البق تلفنا ساعدوني الله يخليكم

[اسرار70]

والله انا نفس الشى سافر ورديت الا الشقه متروسه بس ما ادري اسمه بغ
خلصت اكثر من اربع علب بف بف ما كو فايد افتح كبت المطبخ يتطايرون
وبكل مكان بالبيت شكيت بخيشه العيش لانها كانت بغرفه متروسه علي السقف جنه خفافيش من كثرهم
بس نمشى ونذبح فيهم وكل يوم بزياده
بس ابي اعرف هو بغ اهو كبير جنه فراشه صعير اكبر من الذبابه بليز فيدوني لانى مليت صار لي اكثر من شهر

 

[& مــشــايــخ &]

اسرار على وصفج هذي زهيويات المانيه

الله يعييييييييييييينج هذي حتى بالثلاجه تدش وبكبتات الملابس بين الملابس

بس ماتسبب حكه نفس البق

الحل جيبي شركه ترش لج كبت المطبخ اول شي فضيه

وترش السقف

 

[انوثة من حرير]

والله البق انشر ببيوتنا هالسنة بزود الله يحمينا
جربي هالطريقة جربوها ناس ونفعت معاهم تلقين بالجمعية الكور البيض الي لهم ريحة ينحطون بالحمامت تاخذين منهم وتطحنينهم مع فلفل اسود وخلطيهم وزعية بالمكان الي يطلع منه البق يختفي مجرب من ناس

 

[ياسمين الاردنية]

الله يعينك حبيبتي
جربت والحمد لله انتهيت منو
جربت الكاز .......وكل يوم انظف وارش كاز ماخليت مكان الا رشيت عليه والبرداية
كل يوم اغسلها عشان بتجمع فيها كتير البق والخشب اللي تحت التخت رشيت ماي حار وكاز
وبالاخير بس بقى خفيف
جبت شركة ورشت
صارلي 3 اسابيع والحمد لله ما طلع شي وكل نهاية اسبوع انظف واتاكد اذا في شيء

 

[Dior Adict]

ايييي اناااا عااااااااااااااانييييييييييييييييت عاااااانيييييييييييييت من هالحشرة !!! اول مره حسيت فيها كان شهر 11 اللي طاف قلت حق اهلي قالولي انتي توسوسين ولا فيج حساسية لأن في ناس تقرصهم هالحشرة اكثر من غيرهم .. يعني انا دايماً تيي علي اول شي و تقرص فيني اكثر من خواتي مادري عالدم مادري

المهم لين صار شهر 5 بين الموضوع عدل و قمنا نشوفهم عدل بس عقب شنو
تكاثروا و كبروا !!!!!! رشينا قاز و انا غسلت كل هدومي تخيلوا الشتوي و الصيفي و اللي اخترب علبوا كلهم مع بعض

اخر شي يبنا ملوت الحشرات رشوا مرتين و اختفت الحشرة من شهر 6 تقريبا بس المشكلة انها ترد لأن مرات في بيض ماتوصلينله لما ترشين .. الحين قمنا نحس فيها مره ثانية ولازم نرش

ياجماعة ردوا رشوا لو كل شهر مره .. احنا قلنا خلاص خلصنا بس ماكو فايده

و انا لاحظت وايد ناس عانوا منها الفترة الاخيرة بس محد يتكلم لأن فشله تقولج في ابيتنا هالحشرة
دايماً لما كنت ابطل الموضوع مع احد تقولي ايييييي احنا بعد !!!


ديروا بالكم و انا حدي لايعة جبدي منها .. الحين شسوي مالي الا اني ارد ارش

ولما ترشون رشوا كل شي حتى ملابسكم لاتخلون شي .. و كل شهر رشوا مرة عالاقل

الله يعين ..

 

[Dior Adict]

طبعا مو انتو ترشون

اقصد ييبوا ملوت الحشرات

صدقوني مافي احد كثرنا جرب بف باف و قاز

مافاد الا ملوت الحشرات .. رشوا كل البيت حتى المطبخ و راح تشوفون الفرق على طووووووووووووول

 

[Dior Adict]

نخيلوا لما تطلعين و تكون بملابسج !!!

تقعدين تحكين بعمرج و تكون مو وحده ... مليوووون وحده بملابسج !!!

وعادي وانتي بالدوام تشوفين شي قاعد يمشي على بنطرونج !!!! من وين طلع ماتدرين !! هذا غير التقرص ... وغير ان انتي جذي تنقلينه من مكان لي مكان .. يعني يدش بالاسفنج مال الستيان تخيلوا !!!! واااااااااااااي ببجي ببجي

شي يلوع الجبد بمعنى الكلمة و يفشل

اللي ماشافوه معناته لي الحين صغير .. بسالله لا يوريكم لما يكبر ..فيني حره!!!!!

 

[ام مها]

عليكم بالريحان وزعوه بالبيت وحطي بكل مكان ريحان وراح تتفاجئي باختفاء البق