر ..

 

[هوازن العتيبي]

رد : البنات الجياكر يتزوجون رياييل احلى منهم

سبحانه الرازق

 

[ميمو نونو]

رد : البنات الجياكر يتزوجون رياييل احلى منهم

ايه والله بعرف واحدة استغفر الله العظيم تقول للقرد قوم وأنا اقعد مكانك بتعرفوا والله لما كانت تغلط زوجها كان يضربها بالسواك وهو ما شاء الله عليه قمر 14 " امريكاني " وكان دايماً يقولها يا أم ..... بإسم ابنها الكبير احتراماً ليها ​

 

[جمان_الكويت]

رد : البنات الجياكر يتزوجون رياييل احلى منهم

مو شرط يا بنات

يمكن تزوجها لأن روحها حلوه و اخلاقها عاليه و الجمال مو كل شي

و ترا لما تطلعين تشوفين بنات متحجبات مع رياييلهم و تقولين عنهم مافيهم زود بس يمكن بدون حجاب واااايد احلى

فماله شغل الجمال الخارجي ابدا ...

 

[أم@الحلوين]

شكوو موشرط الجمال جمال الروح مو جمال الويه
وكل شي في هالدنيا نصيب ..

 

[sweet dashttya]

رد : البنات الجياكر يتزوجون رياييل احلى منهم

الله يرزقنا ان شاء الله

 

[ام خدود ورديه]

عادي كل شي قسمه ونصيب
انا الحمدالله احلى من ريلي ماكنت افكر اخذ واحد احلى مني احس مو حلوه ولا راح ارتاح
اعرف وحده كانت سوريه واهلها من بدو سوريه تزوجت واحد كويتي مهندس قطعه شويه عليه ماشاء الله عليه
ماخذها عن حب ومسويلها عرس ماصار ولا استوى
سبحان الله كل شي قسمه ونصيب

 

[أم-المزايين]

إعلمي هداكي الله لكل خير أن الزواج قسمة ونصيب
فمن النساء من تتزوج الغني , ومنهم من تتزوج الفقير , ومن النساء من تتزوج الجميل ومن تتزوج القبيح
وهكذا
وتعدد المعايير مذكورة في حديث الرسول صلى الله عليه وسلم لكن بيت القصيد هي في نهاية الحديث فأظفر بذات الدين تربت يداك
وكذلك المرأة يجب عليها أن تختار ما يعينها على طاعته أولا ثم بإختيارها للرجل الصالح يكون لذلك النفع عليها وعلى أبنائها في المستقبل بإذن الله
أما موضوع الجمال فهو شي نسبي يختلف من شخص لآخر لذا الرؤية الشرعية مطلوبة حتى يرى كل منهما الآخر وبالتالي ذلك بإذن الله أدعى لإستمرار العلاقة الزوجية​

 

[لعيونك اصير مجنونك]

رد : البنات الجياكر يتزوجون رياييل احلى منهم



عاادي تصير
وعلى فكره الجمال يبهر الزوج فتره وبعدين يشوفها عاديه

اهم شيء جماال الرووووووح

تذكرت سالفت واحد لما تزوج تشرط على اهله يبي حلوه وما ادري شنو
المهم ليلة عرسه انصدم انها مو حلــوه عصب وعفس الدنيا
وقال حق زوجته انتي مالج قعده عندي بخليج جم شهر واطلقج
المهم مرة الاياام لا طلقها ولا شيء لانها عجبته

الجمال مو كل شيء

 

[.،:"$الـعـوبــــة$":،.]

رد : البنات الجياكر يتزوجون رياييل احلى منهم

انا اقول نادرا ماتلقين الحين بنت جيكرة !!
شخباااااااااااااااااري !!
انا اعرف وحدة قبل كانت اسنانها شوي طالعة على برى وطبعا متزوجة وعندها عيال ، وسوت تقويم ، والله حتى شكل فمها تغير وصارت أحلى ! قبل يعني موذاك الزود !
والحول صارله عملية ! والخشم عملية ! والمتن عملية ! واللون ليزر !
طبعا غير التفنن بالمكياج !
وغير هذا كله ، صدقيني والله والله الأخلاق تغلب !
تخيلي انتي قاعدة مع وحدة حلوة قطعة جميلة ! بس ثقيلة دم وطينة وسوالفها تغث ! بتكرهين عمرك !
يعني الشكل مو الحكم الأساسي بالحب ،​

 

[خلصتوو الاسامي]

رد : رد: البنات الجياكر يتزوجون رياييل احلى منهم

كل شي قسمه ونصيب ومو شرط جمال الشكل الاهم المخبر مو المنظر بس صراااااااااااااااااااااحه هالظاهره حيييييييل شفتها مادري ليش يمكن اعرف شكثرر ناااس جذي عندي واحد من اهلي مشالله جمال ورزة وشخصيه وجماله مو طبيعي صرااحه ماخذ وحده:cxxxp:

الله يزيد النعمه وتعالوو شوفوو انوااع الدلع والدلال وهات ياعز عليها من الدلع وثانيه اخت رفيجتي سححححححححححت شويه عليها الحمدلله على خلقه ربي وماخذه واحد يهبببببببببببل جنه لبناني وهااااات يااادلع يالله الله يوفقهم وتدروون علد ان هالفئه داعي لهم الرسوول عليه الصلاه والسلام سبحااان الرازق ياااااااااااااااارب ارزقني ووفقني بس مابي واحد احلا مني عشان مايزاحمني علمنظره:j013: وبس فديييييتكم تقبلووو مروووري عسووولاتي:tek: بحبكم كتييير كتييير كتييير:balo:

 

[فانتا ستروبري]

اول شي كل شي قسمة ونصيب

وثاني شي الناس اذواق

وثالث شي على قولتهم الحب عمي


لوووووووووول

اجابة نموذجية ​

 

[noo7a]

الي تشوفينها جيكره غيرج يشوفها حلوه
و الي تشوفينها حلوه غيرج يشوفها جيكره

وكله نصيب

 

[a7la MUM]

رد : البنات الجياكر يتزوجون رياييل احلى منهم

اسمحيلي حبيبتي اذا هذا تفكيرج الله يعينج على نفسج!!
الريال لاتزوج حلوة وجميله مع واخلاق او معامله او اسلوب ماكو شراح يستفيد بجمالها بحياته ها ماتقولين!!
وبعدين مو انتي اللي تقررين اذا هالزوجه حلوة ولا لا لان زوجها بيشوفها قمر ولا جان ماخذاها
انزين وليش ماتقولين العكس بنات ينحطون عالجرح يبرا وتاخذ ريال اللهم ياكافي
يعني الناس اذواق

 

[Dancing^Queen]

رد : البنات الجياكر يتزوجون رياييل احلى منهم

اختي ماشوف في هدف او فايده من هالنقاش
ولاراح يضيف شي للبنات
ولا الموضوع مطروح من باب الضحك والغشمره وتلطيف الجو
وبيكون للحش فقط لاغير

سميحلي الموضوع راح يتسكر

ثاني شي

بسم الله الرحمن الرحيم

(الْخَبِيثَاتُ لِلْخَبِيثِينَ وَالْخَبِيثُونَ لِلْخَبِيثَاتِ وَالطَّيِّبَاتُ لِلطَّيِّبِينَ وَالطَّيِّبُونَ لِلطَّيِّبَاتِ )

جيكره تزوجت حلو الله يهنيهم بحياتهم ويسعدهم ويجعلهم لبعض كما يحبون
حلوه تزوجت جيكر الله يهنيهم فبعض ويسعدهم ويعيشون حياتهم مثل مايبون

جياكر تزوجو بعض هم حياتهم ويسعدهم ربهم ويهنيهم
حلوين تزوجو بعض حياتهم مو اسعد من غيرهم ولا افضل كل واحد حياته ويعيشها

الارزاق ربج يقسمها ويوزعها لاا لحلوه رزقها احسن واحلا ولا الجيكره رزقها اقل من غيرها
ومفهوم الجمال وتعريفه يختلف من شخص لي الثاني ، ممكن تشوفين ميغان فوكس احلا وحده بالعالم
بس في ناس تشوفها جيكره وخشمها مادري شلون قايل وليش غمازتها جذي

بالنهايه الله يهني سعيد بسعيده وجعلها متهنيه وبعيده

 

[H.A.K.W]

استغفر الله العظيم من كل ذنب عظيم
بنات ليش الحسد قولوا الله يهنيهم، شاللي محترين منه ؟!
يعني زوجها كان من نصيبج واهي باقته منج مثلا؟؟؟!!!!!!!!!!!

لكن ما اقول الا الله يعين هالفئه من الناس على نفسها لانها ناس حسوده وماتحب الخير لاحد
ولا تنسون ان الله يوزع الارزاق ومحد ياخذ الا نصبه
والاعمال بالنيات ولكل امرءا مانوى ، صفي نيتج عشان ربي يرزقج !!

 

[حنطاويه_84]

ماحبيت اطلع بدون لا اكتب شي
اول شي الجيكره تتزوج حلو والحلوه تتزوج جيكره والحلوين يتزوجون بعض والجياكر مع بعض كل شي قسمة ونصيب وبعدين الناس اذاواق يعني اللي انتي اتشوفينها مو حلوه الناس اتشوفها حلوه والعكس وبعدين الحسد والغيره والمقارنه ماراح تنفع حلو اذا انتي تمنيتي تتزوجين واحد حلو بس ابنية حلوه مو ابنية الحسد والغيره راح اتشوفين ان الله بيرزقج ان شاءالله وبس هذا بختصار كل اللي ابي اقوله

 

[كويتيه مذهله 87]

الله يهنيهم ويسعدهم

انا وريلي مثل الجمال ماشالله لوووول محد احسن من الثاااني

 

[@الياسمين@]

انا ما اشوف ان في اي فايده من هالموضوع
وبعدين لازم نعرف ان الجمال جمال الروح ...
مو شرط ان الجميله اهي ممكن تكون الزوجه اللي تسعد زوجها ...بس عشانها جميله
لا الجمال جمال داخلي يطغي على كل الهوايل اللي يسونها حريم هالوقت وما تعرف تكسب ريلها