البق تلفنا ساعدوني الله يخليكم

[sharshora80]

السلام عليكم


خواتي البق تلفني تارس شقتي
من سافرت ورجعت والا الاقيه غازي شقتي غزو
طلعت كل شيئ ونظفت ماكو فايده يبت شركة ورشت هم ماكو فايده الله يخليكم اللي عندها حل تعطيني وتفيدني ولها دعوه من قلبي
كرهت شقتي منها

 

[زعفرانة_73]

حبيبتي فى جهاز اسمه صاعق الحشرات فيه ضوء أزرق شغليه وقعدي سمعى صوت اللسعات اللى يلسع الحشرات انا حاطه واحد بالمطبخ ومرتاحه، اذا ماعندج ميزانيه في مضرب جنه مال التنس بس تمسكينه وتلوحينه بالجو يشتغل بالبطاريه.انشالله اكون فدتج حبوبه​

 

[زعفرانة_73]

ها لاتنسيني بدعوه حلوه الله يبارك فيج قلبي:yaaaaaarb:

 

[صدى القلب]

حبيبتي الله يعييينكم البق يطلع من الخششب

اذا بس يطلع عندج بغرفه وحده قطي كل اثاثج وبتلقين بيته وبيضه على العواميد مال الاثاث

ومايطلع الا بالظلمه وترى موو زين للانسان يمص دمه

الله يحمييكم يااارب

 

[زعفرانة_73]

وييييييييييه انا على بالي البق الباعوض اللى بالجو :eh_s(22):​

 

[دانه الهيرات]

اكو بالجمعيه مثل معطر الجو بس هو قاتل للحشرات و معاه بلاك اتركبيه عالكهربا و يذبح البق

 

[ليتك هنا]

االله يعينك حبوبه بس اول كان الحل الوحيد
لهل الحشره الشمس كانت جدتي الله يرحمها ان حست شي ضايفها
بفرشتها سيده الحوش وتخليها طول اليوم بالشمس
واذا طلعت فرشتك الله يعينك تنظيف بالديتول والبف باف
موفقك ياقلبي

 

[زوجة الوزير]

الله يعينك يقولون اغلب البق اللي يجي يكون عين شغلي سورة البقره

 

[حمامة مكه]

ايه لازم تخرجين كل الاثاث في الشمس

وترشي عليهم مبيدات وترشي كمان الشقه وتخرجي كم يوم من الشقه

من شان ريحة المبيد وان شاالله يروح من الشقه

ومنجد البق مشكلتهم مشكله

 

[sharshora80]

الحمد لله بنات
افتكيت منه الحمد لله واي ما تتصورون اشلون انا الحين مستانسه
الحمد لله الفضل يرجع لرب العالمين والله اني كنت ابجي وادعي ربي لا تستغربون والله اللي تجرب هالبق في بيتها راح تعرف شعوري
ما كنت انام وكله اجبك على اعيالي
بس الحمد لله راح
دقيت على الشركة مرة ثانية وخليتهم يرشون قلت ابي رش مكثف كل شيء كل شيء وطلع البق اساسا ياينا من خيشة العيش التموين القبل الاخير ترس ترس من قطيته خدامتي بره والا تقول ماما كل حشرات اطلعت
طبعا حرام ما قطيته بالزبالة لا عطيته الهنادوه خل ياكلونه واكيد طلع البق لان كان بالشمس
الحمد لله

 

[& مــشــايــخ &]

بنات انا ماعرف شنو البق ولاعمري شفته بس هالايام انا وزوجي وخدامتي جسمنا قاب حبوب ونحك حك موطبيعي

وقالو لنا الناس اكيد في بيتكم بق بالفراش شلون اعرف ؟؟؟

وشلون أقضي عليه

 

[حلاتي بندرة وجودي]

الله يعييييينج كله ولا البق احس اهستر اذا شفته

 

[& مــشــايــخ &]

فوووووووووق

 

[هامش الطيف]

أي وآلله آحنا بيتنا جذي
ولا تشوفين آغلبنا متأذي حيل منه بآجسامنا أردي من تقرص الناموس

آنآ غيرت آثآث غرفتي وهم ماراح طلع بالاثاث اليديد !
قالولنا يمكن عين وآلله عييييييييييييييييين
صج متأذين

 

[فـدوه]

في بالجمعيات سائل مبيد حق البق تركبيه بالبلاك مال الكهربا و هو يبخ بدون ريحة. عجييييييب بمعنى الكلمة

 

[شوشه ام كوشه]

البق حله شي واحد ومجربينه طلعنا كل اثاثنا وحطينا الدوا مال جرب الابل والله والله مجرب

 

[& مــشــايــخ &]

فوووووووووووق

انا ماقدر اطلع الاثاث ساكنه بشقه ودوا الجرب خطير عندي جهال ماقدر

 

[ملامح بريئة]

بنات هذا شكثر ذكروه البنات بمواضيع ويختلف عن بق العيش هذاك دود ما يضر لكن هذ ا البق الخطير يمص الدم وانا تاذيت
منه ويعيش بالخشب اذا قلبتي السرير بقاعدته وخلف الكبتات وبالاطراف وينتشر بالفراش والكنبات بسرعة وياكلهم مؤرف والله الحل انك تاخذين من اي شركة مبيد وتطلبين منهم انه يخلطون معاه جاز وتخلينه عندك وترشين علي الاماكن اللي تشكين فيها بوجوده و تطفين التكييف وتطلعين يعني كل يوم غرفة بالزوايا وتعيدينه كل اسبوع لما يختفي انشاالله احسن من ما تختنقون برش الشركة لان يرد

 

[ملامح بريئة]

اللي عندها جهال ترش نهاية الاسبوع غرفة غرفة وتقفلها وبعد يوم تجيب شركة تنظيف للغرفة والله عملية متعبة لا تنسون بالليل تدورينها بالليت الخفيف بالملابس تلقينها تخيلي اذا قضيتي علي وحدة تقضين علي جيل من 100 وحدة لانه بسرعه تبيض*

 

[& مــشــايــخ &]

الله يعين بس