البلاك بيري ضاع بالكليه وفيه صور

[قطعة حلا2]

بنااااات الفزعه تكفون تكفون اليوم طلعت من الملحق واحد بالباص ورايحه لرئيسي وفوني كان بيدي ومامعي الا واحده بالباص ونزلت من الباص وشكل البلاك بيري طاح مني بالباص والله اول مره اركب الباص من دون ماشوف وجهه راعي الباص المشكله فوني ضاااع وفيه صور اختي توها عروس تكفون بنات البلاك بيري عليه كفر بنفسجي واهو بولد ودقيت عليه ولقيته مغلق تكفووووون اللي تلقاه تبلغني جزاكم الجنه واللي ماخذته والله مابيحهاااا. مهبب مبيوحه فيه والله ماخليت باص او بنت ماسالتها تكفون سااااعدوني:eh_s(16):

 

[Tom ♥ Jerry]

,


وي لاحول و لا قوة الا بالله !
آنزين مآفيه password ؟ :/ حبيبتي
روحي الاداره عندكم و كلميهم ..

الله يكون في عونج و كلمي راعي الباص مآلكم بعد :*
ان شاء الله تلقينه قريب

 

[خالتي قموش]

الله يهداج
شلون حاطه صوركم الخاصه بلتلفون
الله يستر عليكم و تلقينه و تمسحين كل الصور

 

[ام غازي 2012]

لاحول لله ولا قوة الا بالله


خلي واحد من اخوانج يروح يبلغ بالمخفررر

ويعطيهم كل بيانات التلفون

وان شاءلله يلقوونه

 

[3aly mstway]

حبيبتي يقدرون المخفر من البن يحرقونه باللي فيه

ادعي ربج

 

[قطعة حلا2]

مشكورين حبيباتي بس المشكله اني ماشفت وجهه راعي الباص ووالله اليوم رايحه وحرارتي مرتفعه وعيوني يادوب افتحها والله يابنات مو حاطه باسوورد المشكله بلعنه الجهاز ابي بس اعرف طريقه كيف تنمسح الصور اللي فيه

عالي مستواها انتي متاكده انهم يمسحون الصور عن طريق البن كود حق bbm ولا قصدج السيريال اذا قصدج السريال فللاسف انا قاطه كرتون الفون من زمان بس اذا فيه طريقه ثانيه ياليت تبلغوني عفيه

 

[قطعة حلا2]

والله يابنات ان مو راعيه تصوير لكن قبل شهر كان عرس اختي وصوره علا عجله ولا مسحتها قسمااا بالله ماحب التصوير والخرابيط والفناتك بس الحظ

لكن ماقول الا حسبي الله ونعم الوكيل علا اللي خذاه

 

[اميره^_^بحلآها]

فعلاا روحي بلغي بالمخفر<<

 

[3aly mstway]

اي حبيبتي في عنطريق البن


الله يسسسسسسسسسسسسستر عليكم

 

[M!SS.LOBY]

لا حول ولا قوة الا بالله
لا تسكتين مسكي البنت والسايق وتقدمي بأسمهم للمخفر يمكن يطلع شئ
وبالامور هذي الواحد يرجع للقانون احسن وهو العادل الله يهون عليج

 

[granted]

عادي شخباري ينشرون الصور من صجج الي بينشر هذا بيكون غبي بيقط روحه بالمخفر بيده لانه سهل ينصاد حزتها
لاتحاتين وتوكلي على الله واستعوضي ربج حبيبتي ترى وايد تنباق فوناتهم اولهم انا وكله صور خواتي واهلي ولابتوبي انباق وفيه صورنا وصور خواتي بسفراتنا
بس ابيج تفهمين شي واحد ترى ماتوا الي يبتزون بالصور لانه بيتفح على روحه ابواب جهنم ماتنصك

 

[اميره1980]

اتوقع اللي خذاه واحد طمعان بالجهاز نفسه مو بالصور و اكيد مسحهم
انا من رايي تبلغون المخفر احسن بس ان شاء الله ربي يعميه عن الصور و يمسحهم

 

[قطعة حلا2]

الله يسمع منكم ومشكورين على الدعوات بس انا اذا رحت المخفر شقولهم اقولهم البلاك بيري انباق يعني بيرفعون قضيه ولا كيف!!!

 

[قطعة حلا2]

عادي شخباري ينشرون الصور من صجج الي بينشر هذا بيكون غبي بيقط روحه بالمخفر بيده لانه سهل ينصاد حزتها
لاتحاتين وتوكلي على الله واستعوضي ربج حبيبتي ترى وايد تنباق فوناتهم اولهم انا وكله صور خواتي واهلي ولابتوبي انباق وفيه صورنا وصور خواتي بسفراتنا
بس ابيج تفهمين شي واحد ترى ماتوا الي يبتزون بالصور لانه بيتفح على روحه ابواب جهنم ماتنصك

حبوبه خوفج ينشرهم ويدزهم بالواتس اب او تويتر وبعدين انا مصوره فيه فديو اللله يستر بس ويكون بالعون والله ميته خوووف

 

[خالتي قموش]

ادعي ربج انه يعمي عيونهم عنه
اللهم اجعل من بين ايديهم سدا ومن خلفهم سدا فاخشيناهم فهم لا يبصرون

 

[نوف الصقعبي]

لاحول ولاقوة الا بالله

لازم تبلغين إخوانج عشان مايصير شي جايد وتصير مدة ايد ومشاكل مالها اول وتالى
وعشان لا زوج اختج يطلقها بسبتج وبسبة سكوتج
بلغي اخوج ولازم تلاحقين على عمرج وتبلغين المخفر بأقرب وقت
لاطاح الفاس بالراس ماتنفع الدموع

وفى ناس صج مايخافون من الله سبحانه

بلغي المخفر بسرعه
كل ماتأخرتى
كل ماعطيتي مجال حق اللى تجرأ وباق وماخاف انه يتمادى بشي افضع وأكبر
وفي شباب مايخافون الله ينزلون الصور بالإنترنت واليويتوب عن طريق محلات الكافيه وهنى من الصعب انه يصيدونه الشرطه لان اللاب مو بأسمه


بلغى اخوج

وروحو المخفر

اختج عروس

لاينهدم بيتها بسبتج

 

[معزوفة عشق&]

استودعيه الله وادعي ربي انه يوقع ف يد ناس يخافون الله
وهذا درس لك لاعاد تحطين صور بالجوال اشتري لك " يو اس بي "واحفظي فيه كل صورك الشخصيه

 

[Japanese]

فيه شركات اتصالات تقدر تحدد مكان جهازج وتصكرلج ياه! احنا عندنا هالخدمه

يبيلج تجيكين ع شركه الاتصالات مالتكم

واذا كلش كلش مثل ماقالو البنات جوفي الشرطه شيقدرون يسوون

الله يستر علينا عليكم

فرآيي بعد انه ماظن اللي خذا التلفون يسوي شي ف الصور يعني امانه شبيسوي ف صوره عروس

جوفو هاي عروس؟ انزين وبعدين ،، ماله داعي تحاتين كلش دام انه الصور مبين انها شخصيه ومب فاضحه ولا فيها شي

لاتحاتين ابدا

 

[آهات و خواطر]

روحي المخفر وبلغيهم

 

[آهات و خواطر]

روحي المخفر وبلغيهم .