لمن صدر له موافقة الابتعاث قبل القرار الجديد
«علاج الخارج» يعدل قرار العقم لصرف مخصصات 3 أشهر للمبتعثين
كتب جمال الراجحي: كتاب رفعه مدير ادارة العلاج في الخارج التابعة لوزارة الصحة الدكتور محمد المشعان الى وكيل وزارته الدكتور ابراهيم العبدالهادي، يطلب فيه تعديل قرار ابتعاث مرضى العقم، لتصرف مخصصات ثلاثة اشهر لمن لديه قرار الابتعاث قبل صدور قرار الوزير روضان الروضان الجديد في فبراير الماضي.
وتتجه الوزارة الى الموافقة على هذا التعديل «ليعطى المبتعث الذي صدر له قرار بالابتعاث قبل فبراير مخصصات مالية لفترة ثلاثة اشهر، لكنه يتحمل تذاكر السفر»، في حين ينص القرار الجديد على ان المريض يتحمل تكاليف الاقامة والسفر، وتكتفي الوزارة بدفع مصاريف العلاج فقط.
تاريخ النشر 24/03/2009
سؤال: هل اهم بهالطريقة يكونون قد حلوا المشكلة لا والله واللي فرحانة بهذا القرار تقولي
هل عندها مبلغ تذاكر رايحة رادة وبالفترة هذي راح ترتفع التذاكر بصورة مو طبيعية فما بالج باوروبا أو امريكا وحتى لو كان كل السفر كل نفقة الدولة مو يبيلج انتي ياللي بتسافرين مبلغ حق التاكسي وتمشية أمورج والا تبين تعتمدين اعتماد كلي على فلوس الدولة
اقسم بالله قرار أعوج بيسكتنا فيه الظاهر درى ان المحامي خالد العبد الجليل بيناقش الموضوع فخاف ونزل هالقرار السخيف
انزين يعني اللي صدر بحقهم الموافقة قبل صدور القرار لهم رب غير رب العالمين والا شنو يفكر فيه بالضبط والله ان هذا هو الظلم بعينه
ليش على العقم بالذات؟ يمكن عشان احنا ما نقول آآآآآآآآآآآآآآه
ما أقول غير " اللهم يا مسخر الجبال الراسية ويا ملين القلوب العاصية لين قلب الوزير وحنن قلبه علينا بتغيير القرار للأفضل فأنت يا ربي تقدر وانا لا أقدر
لا يكون يا بنات بتسكتون؟؟؟؟؟؟؟؟؟؟؟؟؟؟؟؟؟ ردوا علي الحين لأني بجد نفسيتي تعبت حسبي الله ونعم الوكيل
