البلغم والكحه ذبحوني شالحل

[عيون زوجها]

مرحبا بنات
الله يعافيكم رجعتلي مشكله حملي القبلي
البلغم والكحه
الحين انا بالخامس والكحه مو مخليتني انام لا ليل ولا نهار وبلغم ذبحني رحت السلام عطوني مضاد حيوي 1000جم تخيلو اقول للدكتوره مو خطر قالت لا لان انتى كحتج وايد قويه وجذي وعطوني شراب وماكو فايده والحين عندي نوع شراب ثانيه خلصته هم ماكو فايده شالحل
مت مت من البغلم لاعت جبدي تكفون منو صارلها جذي وشنو سوت

 

[omali_store83]

انا قبل اسبوعين كنت نفسج

رحت الصيدليه خذيت دوا اسمه Bronchicum Elixir ومايضر الحامل لان اعشاب وفيه طعم زعتر

ورحت العطار شريت علج المر بس دوري النوعيه الزينة مو اي شي وشوفي شلون ترتاحين​

 

[عيون زوجها]

انزين حبيبتي الدوا دوه عطيته لريلي اييبه بس علج المر شسوي فيه
اعلجه ولا اغليه ولا شنو بالضبط

 

[كلي ثقه و سنع]

رد : البلغم والكحه ذبحوني شالحل

سلامات

نقعي ليمونه ( قصيها نصين ) و فوحيها

و شربي مايها مع عسل


وهالله هالله بشوربه ولهمي ثوم

 

[شيــوخه]

الله يعينننننننننننج والله مشكله الكحه والبلغم والفونزا كلها بكبرهها على الحامل

عليج بلمرررررره حطيها تحت الساننننج كسره اصغيره بليل حطيها تحت السانج ونامي ماتكحيييييين

والله يعينج ان مافاد ماراح يروح هشي الي فيج الا بعد ماتولدين بسلامه

 

[عيون زوجها]

سالفه الليمونه ريلي مسكين كل يوم بالليل يشوفني شلون متبهذله يقوم يسويلي وماشفت فايده غير حرقه فمعدتي عقب ما اشرب
المشكله ان عيالي مرضى يعني كلنا وباء انا صارلي الحين جم شهر على هالحال مت والله العظيم عيالي مو راضيين يترقعون والله كل اسبوع يتشافون يومين ويرجعون مرضى الدكتور حفظنا والله العظيم
الشكوى لله شنسوي بعد

 

[omali_store83]

حبيبتي علج المر علجيه وحاولي جم مرة باليوم صج مر وايد بس حاولي وترتاحين ان شاء الله​

 

[om al ghaleen]

والله مثل حالتج وانا كحتي ناشفه وايد شكلي بولد قبل موعدي من كثر مااكح
الدكتوره وصفت لي دوآ اعشاب بس ماكو فايده ماخليت شي ماشربته


\\

 

[هوبا الزين كله%]

انا بحمالي الاول جتني كحه وبلغم رحت لحمواتي ذكرولي دوا اسمه بروسبان والله من استخمدته خفت الكحه وبعد فتره قمت تكرمون ارجع بلغم والله انصحج جربيه وادعيلي والله يهون عليج

 

[كويتيه بنت جابر]

والله نفس الحاله صارلي شهر كحه قويه ناشفه ونومي معدوم انا الحين بالشهر الثامن من كثر ما اكح ينزل مني بول الله يعزج ما بقا دوا ما جربته حتى دوا المعده ريحني قبل بس الحين ماكو فايده جربي ادويه الحساسيه تريح شوي والله يشافيج

 

[زمزم 2010]

رد : البلغم والكحه ذبحوني شالحل

انا سمعت بصراحة ماجربت للامانة عسل مع زيت زيتون وليمون

وانا مثلج ذبحتني الكحة بس للحين ماجربت شي بس بشوف الادوية اللي قالوها
والله يشفي الجميع *

 

[زمزم 2010]

رد : البلغم والكحه ذبحوني شالحل

انا سمعت بصراحة ماجربت للامانة عسل مع زيت زيتون وليمون

وانا مثلج ذبحتني الكحة بس للحين ماجربت شي بس بشوف الادوية اللي قالوها
والله يشفي الجميع *

 

[مدرسه فنيه]

عبالي انا لحالي اللي ذابحتني الكحه

تجيني مع حاااااااااااااارج اففففففففف تجيب اللوعه

بس رحت لمستوصف احمد الخطيب عند بنته اسيل ماشا الله حيل ارتحت

بحولي عيادتهم

 

[عيون زوجها]

مشكورين ماقصرتو
انا عارفه نفسي حتى بحملي اللى طاف نفس الشي صارلي وسويت قيصريه والله كنت ابجي بجي من كثر الكحه قويه احس العمليه بتنبط
الحين انا المشكله وايد قاعد ينزل علي ماي من قوه الكحه
الله كريم ماظل شي ما بلعته واكلته شسوي الله كريم الشكوى لله